مصر موتورز مجتمع السيارات - العين السخنة والمصيف .. تقرير كامل بالتفاصيل والصور

العين السخنة العين السخنة شواطى العين السخنة مصايف العين السخنة فنادق العين السخنة اسعار شواطى العين السخنة
بلاجات العين السخنة مصيف اليوم الواحد عروض العين السخنة
افضل شواطى العين السخنة
احسن شواطى العين السخنة
رحلات العين السخنة اين توجد العين السخنة بحر العين السخنة
اسعار الشواطى افضل الشواطى اجمل بحر اجازة يوم واحد
اسعار الفنادق افضل الفنادق افضل الشواطى العين السخنة

الصيف دخل
وبدأ كل واحد مننا يفكر هيصيف فين السنة دى
وفى ناس كتير ظروفها او ظروف عملها مبتسمحش لها انها تاخد اسبوع كامل او اكتر مصيف
كتير مننا البحر بالنسبة لة هو مصيف اليوم الواحد
وبما انى دايس فى البحر الى حد ما
قررت اعمل الموضوع دة للمنتدى والاعضاء
(((((تقرير كامل عن العين السخنة))))

وعشان مينفعش اروح البحر لوحدى
كلمت اتنين من اصدقائى واتنين من زملاء العمل
وقولت لهم ان انا منظم لهم رحلة سنوركل وغطس حر بتصوير تحت الماء (مجانا عشان خاطر الصداقة والزمالة طبعا)
وفى نفس الوقت اشوف المية بقت دافية ولا لسة وبالمرة اعمل التقرير
وطلعنا يوم 5/5/2013 (شم النسيم) الساعة 5 فجرا

فى البداية معلومات عامة عن العين السخنة.....
مدينة ساحلية تقع على خليج السويس بالقرب من مدينة السويس وهى مدينة صناعية سياحية

اقرب المدن ليها هى السويس لانها تابعة لمحافظة السويس
بس هيا مش مدينة بالمعنى المتعارف علية
بشكل ابسط لو افترضنا انك هتروح تصيف فى مرسى مطروح كام يوم فانت بعد ما تخلص البحر اخر النهار ممكن تخرج فى المدينة لانها فيها حياة (اسواق - ملاهى - سينما - سيرك ...الخ الخ الخ)

لكن العين السخنة مفيهاش الكلام وخصوصا المنطقة اللى فيها القرى السياحية عشان كدة هى مصيف لليوم الواحد

كيفية الوصول ليها :

لو انت من بورسعيد او اسماعيلية او السويس هتاخد طريق السويس الغردقة وهتلاقيها بعد 70كيلو تقريبا

لكن لو انت من سكان القاهرة والاقاليم المحيطة بها فطريق الوصول ليها عن طريق - القطامية العين السخنة - ودة اولة من على الدائرى الشرقى بعد كارفور المعادى ب 2 كيلو وانت رايح على القاهرة الجديدة

لكن لو انت جاى من الناحية التانية من الدائرى الغربى (اسكندرية زراعى - الخصوص - السلام - اسماعيلة زراعى ..الخ الخ الخ) فبعد ما تعدى من تحت نفق السلام بحوالى 25 كيلو تقريبا هتلاقى اليفط الارشادية اللى على الطريق بتدلك على مكان النزلة يمين وتاخد الصينية وتخش من تحت الدائرى

وانا حطيت صورة من الجوجل لتسهيل الموضوع

http://i1357.photobucket.com/albums/...ps42de0b01.jpg

المسافة 120 كيلو والطريق باشا والسرعة القصوى علية 120 ك/س
فى بنزينتين على الطريق رايح وزيهم جاى وفى كافتيرا فى نص الطريق رايح وزيها جاى
دى الخدمات الموجودة على الطريق

بعد ما تخلص الطريق وتعدى الكارتة هتلاقى الطريق واخد يمين اجبارى (اتجاة الغردقة) ولو عايز تروح الناحية التانية هتاخد اليوترن وترجع طريق السويس

هنا بقة هقف وهصفر العداد بتاع العربية وهسمى النقطة دى نقطة الصفر
http://i1357.photobucket.com/albums/...psdb04e285.jpg

وخلى بالك من كلمة نقطة الصفر عشان هستخدمها كتير
يعنى مثلا هتلاقينى بوصف لك شاطى واقولك على بعد كذا كيلو من نقطة الصفر باتجاة الغردقة فتبقى فاهم قصدى

قبل ما اقولك الشواطى ووصفها واسعارها لازم اقولك ان كل الشواطى اللى انا بنزل فيها لازم تكون شواطى صخرية بالاساس عشان الشعب المرجانية والسنوركل والغطس الحر والتصوير تحت الماء

بمعنى ابسط انا شخصيا صنفت شواطى العين السخنة من عند نقطة الصفر

يمين كانك رايح الغردقة شواطى ذات الطبيعة الصخرية بالاساس بعضها يصلح للمصيف العادى (بحر وعوم ولعب وكورة ركت ..الخ الخ) وبعضها لا يصلح الا ببعض الحذر

ومن عند نقطة الصفر تاخد اليوترن وترجع اتجاة السويس كلها شواطى رملية ناعمة تصلح لل (بحر وعوم ولعب وكورة ركت ..الخ الخ) وفيها قرى سياحية مستويات مختلفة

من عند نقطة الصفر هتاخد يمين كانك رايح الغردقة
خلى بالك الطريق دة متعرج جدا والحكومة حطالك يفط بتقولك دة طريق حوادث

الكلام دة من عند نقطة الصفر لحد ما توصل الزعفرانة ... يعنى متحاولش تجرى او تعدى حد او تاخد غرز عشان الطريق رايح جاى..... يمينك الجبل وشمالك البحر

نبتدى :

شاطى جنكو على بعد 11 كيلو من نقطة الصفر باتجاة الغردقة ودى صورتة
http://i1357.photobucket.com/albums/...pse0d86099.jpg

الشاطى دة تابع لكافتريا امامة على الطريق العربيات بتعمل عندها رست فهتلاقى المنطة حيوية شوية وبتوع كاوتش وبنزينة وكدة

رسم الدخول 25ج للفرد واحيانا فى بعض الايام زى الجمعة والاحد بيزودوها 5 او 10ج عن السعر العادى

رسم الدخول للكراسى والشمسية فقط ........والاكل انت وراحتك

فى بعض الايام لو الشاطى ازدحم قليلا خد الشمسية والكراسى بتاعتك واهرب فى اليمين (لو بصيت للصورة هتفهم) لان عرض الشاطى الرسمى حوالى 50 متر فقط وكدة كدة شغالين بمبدا (الشاطى كومبليت ياباشا) لما الشاطى بياخد عدد المصيفين كامل

الحمامات متواضعة او بسيطة

الشاطى دة شاطى صخرى بالاساس يعنى عشان تعوم وتلعب وكدة لازم تكون لابس حاجة فى رجليك
خصوصا ان انت بنتعدى على شريط من الزلط الصغير قبل ما توصل المية (لاحظ الصورة) لان المساحة الفاضية بين الشاطى وبداية الشعاب المرجانية فى قاع البحرعبارة عن حزام عرضة 18 متر تقريبا وبطول الشاطى كلة ودى المساحة اللى انت ممكن تلعب وتعوم فيها بأمان

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
فندق موفنبيك على بعد 12 كيلو من نقطة الصفر باتجاة الغردقة
الفرد ب 230ج بدون وجبة ..... وبالوجبة 350ج للفرد
وطبعا مش هيحتاج صور ولا شرح عشان دة موفنبيك

_________________________ _______
واحة مينا على بعد 13 كيلو من نقطة الصفر باتجاة الغردقة
صورة الشاطى
http://i1357.photobucket.com/albums/...ps737b0a11.jpg

الفرد ب 105ج شامل وجبة غدا والكراسى والشمسية
وفى ايام الجمعة والاحد الفرد ب 121 ج شامل وجبة غدا والكراسى والشمسية
من باب الاحتياط متنزلش المية حافى لان انت بردة بتعدى على حزام من الزلط الصغير قبل ما تنزل المية (بص على الصورة)

الحمامات والخدمة اكيد حاجة كويسة

بس انا عمرى ما دخلتة عشان مفيهوش شعب مرجانية فيبقى مينفعنيش

ـــــــــــــــــــــــــ ـــــــــــــــــــــــــ ــــــــــــــــــــ
واحة الحجاز على بعد 15 كيلو من نقطة الصفر باتجاة الغردقة
http://i1357.photobucket.com/albums/...psfa764e2d.jpg

ودى بقة مش بالفرد
دى الشالية ب 350ج فى اليوم حد اقصى 5 او 6 افراد فى الشالية وملهموش دعوة بالاكل والشرب
والشالية زى ما هو واضح فى الصورة منة للبحر علطول
وبردو لازم تكون لابس حاجة فى رجليك

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ

شاطى سفارى ايجبت على بعد 20 كيلو من نقطة الصفر باتجاة الغردقة
http://i1357.photobucket.com/albums/...ps5ac5fed3.jpg

سعر الفرد 15 ج وفى بعض الايام 20 او 25 ج

شاطى بسيط كدة والحمامات متواضعة او بسيطة وفى رأيى الشخصى هو يبنفع للصيد بالسنارة 10/10

لكن لو قررت تنزل فية عوم ولعب فاعمل حسابك انك هتعدى على حزام من الزلط الكبير عرضة 3 متر وبعدها توصل للمية ومفيهوش شعب مرجانية
يعنى بعد ما تعدى حزام الزلط البحر من تحت رملة ناعمة

وبردو لازم تكون لابس حاجة فى رجليك

ـــــــــــــــــــــــــ ـــــــــــــــــــــــــ ـــــــــــــ
بورتو السخنة على بعد 28 كيلو من نقطة الصفر باتجاة الغردقة
هو طبعا غنى عن التعريف ومش محتاج صور ولا حاجة
وممكن تدخل على النت وتعرف كل حاجة من المصدر نفسة

ـــــــــــــــــــــــــ ـــــــــــــــــــــــــ ــــــــــــــــ
شاطى جراند هايتس على بعد 33 كيلو من نقطة الصفر باتجاة الغردقة
http://i1357.photobucket.com/albums/...psfa9134b2.jpg

ودة شاطى بتاع قرية تحت الانشاء لسة
ودة اللى انا بنزل فية غالبا
واللى بقيت الصور فى الموضوع (تحت المياة) متاخدة فية
وهو ظروفة صعبة شوية
يعنى الغفير اللى بيحرس الموقع اول ما تروحلة يقولك الشاطى مقفول
وبعد ما تلح علية يقولك مفيش مية حلوة (للاستحمام اخر اليوم) ومفيش كراسى للجلوس عليها لكن الحمام شغال (نظام تطفيش)

لو صممت على الدخول بيوافق على مضض باعتبارك كائن حى جة عشان يقومة من قدام كوباية الشاى وحجر المعسل اللى بيشربة فلو فضل يجادلك حجر الشيشة هيخلص وكوباية الشاى هتبرد ...!!!!!!

بيفتح لك حمام شالية من الشاليهات اللى لسة متسلمتش لاصحابها

وعلى الرغم ان ممكن ناس تستغرب انى انزل فى شاطى (بيطفشوا الزباين)
الا ان الشاطى دة لية كذا ميزة من وجهة نظرى
اولا الشاطى غير قابل للازدحام يعنى لو بصيت على الصورة هتلاقى بين كل شمسية حديد والتانية حوالى 10 متر فدة معناة انك هيبقى ليك خصوصية

دة غير ان الغفير لما العدد بيكمل (على الرغم من سياسة التطفيش ) مبيرضاش يدخل حد تانى ويقولة الشاطى كومبليت يعنى مفيش حد هيزاحمك ولو معاك اسرتك ممكن تنام تحت الشمسية قرير العين وانت مطمن عليهم ان محدش هيضايقهم

اجمل ما فى الموضوع واللى بيخلينى استحمل سادية وحب انتقام الغفير من الكائنات الحية (المصيفين) ان المية بتاعة الشاطى بتخفى تحت منها واحدة من اجمل الحيود المرجانية الرائعة المليئة بالممرات والوديان والكهوف الصغيرة فى القاع وعلى اعماق بسيطة ودة اللى هتشوفوة لما تكملوا التقرير للاخر

تالت حاجة انك بتدخل بعربيتك لحد جنب الشمسية يعنى بتركن عربيتك جنب الشمسية
ودى صورتين لية عشان تفهم انا قصدى اية
http://i1357.photobucket.com/albums/...psfea1aed1.jpg

http://i1357.photobucket.com/albums/...ps1bb503e4.jpg

الحمام بتستخدمة عادى طول اليوم لكن اخر اليوم لما تيجى تستحمى من المية المالحة احيانا الغفير بيرضى يخليك تستحمى واحيانا بيقفش عليك ويقولك وهو عامل حواجبة 88 (انا قولتك مفيش مية)

احيانا بحس ان الغفير دة عندة ميول سادية ويهوى التلذذ بتعذيب الاخرين ههههههههههههه

وطبعا عشان الشاطى بتاع قرية تحت الانشاء فطبيعى انك تلاقى حاجات غريبة على الشاطى (اخشاب تستخدم فى البناء - مسامير خشابى - احبال - زجاجات فارغة....الخ)

انا عارف ان فية واحد ممكن يقولى واية اللى غاصبك على كل دة ؟؟؟؟؟؟؟
هقولة تابع الموضوع للاخر وانت تعرف

وصلنا الشاطى الساعة 8 صباحا وكنا 5 افراد
وعلى الرغم انى قولت لهم انى عازمهم على رحلة سنوركل وغطس حر وتصوير تحت الماء
الا انهم مكانش عندهم تصور كامل هيقضوا اليوم ازاى

وعشان تبقى متابع باقى الموضوع والصور وفاهم اية اللى بيحصل ومين دول اسمح لى اعرفك على مجموعتنا الصغيرة وظروف كل فرد بالنسبة للسباحة

العبد للة صاحب الموضوع(مصطفى حسن) لابس اسود فى اسود
عبود صديقى: لابس تى شرت اصفر وبيعرف يعوم كويس
عماد صديقى : فى بعض الصور لابس تى شرت اسود وفى البعض الاخر عارى الصدر وبيعوم كويس
كمال : زميل عمل لابس بدلة غطس صيفى وبيعوم نص نص وقالى ان مشكلتة انة مبيعرفش يقف فى المية
كريم : زميل عمل لابس تى شرت احمر ومبيعرفش يعوم خالص

فى البداية بعد ما ركنا العربية جنب الشمسية وفطرنا وشربنا الشاى وكلة تمام
طلعت العدة بتاعتى وفردتها قدامهم وبدأ كل واحد يختار الزعانف والنظارة والقصبة المناسبة لة

http://i1357.photobucket.com/albums/...ps1427e519.jpg

http://i1357.photobucket.com/albums/...psb45c5fff.jpg

ولان المجموعة اللى معايا شباب كلها فانا مطلعتش العدة الخاصة بالنساء والاطفال ولا التجهيزة بتاعة كبار السن

وبدأت الاول اشرح لهم يعنى اية سنوركل ويعنى اية غطس حر وازاى يتعامل مع النظارة والتشبير والضغط وطريقة طرد قطرات الماء المالح اللى بيتكثف فى القصبة والطريقة الصحيحة للتعامل مع الزعانف واى انواع الشعب المرجانية الى هتقابلة يقدر يتعامل معاها (الامساك باليد والوقوف عليها ) واى الانواع لا يمكن التعامل معها .....الخ الخ الخ الخ

وفى الغالب موضوع تعليم المجموعة اللى معايا بياخد حوالى ساعة او ساعة ونصف

http://i1357.photobucket.com/albums/...pse984d6c0.jpg

http://i1357.photobucket.com/albums/...ps005ed3f6.jpg

http://i1357.photobucket.com/albums/...ps570c1a5b.jpg

http://i1357.photobucket.com/albums/...ps97ce5c7d.jpg

وبالنسبة لما يكون حد فى المجموعة مبيعرفش يعوم او بيعوم على قدة
لازم البسة لايف جاكت حفاظا على سلامتة
وعشان يقضى يوم جميل بدون اى خوف
لان اللايف جاكت بيرفعة فوق المية طول اليوم بدون اى مجهود
وفى نفس الوقت غير قابل للغرق لان مصنوع من الفل مش منفوخ هوا

لكن اللى بيعرف يعوم طبعا ما بيلبسش لايف جاكت

وهنا انا بتأكد من كفاءة الايف جاكت واحكام قفلة

http://i1357.photobucket.com/albums/...ps2552d247.jpg

http://i1357.photobucket.com/albums/...ps57a47502.jpg

http://i1357.photobucket.com/albums/...ps7f29bde7.jpg

ثم جولة صغيرة فى الماء لاختبار كفاءة كل حاجة

http://i1357.photobucket.com/albums/...ps24d6b059.jpg

وبعدين تعليم السنوركل لعماد وعبود اللى بيعرفوا يعوموا كويس مخدش وقت
ومن ثم توجهنا جميعا الى الداخل
http://i1357.photobucket.com/albums/...ps46b77d7f.jpg

http://i1357.photobucket.com/albums/...ps96ab5c50.jpg

دى صورة كريم اللى مبيعرفش يعوم خالص واحنا على بعد 200 متر من الشاطى
والايف جاكت رافعة بمنتهى السهولة والحياة جميلة معاة
رافع ايدية من المية وبيظبط النضارة
http://i1357.photobucket.com/albums/...ps2bb6baad.jpg

بعد الفترة التدريبية الصغيرة لكمال اللى بيعوم على قدة
وبعد ما تفاجأ بفاعلية وقوة الزعانف بعد ما علمتة ازاى يتعامل معاها
قالى انة هيقلع الايف جاكت وهيكمل بدونة
وقفت معاة لحد ما اتاكدت انة بقى تمام فى موضوع الوقوف فى المية
وبعدين كملنا
ودى صورتة وهو بيلف حولين وادى فى قاع البحر عشان يشوف اقصر حتة يعدى منها للناحية التانية

http://i1357.photobucket.com/albums/...ps431f177f.jpg

http://i1357.photobucket.com/albums/...ps0b48afce.jpg

لحظات استعداد لكمال
قبل ان يقرر عبود الوادى الى الجهة الاخرى

http://i1357.photobucket.com/albums/...psb651fa7d.jpg

http://i1357.photobucket.com/albums/...psbdbb8697.jpg

وكنت فى انتظارة على الجهة الاخرى من الوادى
فوق الشعب المرجانية

http://i1357.photobucket.com/albums/...ps9d28fea5.jpg

http://i1357.photobucket.com/albums/...psb9e63dbb.jpg

http://i1357.photobucket.com/albums/...psaaa74a36.jpg

كمال على حافة الحاجز المرجانى ونظرة الى البحر المفتوح

http://i1357.photobucket.com/albums/...pse333c97b.jpg

كمال وعبود قادمون من البحر المفتوح باتجاة الشعب المرجانية

http://i1357.photobucket.com/albums/...ps79db3888.jpg

نيجى بقة لكريم اللى مبيعرفش يعوم خالص
طبعا هو كمل معانا بالايف جاكت عادى جدا بدون مشاكل
ودى بعض الصور لية على اعماق مختلفة
وهو مبسوط جدا من الايف جاكت

http://i1357.photobucket.com/albums/...ps155bf528.jpg

http://i1357.photobucket.com/albums/...ps47127db6.jpg

http://i1357.photobucket.com/albums/...ps56cb1812.jpg

صورة لكريم وكمال وعبود من قاع البحر

http://i1357.photobucket.com/albums/...ps7d964063.jpg

كريم وعبود فوق احد الصخور المرجانية الضخمة
http://i1357.photobucket.com/albums/...ps2dfe5778.jpg

http://i1357.photobucket.com/albums/...ps485ea68d.jpg

نيجى بقة لعبود وعماد اصدقائى اللى بيعرفوا يعوموا كويس

الاول سبت كريم وكمال فوق الشعاب المرجانية يستمتعوا بجمال ورعة الشعب المرجانية وهما بيعملوا سنوركل وبيتفرجوا على اسماك البحر الاحمر الملونة الجميلة جدا لدرجة انهم نسيوا نفسهم وقضوا ساعتين على وش المية فى المشاهدة والتمتع بعظيم خلق اللة فى الحياة البحرية

ورحت انا وعماد وعبود على وادى مرجانى صغير
وبدأت اعلمهم الغطس الحر
الاول عملت تجربة قدامهم لطريقة النزول الصحيحة
والانزلاق بهدوء تحت الماء وقطع مسافات

http://i1357.photobucket.com/albums/...ps17e841bb.jpg

http://i1357.photobucket.com/albums/...ps2ca335d2.jpg

http://i1357.photobucket.com/albums/...pscaa4a9ad.jpg

ثم بدأ كل واحد منهم يحاول الغطس الحر
وانا متابعهم واعرفهم الاخطاء الى عملوها
وبعدين يرجعوا يغطسوا تانى
واتابع معاهم الاخطاء والسلبيات

وبعد ساعة كاملة من المحاولات كانوا تقريبا عرفوا الاساسيات كلها
فقلت لهم انا هستناكم فى القاع

ولما تنزلو ليا تحت امشوا فى اتجاة اشارة ايدى
ودة عشان اضمن انهم بينزلوا بهدوء وبيوجهوا نفسهم ببساطة داخل الماء عشان اضمن انهم مش بيغطسوا عميانى وخلاص
وكانت البداية مع عبود

بداية الغطسة وانا مستنية فى القاع

http://i1357.photobucket.com/albums/...ps0082d1dd.jpg

بحفزة على النزول لعمق اكتر

http://i1357.photobucket.com/albums/...psecc05f91.jpg

وعلى الرغم من اشارتى لية بالاستمرار فى الغطسة الا ان الباشا طلع جرى لفوق ....سجاير ودخان بقة ههههههههههههههههه

http://i1357.photobucket.com/albums/...psf15c527d.jpg

وبعدين بدأت مع عماد نفس الحركة
بس كنت عارف ان اداءة هيبقى اعلى
لانة غير مدخن ورياضى
فكان اسرع فى الاستجابة لأشارات ايدى وتوجية جسمة

http://i1357.photobucket.com/albums/...pse46ad7ea.jpg

http://i1357.photobucket.com/albums/...ps3791ebde.jpg

http://i1357.photobucket.com/albums/...ps6bad46a8.jpg

يتبــــــــــع

طبعا عماد استجابتة واداءة اعلى عشان رياضى
مش معنى كدة ان الشخص المدخن مش هيعرف يغطس ويقطع مسافات

الاتنين بيغطسوا حر ويقطعوا مسافات فى قاع البحر بس المدخن بيبقى ابطأ قليلا فى التعلم فقط

والمدخن فى سرعة تعلم الغطس الحر زية زى المرأة
استجابة ابطأ لكن اداء ثابت

الشريحة الوحيدة اللى بيبقى ادائها فى الاعماق غير عادى هى المرأة الغير متزوجة اللى بتعرف تعوم كويس.... لما بتتعلم الغطس الحر بتبقى ماشاء اللة (طوربيد بشرى فى الماء)
وقدرتهم على كتم النفس لفترات طويلة بتبقى عجيبة
والفتيان الغير مدخنين فى سن المراهقة ادائهم عالى برضو

يعنى بعد حوالى 45 دقيقة من المحاولات لعبود (المدخن) مش بس كان بيغطس كويس
دا كمان كان بيرقص تحت المية فى القاع
http://i1357.photobucket.com/albums/...ps82fcaa59.jpg

وبعد ما اتاكدت من انهم عرفوا يغطسوا كويس طلعت لفوق
http://i1357.photobucket.com/albums/...psd8baf4bf.jpg

وبعد ساعة لقيت كمال جاى علينا عشان يغطس معاهم
ولان كمال بيعوم نص نص فمينفعش اعلمة الغطس الحر
الغطس الحر للى بيعرف يعوم بس
ولقيتة واقف يراقب عبود وهو بيغطس وبيحاول يقلدة
http://i1357.photobucket.com/albums/...ps3a151595.jpg

وحاول يغطس زية لكن للاسف عشان مش متدرب الغطسة كان عمقها كلة 70 سم فقط
http://i1357.photobucket.com/albums/...ps6d1a4765.jpg

فراح يقف تانى جنب عبود عشان يشوفة بيغطس حر ازاى
http://i1357.photobucket.com/albums/...ps04322c38.jpg

نبهت عبود ان دة غلط علية
المعلم مكدبش خبر
وسابة فوق وراح نازل
http://i1357.photobucket.com/albums/...psda9e4335.jpg

ولما لقى انى مش هعلمة الغطس الحر
راح سايبنا وراجع تانى لكريم
وطبعا انا مرضيتش اعلمة حفاظا على سلامتة مش اكتر
مش عشان اخنق علية
http://i1357.photobucket.com/albums/...ps2ea77cf2.jpg

وعشان ميزعلش
نزلت تحت وخدت لة كام صور تذكارية من العمق
http://i1357.photobucket.com/albums/...ps51dbea64.jpg

وبدأ عماد وعبود يغطسوا حر عمودى
عشان التاكد من اختبارات معادلة الضغط
http://i1357.photobucket.com/albums/...ps151c08a1.jpg

وانا واقف اتفرج عيهم
وهما بيتحدوا بعض
http://i1357.photobucket.com/albums/...psaeaddff5.jpg

وبعد ما كل واحد منهم بقى تمام فى الغطس
بدأت اخد لهم مجموعة من اللقطات التذكارية

ودى مجموعة من اللقطات التذكارية لعبود

http://i1357.photobucket.com/albums/...ps2092e4df.jpg

http://i1357.photobucket.com/albums/...ps00f55ae9.jpg

http://i1357.photobucket.com/albums/...psa648d7c6.jpg

http://i1357.photobucket.com/albums/...psabee9bfc.jpg

استراحة قصيرة على الشعاب المرجانية اثناء مرور سرب اسماك

http://i1357.photobucket.com/albums/...ps2faa116a.jpg

ثم التوجة مرة اخرى الى الوديان فى القاع للغطس الحر

http://i1357.photobucket.com/albums/...ps71836191.jpg

http://i1357.photobucket.com/albums/...psd6b37cda.jpg

http://i1357.photobucket.com/albums/...ps5970fb8a.jpg

http://i1357.photobucket.com/albums/...psb09ece1e.jpg

http://i1357.photobucket.com/albums/...ps56042a70.jpg

http://i1357.photobucket.com/albums/...ps896ae767.jpg

وفى النهاية بدأ عبود فى تطبيق تقنية الغطس الزاحف

يمسك الشعب المرجانية بالجوانتى اللى فى ايدة ويتقدم الى القاع بدون اى مجهود يذكر

وهيا طريقة خطر عشان الشعب المرجانية ممكن تعورة يعنى عايزة تركيز جامد وبيئة بحرية مناسبة واحساس عالى بمكان اطرافك (الساقين والوسط)
لكن ميزتها انة ممكن يوصل للعمق اللى عايزة بدون اى مجهود على الاطلاق

وممكن يستنانى تحت فى القاع يشرب كوباية شاى على اما انزل لة هههههههههههههههه

http://i1357.photobucket.com/albums/...ps812f0b82.jpg

بعض الصور التذكارية لعماد

http://i1357.photobucket.com/albums/...ps3bc54075.jpg

http://i1357.photobucket.com/albums/...ps9a251342.jpg

http://i1357.photobucket.com/albums/...ps2fd18771.jpg

http://i1357.photobucket.com/albums/...psa1f7f32f.jpg

http://i1357.photobucket.com/albums/...ps0589eaf9.jpg

http://i1357.photobucket.com/albums/...ps2545e375.jpg

امام مدخل احد الكهوف
http://i1357.photobucket.com/albums/...psa4fe4741.jpg

اثناء مرور سرب اسماك
http://i1357.photobucket.com/albums/...psde088371.jpg

وفى النهاية ارجوا ان اكون قدمت تقرير متواضع يفيد الناس اللى عايز تصيف يوم واحد فى العين السخنة

بس فية تنبية هام جدا:
لو حضرتك قررت تروح العين السخنة والشاطى دة تحديدا او الشواطى اللى بيكون فيها صخور وشعب مرجانية
مش هتلاقى غير البحر والشماسى والكراسى والرمل والناس هما اللى قدامك. وبس خلاص........!!!!!!!!!!!!! !

عشان تشوف كل الدنيا الجميلة دى
لازم تكون معاك عدة ومتدرب ومتعلم او فى وسط جروب مع واحد فاهم كويس هو بيعمل اية

طيب انا بقول الكلام دة لية :
عشان فية فى ناس ممكن الموضوع يعجبها جدا وتلاقية راح يدور على اماكن بيع الزعانف والنظارة والقصبة والايف جاكت وجوانتى اعمال بحرية وهما متوفرين طبعا وخد اسرتة معاة او اصحابة وطيران على العين السخنة والشعب المرجانية والبحر المفتوح

وهنا المشكلة........!!!!!!!!!! !

اذا مكنتش متدرب ومتعلم ومتجهز وعلى دراية كاملة بالبيئة البحرية تحت سطح الماء والطرق الصحيحة للتعامل مع العدة اللى انت لابسها كل اللى هتعملة انك هتأذى نفسك واللى معاك اكبر اذى ممكن تتخيلة

وعشان المعلومة توصل انا هدى مثال بسيط جدا جدا وتافة لحاجة عبيطة وهيا ازاى تقف فى المية على الصخور او الشعب المرجانية وانت لابس الزعنفة.......!!!!

ممكن واحد يتخيها بسيطة بس للاسف لو انت حبيت تقف وانت مش متدرب هتلاقى نفسك اتقلبت على وشك وكرد فعل غريزى لاى واحد بيقع على وشة بيمد ايدية قدامة عشان يسند فى الحالة دى يا معلم انت سلمت ايديك وجسمك تسليم اهالى (زى ما بنقول فى المثل الشعبى) للشعب المرجانية والصخور وانت وحظك بقة

دة مثال لحاجة تافهة مش عايز اقولك بقة عن التشبير ومعادلة الضغط وطريقة حبس النفس والمحافظة على الطفوية للغطاس الحر وطرد المية المالحة من الشيك بلف بتاع القصبة وازاى تتنفس من فمك طول النهار بدون ضيق فى الصدر لان الانف بيكون مكتوم فى النضارة ومين الناس اللى مينفعش تطلع رحلة زى كدا....الخ الخ الخ الخ الخ الخ

الموضوع يا جماعة عامل زى سواقة العربية
بالنسبة لك سهلة جدا وعادية عشان بتعرف تسوق .... لكن لو فى واحد راح اشترى عربية وهو عمرة فى حياتة ما ساق عربية ولا قعد ورا دركسيون بس السواقة والعربية عجبتة جدا
وسمع كام معلومة من هنا على كام معلومة من النت وهوب قعد فى العربية ودورها وانطلق
يا ترى اية اللى هيحصل ؟؟؟؟؟؟؟؟؟
طبعا كلكم عارفين اية اللى هيحصل.....
ولو رجع بيتة سليم يبقى ستر من ربنا
.

مش معنى كدة انى بهبط الناس ولا بعقدهم ولا بعمل لنفسى دعاية
ابدا والله

انا الحمد لله شغال بقالى 3 سنين ودى السنة الرابعة فى تنظيم رحلات السنوركل والغطس الحر والتصوير تحت الماء مع اسر وعائلات ودة بيقول لدة... ودة بيجيب دة ... وهكذا دعاية عائلية شجرية زى ما بيقولو بتوع التسويق

واول ما الامتحانات بتخلص مبلاحقش شغل الحمد لله

بس انا بنبة التنبية دة عشان محدش يروح يدبس نفسة فى شراء حاجات هتكون مصدر اذى جامد لية لانة رايح يتعامل مع بيئة بحرية نشطة وبحر مفتوح

(((والبحر مبيجاملش حد)))

وبكدة يبقى انا كملت معلومات الموضوع
عشان تبقى المعلومة كاملة لوجة الله.

وفى النهاية كل واحد حر ومسؤل عن قرارة

ــــــــــ ــــــــــــــ ـــــــــــــــــــ

نيجى بقة للاعضاء اللى بتسأل عن التكلفة والرحلة وكدة

فى البداية معلومات عامة وسريعة عن رحلات السنوركل والغطس الحر والتصوير تحت المية الى انا بنظمها :

- رحلات السنوركل والغطس الحر هى للجنسين (رجال ونساء)

- تعليم السنوركل والغطس الحر لمن يجيد السباحة من الجنسين (رجال ونساء) يبدا من سن المراهقة وحتى اربعينيات العمر

- تعليم السنوركل فقط لمن لا يجيد السباحة من الجنسين (رجال ونساء) تبدأ من سن العاشرة وحتى خمسينيات العمر

- هذة الرحلات لا تصلح لمرضى الجهاز التنفسى ومرضى القلب والمرأة الحامل

- تكلفة الرحلة (تعليم سنوركل وغطس حر وتصوير تحت الماء) للفرد الواحد 150جنية وتشمل الاتى فقط:
ـــــــــــــــــــــــــ ـــــــــــــــــــــــــ
1- ايجار واستهلاك عدة
2- تعليم سنوركل وغطس حر لمن يجيد السباحة
3- تعليم سنوركل فقط لمن لا يجيد السباحة
4- المتابعة طوال اليوم فى الماء
5- تصوير كل المجموعة تحت الماء من 100 الى 150 صورة
ـــــــــــــــــــــــــ ـــــــــــــــــــــــــ ــــــ
- الاكل والشرب ووسيلة المواصلات ورسم دخول الشاطى خارج التكلفة
- حد ادنى للرحلة الواحدة 4 افراد او 550جنية سعر ثابت لو العدد اقل من 4 افراد
- حد اقصى لعدد الافراد فى الرحلة الواحدة 10 افراد (من اجل حسن الاهتمام والمتابعة الجيدة فى الماء باعضاء المجموعة) ولا اقبل او اتعامل مع الاعداد الضخمة
- لا يوجد يوم محدد للرحلة (الرحلات فى كل ايام الاسبوع)

طريقة التعاقد :
حضرتك بتشرفنى فى المحل بتاعى فى اى وقت طوال ايام الاسبوع من 11صباحا الى 10 مساء عدا الجمعة بتدفع ثلث المبلغ جدية حجز والباقى فى يوم الرحلة

اوبتنسيق كل شيى برقم التليفون لاصحاب المحافظات البعيدة

عنوان المحل :
على بعد 25 دقيقة من الحرفيين
مدينة العاشر من رمضان / مركز الحى الاول / سوق المدينة / بجوار بنك الاسكان والتعمير وخلف مول صيدناوى وامام المخبز الالى / محل العالمية سنتر لخدمات المحمول والهدايا (مصطفى حسن)
رقم التليفون 01208782007
ملحوظة بالنسبة لرقم التليفون ... لو حضرتك اتصلت عليا قبل الساعة 6 المغرب وانا مرديتش فدة معناة انى فى البحر والتليفون بعيد عنى .. لكن من بعد الساعة 6 مساء وحتى 12 ليلا طول ايام الاسبوع بستقبل كل المكالمات عادى جدا

وبالتوفيق للجميع