مصر موتورز مجتمع السيارات - تقرير صيانة ال 60 الف كيلو

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - تقرير صيانة ال 60 الف كيلو (https://www.masrmotors.com/vb/showthread.php?t=66138)

تقرير صيانة ال 60 الف كيلو

تقرير صيانة ال 60 الف كيلو من استاذ احمد ahmadchina

.
.
.
.
.
.
.
منقول
.
.
.
سلام عليكم و رحمة الله
تقبل الله منا و منكم الصيام و القيام إن شاء الله
النهاردة إن شاء الله انا هعمل تقرير عن الجاك بى 15 بعد صيانة ال60000 . و الحمد الله عملت الصيانة إمبارح كلفتنى 810 جنية دون تغير الزيت و فلتر الزيت .
لية من غير زيت ماتور ؟؟؟
لان دة اللى عايزة أقولة انا غيرت الزيت المرة دى برة التوكيل فى مركز معتمد لزيوت كاسترول بصقر قريش بالمعادى . كلفنى زيت و فلتر 295 جنية
العربية بعد إستخدام سنة و 4 شهور الحمد الله رب العالمين زى الفل مافيش مشاكل من النوع الثقيل ربنا يدمها علينا نعمة .
زيت كاسترول بصراحة حكاية و عن تجربة دلوتى حوالى 600 كيلو بالعربية
العربية أصبحت أكثر سلاسلة و نعومة و إستجابة , و السحب بقى أكثر قوة
صوت العربية على 110 -120 كان بيكون عالى شوية و مش مريح بس لما بعدى ال 120 بيهدئ
بعد ما غيرت الزيت الموضوع دة إتغير الصوت بقى أكثر هدواءاً . بصراحة انا بنصح كل واحد إن يغير لكاسترول الذهبى . ودة مش دعاية للمنتج بس بصراحة يستاهل .
ترجع للعربية مشكلة الصوت مع الدوران سببها سير التكيف اللى تغيير فى صيانة ال50 الف و تم علاجها . كان فى مشكلة تانية وهى زرار الزجاج اليمين كان يغلق فقط و مبيفتحش الشباك تم الاصلاح
الخدمة المرة دى أحسن كتير .
الوقت انا وصلت 9:30 مكنش فى عربيات كتير ,العربية الساعة 10 دخلت الورشة ,الساعة 12 الظهر خرجت زى الفل
بصراحة الجاك بى 15 جوهرة لا يعرف قيمتها إلا من يملكها و ياريت التوكيل يدرك النقطة دى و يشد حيلة فى الدعاية و الاعلان .
الاضافات اللى عملتها للعربية الفترة الاخيرة
ملئ العجل بالنتروجين العربية أصبحت أفضل فى المطبات و السحب و بقت ناعمة عن الاول .
تغير الزيت من شل اللترا الى كاسترول الذهبى
إستخدام بنزين 95 كل شهر مرة واحدة و دة علشان ماتور العربية نسبة الانطغاط 10.5 وبلاحظ إن صوت الماتور بيختفى لا حس و لاخبر بس مكلف شوية لان العربية مش بتوفر فى الاستهلاك كتير مع بنزين 95 نسبة الاستهلاك هى هى زى بنزين 92
ملحوظة إستهلاك البنزين متوسطة من 7.5 الى 9.5 و دة بسبب القيادة المسرعة و الزحمة و تشغيل التكيف ووزن العربية
الطبيعى فى القيادة السلسة الهادئة 6.5 و عن تجربة
التقييم العام راضى تماما عن إختيارى و توفيق ربنا الكبير ليا فى إختيار هذة العربية و ربنا يحفظها من كل شر و يعطينا خيرها و يكفينا شرها جميعاً أمين .
و تحياتى للجميع
و كل عام و أنت بخير

رد: تقرير صيانة ال 60 الف كيلو

اقتباس:

المشاركة الأصلية كتبت بواسطة odaoda (المشاركة 499569)

اولاً: كل سنة وانت طيب ياأستاذ اودا ورمضان كريم على اهل الشرقية جميعاً وأهل الزقازيق على وجه الخصوص ومنطقة القومية ومنطقة اباظة على الوجه الأخص.
ثانياً:شكراً جزيلاً لك على هذا المجهود.
ثالثاً:شكراً جزيلاً للأستاذ أحمد شينا وكل 100 الف كيلو وهو بخير وبارك الله فيه وفى سيارته وكل سنة وهو بخير ورمضان كريم عليه وعلى كل احبابه,وأقول له تقرير محترم .جزاه الله خيراً..........

رد: تقرير صيانة ال 60 الف كيلو

الف مبروك الصيانه ياأستاذ احمد وعقبال ال100 الف
وعايز أعرف هى العربيه بتاخد كام كيلو زيت مع تغيير فلتر الزيت أو بدون تغيير ؟؟؟؟
وليه دفعت 800 جنيه صيانه بالرغم من تغيير الزيت خارج التوكيل ؟؟؟؟
وهل تغيير الزيت خارج التوكيل متخرجش من الضمان ولا إيه ؟؟؟؟
وكل سنه وانت طيب ورمضان كريم وشكراا للأستاذ أودا على التقرير .

رد: تقرير صيانة ال 60 الف كيلو

الف مبروك الصيانه ياأستاذ احمد وعقبال صيانة ال100000000000
وربنا يباركلك فى العربية

رد: تقرير صيانة ال 60 الف كيلو

الف شكر على الردود حبيبى ايمن ودكتور كمال كل سنة واحنا فى الايام المباركة دى بالخير افتكرونا بدعاؤكم ربنا يجمعنا على الخير
انا فعلا خدت التقرير من استاذ احمد اول ما كتبة النهاردة ونقلتة هنا
لكن مش اعرف غير التفاصيل الى مكتوبة لانة كان فعلا بعد صيانةالخمسين كان سمع صوت وهو بيلف العجل وهو بيركن والحمد الله طلع حاجة اتغيرت فى الصيانة الدورية واتغيرت واتظبطت
المهم ان اعتقد ان 60 الف كيلو رقم كبير جبتين ما شاء الله فسنة و3 شهور يعنى العربية فعلا كويسة
ربنا يهدى التوكيل ويشد حيلة بقى شوية لحسن اكتر من كدة نروح احنا ناخد التوكيل بتاع العربيةايه ياترىايه ياترىايه ياترى
تحياتى ليكم جميعاROSE4UROSE4U
والف شكر يا استاذ مصطفى ROSE4U