للنقاش:هل يجب تغيير مياة التبريد (الرادياتير) بصفة دورية حتى لو مفيش مشاكل في الحرارة ؟
 

قرأت شوية عن الموضوع ده
بس برضه مش مقتنع اني اغير مياه التبريد بتاعت الرادياتير طالما مفيش مشاكل
خصوصاً اني اخاف حد يعمل غلطة كدا ولا كدة و ادخل في فيلم ملوش اول من آخر و مشاكل في الحرارة و دورة التبريد انا في غنى عنها!

انا ماشي حالياً 50 ألف (عمر العربية اكتر من 3 سنين) و الحمد لله مفيش مشاكل لكن احد اصدقائي اللي اصر اني المفروض اغير المياة ..لأن المية الخضراء بتفقد خواصها على حد كلامه

اية رأيكم؟

رد: للنقاش:هل يجب تغيير مياة التبريد (الرادياتير) بصفة دورية حتى لو مفيش مشاكل في الحرارة ؟
 

لا مش لازم طالما الميه نضيفة معاك ومحتفظة بلونها ومفيش صدأ فيها ومفيش سخونة او اى مضايقة ..

بس لو عاوز تغيرها تغييرها سهل جدا وومفيهوش مجال للخطأ باذن الله ..

الريداتير بيكون فيه من تحت طبه صغيره بلاستيك بتفكها (قلاووظ) بتنزل الميه اللى فى الريداتير وبتقوم مركبها تانى وحاطط الميه الجديدة .. مفيش اى مشكله ..

رد: للنقاش:هل يجب تغيير مياة التبريد (الرادياتير) بصفة دورية حتى لو مفيش مشاكل في الحرارة ؟
 

عن نفسى .. غيرت مية الريداتير وكانت خضرا ونزلتها بسبب انى جبت المركزة وبتاع الريداتير بوظ لي الجركن
واللى جوة الريداتير .. فكيت الريداتير بنفسى ودلقت اللى جوة وحطيت مية خضرة جديدة مش محتاجة لتركيز
وحسيت بفرق " طفيف " يعنى مش لدرجة انك تغير مية كل فترة طالما عداد الحرارة مظبوط ومش بيعلي عن 90
لو حضرتك بتقلق زى حالاتى وبتهتم بكل كبيرة وصغيرة فى السيارة يبقى غيرها .. لكن طالما الحرارة مظبوطة
زى محضرتك قلت يبقى نغيرها لية ؟؟ مفيش داعى نرمى فلوس ف الارض .. دة رايي .. انتظر رأيي باقى الاعضاء الكرام

رد: للنقاش:هل يجب تغيير مياة التبريد (الرادياتير) بصفة دورية حتى لو مفيش مشاكل في الحرارة ؟
 

السلام عليكم ورحمه الله وبركاته

اولا :- اكيد المياه سواء كانت الخضرا او الحمرا بتفقد خواصها حتى بمرور الزمن دون استخدام السيارة.... فما بالك مع الاستهلاك؟

ثانيا: انتا مش محتاج تغير مياه الرداتير طالما عندك مياه خضرا ... الكلام دا لو كنت بتستخدم مياه الحنفيه وبعد كدا تحط مياه خضرا وبالتالى المياه الخضرا هتاكل اماكن الصدا داخل الرداتير وهتبين كل الاخرام الى فى الرداتير ....

ثالثا :- هاتلك مياه خضرا النوع السعودى Speed تقريبا بحوالى 20 جنيه الـ 4 لتر ... وحط الزجاجة عندك فى العربية كل ما المياه تنقص زوده بيها وممكن تضع شويه فى قربه المياه... وكلو هيبقا تمام !! ان شاء الله

رد: للنقاش:هل يجب تغيير مياة التبريد (الرادياتير) بصفة دورية حتى لو مفيش مشاكل في الحرارة ؟
 

لاخرام الى فى الرداتير ....

ثالثا :- هاتلك مياه خضرا النوع السعودى Speed تقريبا بحوالى 20 جنيه الـ 4 لتر ... وحط الزجاجة عندك فى العربية كل ما المياه تنقص زوده بيها وممكن تضع شويه فى قربه المياه... وكلو هيبقا تمام !! ان شاء الله[/QUOTE]

مع كامل احترامي لك...بس اسف المية السعودي دي اسوء مية جبتها جربتها بدل المرة اتنين...بلاشششششششششششششش شششششش منها احسننننننننننننننن