مصر موتورز مجتمع السيارات - تجربتي مع الشيخ طارق أبو زيد

مصر موتورز مجتمع السيارات (https://www.masrmotors.com/vb/index.php)

- سوق قطع الغيار (https://www.masrmotors.com/vb/forumdisplay.php?f=203)

- - تجربتي مع الشيخ طارق أبو زيد (https://www.masrmotors.com/vb/showthread.php?t=121431)

رد: تجربتي مع الشيخ طارق أبو زيد

اقتباس:

المشاركة الأصلية كتبت بواسطة momen_bondok (المشاركة 963206)

طبعا انا مش هجادل حضرتك بخصوص ما ذكرت
مش معنى إن حضرتك اتعاملت مع ناس مش كويسيين يبقى كله كدة
بالطبع خطا أرجو من سيادتك أن تراجع ما قلت لان التعميم اغلب الاحيان خطا
وليس كل ما يكتب عن نفسه شيخ يكون مثل ما قال (الله اعلم)
وياريت الاخ طارق يرد على الكلام المذكور فى التعليقات
وإلا يوجد رد نرجو من الإدارة إتخاذ اللازم بشأن العضوية نحن لا نقبل عدم المصداقية

السلام عليكم
هدخل فى الموضوع
اولا انا اتعاملت مع كل البشر من مسلمين ومسيحيين فى اشياء خاصة بالمعمار والسيارات وايضا فى عملى بالبنك وفى الحياة عموما وانا عمرى 46 سنة يعنى مش صغير وافهم اللى قصادى كويس جدا ودة من خلال تجارب بالعمل المتلاحق بكل شى تقريبا من مرحلة الصبا وحتى ما أنا فية الان والحمد للة على ما اكتسبتة من معارف وخبرات بالحياة وعارف ان التعميم لا يصح ابداااا لكنننننننننننن!!!!!كل اللى يسمى نفسى الشيخ فلان او الشيخ علان بكون متأكد انة لا فى الصنعة بيفهم ولا فى التعامل المادى تقدر تقول علية سعرة كويس بالعكس اسعارعالية جدا وتقدر تقول مص دم وخلاص وفى الاخر شغلة يعمل كوارث ودة من واقع معاملات فعلية مع المتسمى نفسة( شيخ ) وانا مش بطلب منة فتوى او يشرح لى اية قرأنية احنا بنتكلم فى شغل فى عمل هتاخد علية أجر
وللاسف انا بعد ما بذهب للشيخ الاول علشان شغلانة طبعا مواعيد زفت شغل نيلة واسعارنار وطبعا بيبوظ الشغل ولما اروح لواحد (مش عاوز حساسية )مسيحى بلاقى شي تانى خالص حسن معاملة واهتمام فائق بتفاصيل الشغل ولما ندخل فى الشغل الاقية فاهم جدا واسعارة مهاودة جدا جدا ولو هو معرفش يصلح الشغل بيقول على طول انا مش هعرف ممكن تروح لفلان هو اللى ممكن يصلح لك الشغل
كل الكلام دة من واقع حصل لى فعلا واكيد الكلام دة حصل مع ناس كتير جدا
انا بحكى هذا لعلك انت تجد فى كلامى ما يجعلك تجد طريق ما لتصحيح ما يفعلة هؤلاء بدينهم اولا ثم بنفسهم لانهم باسمهم (شيخ ) وبلحاهم ( سنة عن النبى محمد صلى الله علية وسلم )ولبس الجلباب الباكستانى القصير بيضر بالمسلمين كافة فيجب ان يحافظ على شكلة بمعاملته مع الناس لانها مهمة جدا
ارجو ان اكون قدرت اوصل لك فكرتى واللى حصل معى وبيحصل باستمرار مع ناس كتير
تحياتى للجميع

رد: تجربتي مع الشيخ طارق أبو زيد

بسم الله الرحمن الرحيم

بعد قراءه الشكاوى العديده من الساده الاعضاء حول هذا الموضوع
وايضا مع عدم وجود الاستاذ طارق ابو زيد وعدم دفاعه عن نفسه

قررت ادارة الموقع الاتى
1:مسح جميع ارقام تليفونات السيد العضو المذكور مسبقا مع ابقاء مواضيعه كما هى حتى يتثنى له حق الرد
2:يتم انذار السيد العضو طارق ابوزيد حتى يتثنى له حق الرد

سيد عصام بهنساوى
7/5/2014

رد: تجربتي مع الشيخ طارق أبو زيد

السلام عليكم ورحمه الله وبركاته أحبائى فالله كل عام وأنتم بخير .
أريد أن أرد على الاخوه الافاضل الذين يشكون من عدم الرد عليهم فى الموبايل .
أحب أولا أن أوضح أن هذا منذ عام وكنت فقدت البصر كليا والحمد لله بسبب جلطه فى المخ واستقرت عند مركز الابصار والحمد لله بعد اجراء عده عمليات أصبحت أرى بعينى اليسرى فقط وكنت لا أحب أن أذكر هذه الامور لولا تحملكم عليا أكثر من اللازم دون أن تلتمسوا عزرا واحدا لأخاكم .
والحمد لله الان ستجدونى معكم على الموقع وأيضا سأرد على الموبايل وجزاكم الله خيرا على كل ما قيل فى حقى ولكن أحب أن أذكر لكم أنه لا يوجد عميل واحد نصبت عليه وعلى كل ما يدعى أنى بعت له شيئا تالفا أن يحضر لى ومعه البضاعه التالفه والبينه على من ادعى .

رد: تجربتي مع الشيخ طارق أبو زيد

أولاً ألف سلامة عليك ياشيخ طارق وكان مفروض تبلغنا عشان ما نخليش حد يظلمك وحتى نلتمس لك العذر
ثانياً نحن نرحب بك مرة أخرى ونرجو أن يمتعك الله بالصحة ونرى عودة مشاركاتك والرد على الأعضاء ولعل وعسى أن تصفو القلوب وتعود المياه لمجاريها
مع صادق تمنياتى الشخصية لك بالصحة والسعادة

رد: تجربتي مع الشيخ طارق أبو زيد

ربنا يعفيك يا شيخ طارق ... و يصبرك