مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

- - عربيات مسروقه (https://www.masrmotors.com/vb/showthread.php?t=35082)

رد: عربيات مسروقه

ربنا يوفقكم فى العثور على العربيتين عندي نصيحة ممكن تكون عملتها لكن معلش حاول تاني على اطراف القاهرة ناحية مدينة السلام طريق السويس و المعادي و حلوان و المناطق الي فيها مقابر دور هناك و متزهقش حصلت مع واحد صاحب و برده المباحث معملتش حاجة و لقي عربيته عند ترب الوفاء و الامل مسروق منها كل ما خف وزنه و غلي ثمنهه و انشاء الله تلقيها

رد: عربيات مسروقه

ربنا معاكم الموضوع جميل بس العربيات اللى بتتسرق محدش عاف ايه اللى بيحصل فيها

رد: عربيات مسروقه

اقتباس:

المشاركة الأصلية كتبت بواسطة phantia (المشاركة 248971)

والله الواحد مقدر الي انت فية
بس يمكن افدت ناس كتير بالي حصل ليك دة ان الواحد يغير الكالون بتاع العربية لما يجي يشتري عربية مستعملة
يارب يارب يجمعك بالعربية بتاعتك عن قريب

فعلا يا جماعة فية نقطة الواحد مكنش واخد بالة منها وهى ان المستعمل ممكن يكون حد عامل نسخة مفتاح تانية سواء من البائع او حد من اللى كان البائع بيتعامل معاهم زى الميكانيكى وغيره انا عن نفسى لما جيت اشترى عربيتى فوحئت بعدها بكام يوم الراجل اللى انا خت منه العربية طلع امين وبيتصل بيه وبيقولى تعالى خد النسخة التانية علشان كانت مع زوجتة وكان ناسى حمدت ربنا ان الراجل ده مش نصاب والا كان ممكن سرق العربية وربنا يسترها مع الجميع

رد: عربيات مسروقه

الف شكر للجميع على المرور وباعتذر لاحمد على على التاخير..انا كنت مشغول وباعمل حاجه وعدتك انى ااقولك عليها رغم انها هتزعل ناس كتير منى ..اولا للخ العزيز محمد 2005 هاتلى ياعم الصحفى ده وايدى على كتفك ونعمل فضيحة كمان بس عايز ااقولك على حاجه..انا اسمى بعيد عن اميجواسمى(محمد لاشين)ركز انت وشوف الاسم ده يعمل ايه فى المديريه؟؟؟ورغم كده ...بخ ولا فايدهوللاخ العزيز جدا احمد على ..انا يااحمد مشيت فى سكه الشيوخ والمندل الفتره اللى فاتت وبالامانه محدش اخد منى اى فلوس لحين ظهور اى نتيجه والغريب انهم اعطونى امارات عن العربية ودلونى على اماكن لها العجب روحتها كلها ولكن لامجيب ودوخت السبع دوخات من البحث واخر شيخ قالى ان العربية للاسف بتتقطع ومش هتتلم عليها تانى..وده سبب لى ييأس واحباط اكتر وادينى رجعت لكم اهه وماعلينا غير الدعاء..عارف ان اللى عملته غلط..لكن ياجماعة انا مش بادور على اثار ولاحاجه حرام..افتكروا انى بادور على حقى.ولكم التحية

رد: عربيات مسروقه

فكره حلوووووووووووةه