نيو اكسنت افضل من اليارس (( مين يصدق))
 

رد: نيو اكسنت افضل من اليارس (( مين يصدق))
 

علي فكرة من كذا سنة ،،

و الاكسنت و الريو ،،

في قائمة افضل ثلاثة في فئتهم

سواء في اختبار الجودة المبدئية بعد ثلاث اشهر

او في اختبار الإعتمادية بعد ثلاث سنوات ،،

و الإلنترا كمان ،،

و ده يدل علي تقدم الصناعة الكورية خاصة في فئات السيارات الصغيرة

متنساش يا ابو نورا اني دي بدايتهم و ملعبهم

علي فكرة الياريس مختارينها من اسوأ عشر سيارات في امريكا و الأفيو كمان و الأوبترا (سوزوكي فيرونيزا)



http://www.motorauthority.com/news/t...-cars-of-2008/

رد: نيو اكسنت افضل من اليارس (( مين يصدق))
 

صديقى العزيز

اولا يا ابو حميد متعتمدش على تقارير المستهلك فى تقييم عربية خاصة ان ديه تقارير المستهلك الامريكي يعنى

ذوقهم مختلف
(فمثلا موتور تريند حطت الانسر EVO والتويوتا افيلون والفورد فوكاس فى قائمة اسواء السيارات شكلا !!! )

العربيات اللى بتنزلهم مواصفاتها مختلفة عننا
(ديه اكيد مش محتاجة اثبات)

اجمالى الخيارات اللى فى السوق مختلفة عننا بردو
(يكفى ان اليارس والافيو ارخص عربيات عندهم فى حين ان ديه الشريحة المتوسطة عندنا سعرياً افصد) فلو هما عندهم الادا والشاهين والعربيات الصينى اللى عندنا اكيد مكانش رايهم فيها يبقى كده

واخيرا بالنسبة للامريكان تحديدا هتلاقى تحامل زيادة عن الازم على موديلات شيفرولية المصنعة فى كوريا لان من ساعة ما شيفرولية حطت العلامة بتاعتها على العربيات اللى بتطلع من كوريا (مصنع جنيرال موتورز + دايو فى كوريا)
وهما متدايقين منها جدا

الريو صحيح وفعلا عربية تستحق كل الاحترام وان كانت مش واخده حقها فى مصر وكفاية انها ال Successor للكيا برايد ptmnlo123per1122

انما الاكسنت لم تحظى باحترام المستهلك الامريكى الا من بعد (النيو اكسنت)

ده يدل على ذكاء هيونداى فى السوق لانها بشرائها لكيا رفعت اسهمها بشكل كبير جدا واحتوت نجاح كيا فى اوربا وامريكا الشمالية لاكن هيونداى لوحدا مظنش كانت تقدر توصل لده من غير كيا والشاهد ان شيفرولية الكورية حتى الان لم تصل لربع ما وصلت اليه كيا

فانا راى ان الصناعة الكورية تطورت فعلا بس مفتاح النجاح كيا (فى الجودة والتكنولوجيا) مش اى شركة تانية

والشاهد تقييم الجوده وفقا لتقرير JDpower حيث الريو والهوندا فيت فقط الحاصلين على 5 نجوم من خمسة فى الجودة بينما الاكسنت 4 نجوم فقط


اليارس اللى فى التقارير هيا Toyota Yaris (base, manual transmission) وذكر التقرير
The Yaris base model with an automatic transmission ranked higher, earning an overall score of 50.

الافيو اللى فى التقرير بردو هيا Chevrolet Aveo5
وذكر التقرير ان السيدان لسه لم تختبر
Consumer Reports has not yet tested the Aveo sedan.

فالخلاصة ان تقارير الجوده على عينى وراسى لاكن تقارير المستهلك الامريكى بصراحة ملهاش اى تاثير على تقديرى للعربية خالص

رد: نيو اكسنت افضل من اليارس (( مين يصدق))
 

طبعا طبعا ،،

أنا ليا بالواقع ،، و اللي بشوفه قدامي في مصر ،،

بس مادام ده منتدي سيارات فمفيش مشكلة اننا نتابع اخبار السيارات في العالم

بس علي فكرة معلومة ان ترتيب الاكسنت ماتحسنشي غير بعد النيو اكسنت دي معلومة خاطئة


من ايام الأكسنت القديمة ( الفيرنا ) و دي اللي انا متابعها كويس عشان عربيتي

و هيا ليها ترتيب عالطول في أفضل ثلاث سيارات في فئتها من حيث الجودة



ده تقرير 2006

http://filaty.com/ithumb/808/87224/2006133b.JPG


و قبل منه كمان تقرير 2005

خلي بالك ده اختبار الجودة بعد ثلاث سنين كمان ،،،


بخصوص كيا معرفشي كتير عن انجازتها ،،


غير انها فشلت و هيونداي اشترتها


و ان هيونداي بتبيع ثلاثة مليون عربية و كيا بتبيع مليون بس

و اللي اعرفه بالنسبة للمستقبل ان هيونداي هتتجه للسيارات الفاخرة

و كيا للسيارة ذات الطابع الشبابي و الرياضي

رد: نيو اكسنت افضل من اليارس (( مين يصدق))
 

انا اتفق معاك تماما يا ابو نورا ...
والكيا معروفة انها العملاق الكورى فى صناعة السيارات لاكن هيونداى تطمح ان تكون المستوى التالت على العالم بحلول عام 2013 او هيكونوا بعد جنرال موتورز وتويوتا دة توقعى لو حصل وبقت هيونداى رقم 3 على العالم