|
مساعدة في شراء فردتين كاوتش
عندي الفردة اللي قدام يمين استوت والاستبن برضة مستوي نويت اشتري فردتين احطهم قدام وارجع الفردة اللي قدام شمال استبن ايه افضل نوع كاوتش مقاس 13 لانوس في حدود 350 جنيه واخد بالي من ايه غير تاريخ الانتاج وان الكاوتش يكون ملفوف بالورق اللي عليه ده علشان الرطوبة |
رد: مساعدة في شراء فردتين كاوتش
رائى الشخصى عن تجارب كله فى الرينج ده زى بعضه مفيش فروق حقيقيه وممكن فرده بعد شهر ولا اتنين تعمل بالونة وممكن الفردتين يقعدو معاك سنه وسنتين
|
رد: مساعدة في شراء فردتين كاوتش
بص هو للاسف كل الفرد دلوقتي غليت قوووي ربنا يبارك لنا ف النهضه عموما انا برده لسه مغير اربع فرد يوم السبت يعني من يومين بالضبط ورحت لواحد معرفه وكان طلبي فرده حلوه وسعرها حنين قالي خد دي لقيت اسمها sonar وسعر الفرده مقاس 14 395 جنيه واخدتهم ورحت رصصت سألت بتاع الترصيص قالي فرد كويسه طريه وسألأت عليهم والدي قالي كان بيحطهم ف عربيته اللادا من 10 سنين وكانوا كويسين بس طبعا الخامات فرقت من دلوقتي عن 10 سنين بس اهم حاجه اشتري من واحد مضمون يخاف علي سمعته وبرده اسأل تاني يمكن تلاقي حاجه افضل
|
رد: مساعدة في شراء فردتين كاوتش
نزلت خدت لفة كدة بس مشترتش علشان لسه محتار اجلتها لبكرة
لقيت فولدا ب 350 وكنت قريت انه ايطالي لكن صاحب المحل قالي تركي وفيه لاسا تركي وهانكوك وجوديير مش فاكر سعرهم البردجستون انجليزي ب 450 وفيه نوع ياباني اسمه سوميتومو تقريبا ب 350 كنت عايز امسك كل نوع اشوف التراكش وحمولة كل فردة واقصي سرعه واختار الاعلي مواصفات بس لقيت صاحب المحل مقفل سبته ومشيت انا عايز فردة لكل السنة مش صيفي ولا شتوي اعرف منين ؟؟؟ |
رد: مساعدة في شراء فردتين كاوتش
الكمهو ممتاز وفى حدود 350-375
|
| الساعة الآن 07:26 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017