هيه العربية كدا بتسخن ولا عادى
 

احكيلكم من الاول خالص

عربية ريتمو موديل 80 بدور الصبح من تالت او رابع محاولة دوارة

دارت الحمد لله طبعا احنا فى الشتاء لازم اسخن شوية حوالى خمس دقايق على ما طوق الزجاج الامامى والخلفى والسقف وكده يعنى

نمشى بقى حوالى عشر دقايق على سرعة من 40 الى 60 بلاد ارياف الاقى الحرارة وصلت 90 وتقوم الساعة مشغلة المروحة شويه كده واطلع على الطريق السريع المروحة تبطل وشوية كمان تشتغل

لحد ما اتفجئت انها خلطت زيت على ميه غيرت جوان وش سلندر ومبقتش اعتمد على الساعة

ادور العربية ولما تيجى مثلا عند ال 65 اشغل المروحة يدوى المهم ان الحرارة بردو بتوصل عن ال 85 فى الزحمة والمروحة شغالة ديركت يعنى على طول

كشفت على الريداتير لقيته تمام والطرمبة بتقلب الميه تمام والزيت مش ناقص والميه مبتنقص الى حوالى كوب شاى فى اليوم على مسافة 35 كيلو متر

لو فى سخونية على الوضع ده يبقى ايه الحل

انا خايف تجيب جوان تانى

والله انا ما فاضى للميكانيكية

رد: هيه العربية كدا بتسخن ولا عادى
 

طيب ممكن سؤال هي الحراره الطبيعيه بتاعتها كام؟؟ اصل انا شايف ان 85 ده طبيعي

رد: هيه العربية كدا بتسخن ولا عادى
 

الكربراتير بيعمى العربية بنزين ولما بتكون ماشى بيرمى بنزين بزيادة فبتاكل معاك بنزين وتسخن
هتظبط الكربراتير والإسبراتير وتنضف الردياتير وأتأكد ان الكاتينة مظبوطة والتاكيهات مش محملة

رد: هيه العربية كدا بتسخن ولا عادى
 

شكرا لك

بالنسبة للكربراتير المكنيكى اللى عمل جوان وش السلندر ضبطه وغير الفنيه كانت 110 فخلاها 105

والاسبراتير مضبوط بشهادة خمسة ميكانيكية مختلفين وانا مغير سير الكتينة يوم الجوان

مش عاوز اقولك كان يوم صعب جوان منيفو وجوان شكمان وجوان تكهات وسير كتينة وكرسى فتيس وكرسى موتور كانت حفلة بعيد عنك

لكن فى ملحوظة لما غيرنا الفنية بتاعت الكربراتير العربية قطعت مع راح المكنيكى حللها وموسعها شوية ضبطط لكن استهلاك البنزين هو هو

مغيرش حاجة

اعرف منين بقى ان التكهات عاوزة ضبط ايه اعراض عدم ضبطها

شكر