عربية مرور ليبيا
 

السلام عليكم
واحد زميلى كان رايح يشوف عربية مستعملة المهم لقاها ماشية بتصريح لمدة 6 شهور مرور الجزيرة ولما ساله على المرو القديم بتاع العربية قاله مرور ليبيا فانا عاوز اعرف ازاى عربية مرور ليبيا ومترخصة هنا عادى من غير ملف وواخدة نمر جديدة كمان وهو قاله انك هتاخد تصريح تانى لمدة 6 شهور لحين ورود الملف من ليبيا وبعد كده ترخص باسمك .
ياريت حد يفيدنا فى الموضوع ده لو اشتريناها هنعمل ايه ولا بلاش منها ؟

رد: عربية مرور ليبيا
 

الكلام شكله مش تمام

هيا ليبيا محافظه مصريه علشان تبعت ملف العربيه

و مع ذلك منعا لسوء الظن ياريت صاحبك يسأل فى مرور الجزيره برقم العربيه على موقفها و بياناتها

و اعتقد بنسبه كبيره ان هذا التصريح سيكون مزور

رد: عربية مرور ليبيا
 

السياره الموجوده خارج الأراضى المصريه لكى تدخل مصر و ترخص سيارة ملاكى اول ورقه تكون فى ملفها هى الأفراج الجمركى و هذا يتم عمله فى المنفذ التى دخلت منه .

سيارات الدبلوماسيين المعتمدين من وزارة الخارجيه - مش أى حامل لجواز ديبلوماسى - لها اجراءات خاصه و لا ترخص ملاكى و لا يصدر لها تصريح سير و لها اجراءات اخرى .

سيارات التربتيك - دخول مؤقت - لا تصرف لوحات ملاكى و انما تصرف لوحات جمرك و لها حق التواجد بمصر لمدة اقصاها 6 اشهر يتم بعدها تصديرها خارج مصر.