المرور التابع لك.. جراله إيه ؟؟
 

السلام عليكم ورحمة الله اعضاء المنتدى الكريم..

ياريا الكل يشارك ويدلي بأخبار المرور التابع له..

- ماذا حدث له ؟؟
- هل تم حرقه أم لا ؟؟
- هل يعمل بكفاءة ؟؟
- هل تم نقل اعماله لمرور آخر ؟؟
- ما هي المدة الزمنية لإجراءات التراخيص والمخالفات وما إلى ذلك ؟؟
- طريقة التعامل الآن بعد ثورة 25 يناير اختلفت عما قبل ولا كما هي ؟؟
- تحصيل الغرامات والمخالفات موجودة ام تم التخفيف عن الشعب.. ؟؟

واسئلة كتييييييير جدا.. والكل مدعو للمشاركة..

رد: المرور التابع لك.. جراله إيه ؟؟
 

عن نفسي..

- مرور العجمي.. الاسكندرية: من يوم ما رخصت العربية وكان يوم ما يعلم بيه إلا ربنا.. قررت الا اراه إلا بعد 3 سنوات.. بس سمعت انه تم حرقه تماما..

رد: المرور التابع لك.. جراله إيه ؟؟
 

اولا انا من بورسعيد ..

وبورسعيد مفيهاش غير مديريتين مرور فقط وهما مديرية مرور بورسعيد ومديرية مرور بورفؤاد ..

اللى شفتها بعينى وتفحصتها من الداخل هى مديرية مرور بورسعيد ..

تم حرقها بالكامل وتم سرقه كمبية كبيرة جدا من الموتوسيكلات المسحوبة (اكتر من 1000 موتوسيكل) بالاضافة الى موتوسيكلات المرور ..

والكارثة الاكبر انى وجدت ساحة مرور بورسعيد قد تحول (شونة سيارات) ووجدت ناس كتيير جدا بيفككوا العربيات اللى موجوده لغاية لما بقت كلها على الصاج ...

ونفس الكلام ده حدث فى بورفؤاد ...

ولا اعتقد انه تم نقل اعماله الى مكان اخر حاليا .....

رد: المرور التابع لك.. جراله إيه ؟؟
 

* مرور محرم بك - اسكندرية: تم حرقه تماما.. \ جاري العمل به \ جاري الإصلاح \ الموظفين حضور وانصراف وشكرا \ المخالفات: لا اعتقد والرخص المنتهية وما الى ذلك ابتداء من يوم السبت او بيحولك على مرور ابيس

رد: المرور التابع لك.. جراله إيه ؟؟
 

عندنا مرور طنطا تم حرقه ونهبه وتم حرق موتوسيكلات ياماها بتاعت المرور بس المبني ده بتاع تراخيص السواقه وليس العربيات وكذلك بتاع ظباط المرور انما مبني تراخيص العربيات سليم
وفيه الشون بتاع المرور اللي فيه العربيات المسحوبة والموتوسيكلات اتسرق عن بكرة ابيه
حتي سمعت قصه طريفه ان 4 حرمية شركاء اختلفو علي عربية سيراتو فعشان ميخسروش بعض قرروا يحرقوها