ساجا 2013 نزلت ياشباب النيل
 

كنت فى المصريه للسيارات انهاردع بعد مكلمتهم بالفون بسأل على حجات كتير موجوده بكام المهم انت معاك كام قلتلو 75 قالى بس تركب الساجا انا بصراحه جه فى دماغى انها 2012 قلت كويس فرصه لقيت اللى بدور عليه قبل الغليان اللى هيحصل

المهم طلع التالى ساجا 2013 وسعرها 78900 مش 75زى مقال بس هو كان بيجر رجل

العربيه بصراحه ميه بالميه صاج قوى وتحسها حاجه كده بالاضافه ان الموديل ده زودولوا فرامل ABS يمكن عشان كده غلوها

جينا بقا للسؤال الللى كنت مستنيه الا وهو التانك بياخد كام قالى بياخد 60 لتر دا على اساس انها مقطوره قلتلوا اتأكدلنا يا ابن الحلال لحسن بالعزم دا كلو اللى هو 94 حصان ويمكن اكتر كمان هتبقى بتاكل بنزين ودى النقطه المعيوبه فى العربيه
سأل واحد ابن حلال زميلو قالو بتاخد 30 او 35 قلتلو ربقنا يديك الصحه ياغالى قال بص سيبنى اتاكد المهم قال فى الاخر انها بتشيل 45 لتر انا ياعم كنت هاخدها على انها عربيه 1600 عشان اقنع نفسي بموضوع البنزين فى ظل الازمه الراهنه مش هينفع كل شويه نمون ومفيش تموين اساسا عايزين نتاكد من حته التنك دى

العربيه بردو فيها حاجتين كده مش عاجبنى اول حاجه حسيت قعدتها ناشفه شويه سالتو قالى عشان لسه جديده شويه وهتلاقيها ميه بالميه قالت اقعد فى البيرسونا نجرب لقيتها طريه عالاخر
تانى حاجه ان الكاسيت CD مفهوش USB ودى حجاه تضايق
لكن العربيه دى لو كانت 8 اسطوانات بدل 16 كانت هتبقى روعه ومكنتش هتشد بنزين عالى كده وهتبقى هيا رقم واحد موضوع البنزين دا مهم اوى

رد: ساجا 2013 نزلت ياشباب النيل
 

:286::286::286: يا ريت لو ترفع لينا صور ليها

رد: ساجا 2013 نزلت ياشباب النيل
 

اهو ده الفتي بعينه
متسلمش ودنك ولا دماغك لمندوبين في معارض غير اللي يكون فاهم
وللاسف الاخ لا يفقه شيء

العربية مفيهاش abs ده اولاً
ثانيا التانك 45 لتر فعلا
وثالثا الموتور 16 صباب 2 كامة مش 8 صباب

غير كدة وكدة الموديل اللي فيه abs ده 1600 سي سي saga fl وده الشكل الجديد وفيها abs + ebd + 2 airbags وفتيس 6 سرعات ستب ترونك
طبعا لو نزلت مصر دي سعرها هيوصل للجين2 والبيرسونا
بس انا مفتكرش انها تنزل مصر الفترة دي خالص ممكن كمان سنتين لما الشكل الحالي ياخد وقته شوية

رد: ساجا 2013 نزلت ياشباب النيل
 

يامولانا الراجل فتح الكبوت وورانى ABS طبعا انا مش خبير بس عرفتو لانى شفت نفسو فى عربيه تانى والكل بيقولك التانك 40 انت اول واحد يقولى التانك 45
زانا فعلا ياغالى مش فاهم ولو كنت فاهم مكنتش سألت وبخصوص الصبابات مانا قايل انهم 16 لو كان 8 كان هيبقى احسن عشان سحب البنزين
بالنسبه للصور ياغالى هيا شكلها مختلفش عن اللى قبلها هو هو وهحاول انزلك الصور يافنان

رد: ساجا 2013 نزلت ياشباب النيل