|
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
اولا مع احترامنا لكل اللى ردو عليك لكن واضح كده ان ولا واحد فيهم راكب نيسان صنى وكل ردودهم عمومية حتى اللى حاول يشرحلك وبفهمك ان مفيش مشكلة طبعا فى مشكلة ونص دى عربية جديدة لما يبقى كاسيت بايظ وسماعات بايظة وفرامل بايظة وعزل بايظ يبقى نات وقعت ف عربية فيها عيوب صناعة واكيد انت بتروح ليونايتد جروب اللى فى مدينة البعوث ودول مقابلتهم حلوة ومعاملتهم زفت وانا شخصيا عندى النيسان صنى لكن مبروحش التوكيل خالص لانى لقيتهم بينصبو عليا يغيرو زيت وفلتر ويلطشو 325 جنيه واسوا مافى الصنى الخدمة بتاعتها هنا لكن العربية الشهادة لله فوق الممتازة انا عملت بيها 50 الف كيلو فى 6 اشهر حوالى 9000 كيلو شهريا لانى تاجر وبسافر مصر كلها ومقضى معظم حياتى فيها ويكفى انك تعرف ان اقوى موتور 1600 فى مصر هو موتور الصنى لانه بيطلع 118 حصان و ده محدش بيعمله غيير موتور الصنى وده معناه سرعة وقوة وثبات بدون احساس بالسرعة ثالثا كل العربيات الحديثة ملهاش تليين لان الموتور بييجى متلين ومتجرب جاهز والكلام ده فى العربيات القديمة لكن يفضل انك تمشى 1000 كيلو او 500 كيلو بسرعة لاتزيد عن 90 علشان التروس والموتور وكل اجهزة العربية تاخد على الشغلل تتطبع بلغة الميكانيكيه رابعا عزل العربية ممتاز ده انا برجع قرب الفجر واحيانا من بلاد الوجه البحرى وبيبقى الجو سقعة جدا ولا فى احساس بالجو الخارجى طالما قافل الزجاج خامسا فرامل العربية دى مش اى بى اس وانما تقليديه جدا بس بصراحة بتقفش فى الارض زى متكون اى بى اس سادسا انا بوصل بالعربية دى لحد 185 كيلو فى الساعة ومع ذلك ثابتة جدا مع ان ده خطر لان كتالوجها بيقول السرعة القصوى 180 ويكفى انى اقوللك انى جيت من ميدان المنشية فى اسكندرية لحد البيت فى روكسى مصر الجديدة فى ساعة وتلت فقط طبعا ده جنون لكن كنت بجرب امكانيات العربية عيب العربية دى ان تكييفها ش تلاجة وانما يديك احساس بالبرودة وانا الحمد لله مبحبش التكييف سادسا العربية اللى معاك دى عربية فيها عيوب تصنيع ومتصلحش حاجة وروح لجهاز حماية المستهلك وروح النيابة وخلى نفسك طويل لانهم هيزهقوك لكن هتاخد حقك فى الاخر لكن العربية اللى معاك جبااااااارة ويكفى ان عربية زى دى لو عند منصور شيفروليه كان طلع بيها القلعة زى الاوبترا الخايبة بتاعته اللى هارينا اعلانات عنها وهى عربية تعبانة وصغيرة وموتورها بيطلع 113 حصان لكن تقول ايه وكيل نيسان بخيل علشان كده بقوللك طول نفسك معاهم ولازم تغير العربية انت عمرك مهتعمل 50 لاف كيلو فى 6 شهور ز ى حالاتى ومع ذلك ماشاء الله عليها وانا شخصيا مبروحش التوكيل رغم انها فى الضمان وهما هناك عارفيننى لانى تقريبا الزبون الوحيد اللى بيشوفوه كتير وهما بقى بيصطادو الزبون ويطلعوله حاجات مش عايزاها العربيه علشان يدفعوه و ده كلام عرفته منهم هناك لكن يكفى انى اقوللك انى ركبت غاز للعربية دى لانى بدفع حوالى 2500 جنيه شهريا بنزين وفوجئت ان العربية بتوصل لسرعة 160 كيلو بسهولة رغم ان الغاز بيقلل سحب العربية و ده معناه ان الموتور بتاعها جباااار اخيرا اتكلم معاهم بالراحة وبالذوق وبكل طريقة فى العالم لكن عربيتك دى لازم ترجع لان فيها عيوب تصنيع وان مكانش كده اطلع على جهاز حماية المستهلك ومعاه النيابه احنا طبعا بنهدى النفوس
|
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
اخى العزيز نسيت ان اقول ان واضح كد ه ان رجلك تقيلة على البنزين بدليل انك كنت بتقول هتدوس عيل صغير يعنى كنت بتجرى و دى نصيحة ملهاش علاقة بموضوع العربية لازم تخلى بالك ان القيادة داخل المدن غير القيادة على الطرق السريعة بمعنى انك داخل المدن بتبقى السرعة القصوى لاتزيدعن 80 و ده حسب المنطقة يعنى منطقة كزدحمة زى العتبة او وسط البلد عايزة هدوء وتركيز عينيك على كل زوايا الطريق وايدك قريبة دايما من الكلاكس مع توقعك ان اى حد ممكن ينط قدامك فجأة من الناس اللى ماشية فى الشارع صلاح سالم مثلا حاول متزيدش عن 80 لما يكون فاضى طريق مصر اسكندرية الزراعى من هنا لبنها منحنياته كتير وبالتالى زيادة السرعة عن 110 عليه غلط لكن الصحراوى ممكن تزيد عن كده بكتير اللى اقصده انك دايما تبقى فاهم حسبة كل طريق ماشية ازاى لكن متحاولش تجرى وبس اخيرا ربنا يستر عليك الطريق ودايما تبقى ضارب بعينك على مدى البصر لان ده هيأمنك اكتر اما اخونا اللى وصل بيها 200 كيلو فطبعا ده فى الامارات حيث لامفاجآت ولا مطبات صناعيه ولا ناس متهورة بتستعبط فى السواقة وصعب انك تجرى داخل مصر الا لو حافظ الطريق وبتمشيه كل يوم لانه ممكن تضاريسه تتغير كل يوم واتحدى ان كان فى ناس فى مصر كلها نسبتهم تزيد عن 5% بيستعملو الاشارات وراقب الشارع بعينك هتلاقى محدش بيستعمل اشاراته رغم انها مهمة جدا وخلى بالك ان السواقة ممارسة يعنى مع الوقت هتلاقى عيوب فيك بدات تتلاشى برضه متسيبش حقك لان دول مديينك عربية فيها عيوب تصنيع وبيحاولو يلزقوها لك
|
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
اقتباس:
وربنا يسترها معاك |
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
هو من الملاحظ ان مستوى النيسان صنى سنة بعد سنة بيقل من ساعة مابتتقفل فى مصر فى بعض الناس حظها وحش زى حضرتك ولكن فعلا السؤال اللى انا مستغربله احنا حتى التقفيل مش التصنيع مش عارفيين نعمله كويس ليه المصنع المصرى للدرجة دى من الفشل طب مالنسيان القديمة اليابانى زى الفل وعايشه وجميلة بجد انا بتاسف على مستوى الصانعة وبنرجع نتريق على الصين لا على الاقل صنع سواء نجح او لا على الاقل حاول الدور على اللى مش عارف يقفل
كلم جهاز حماية المستهلك |
رد: انا شاري عربيه بجنيه ولا ب 100 الف جنيه ..شاري عربيه صيني ولا يباني ... هي دي نيسان صني
اقتباس:
برنامج أذهلنى ! كل حاجه بالروبوت حتى تركيب الكراسى والزجاج و الدهان وكل شىء ! ولا دخل للعامل سوى بتوصيل فيش كهرباء التابوه ( بعد تركيبه بالروبوت أيضآ ) و فيش الفوانيس الآماميه والخلفيه ثم اختبار كل جزء تم تركيبه و كتابة ذلك فى لوج ( لا أكثر ) ! ثم ان العامل المصرى بيضيع وقته فى العمل فى الكلام والحواديت وشرب السجائر والقهوه ويمكن مابيصليش فى البيت انما فى الشغل بيصلى الفروض كلها والنوافل وبيجود فى الوضوء ! واذا وصل لمستوى مهاره كويس وعمل له قرشين بيسيب الشغل ويروح يفتح له ورشه ويقول انه خبير فى الماركه الفولانيه وبذلك المصنع بيخسره ويظل العاملين به قليلى الخبره ! Dr. Bolbolan ptmnlo123per122 |
| الساعة الآن 03:30 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017