بوابة الهواء الخاصة بالأنجكشن Throttle body ( مشكلة )
انا كان عندى مشكلة والأر بى ام طالع نازل ورحت للمكانيكى . فقام بتنظيف البوابة والحساسات ومكنش فية فايدة ولعب فى مسمار بيظبط البوابة ومفيش فايثدة برده .... روحت كشفت كمبيوتر وقالى انك عندك مشكلة فى الأيدل كنترول . قولت ماشى اجيب واحد .... بس الراجل صدمنى وقال انى لازم اجيب بوابة كاملة علشان فية لعب حصل فى المسمار اللى انا قولتة سابقا ... وقال ده لية ظبطة معينة ومش هنعرف نظبطها صح ... وقالى احنا ممكن نظبطة مع الأيدل بس هيحل المشكلة مؤقتا وهيرجع يبوظ تانى لأنه مش هيتظبط صح .... فيترى كلامة صح ... وان مينفعش المسمار ده يتظبط ظبط المصنع ولا اية ؟
|
رد: بوابة الهواء الخاصة بالأنجكشن Throttle body ( مشكلة )
مسمار ايه ؟ لو تقصد مسمار مصد قفلة البوابة ( اللى شبهه مسمار السالانسيه فى العربية الكاربيراتير ) فطبعا بيتظبط
|
رد: بوابة الهواء الخاصة بالأنجكشن Throttle body ( مشكلة )
لأ . انا قصدى ياباشا المسمار اللى فوق سلك الأكسراتير اللى بيفتح ويقفل البوابة
|
رد: بوابة الهواء الخاصة بالأنجكشن Throttle body ( مشكلة )
بسم الله الرحمن الرحيم
حرام عليك تغير البوابة بالكامل دخل العربية علي الكومبيوتر واضبط الفتحة من 4 - 10 ولو قلتلي نوع العربية وسنه الصنع اقولك تزبطة علي كام -- روح عند حد بيفهم لان طبعا التغيير اسهل شئ لانه مش هيدفع حاجة من جيبه |
رد: بوابة الهواء الخاصة بالأنجكشن Throttle body ( مشكلة )
اقتباس:
غير الصمام فقط و المسمار بيبقى فاتح البوابة و الاستاذ روميو على دراية بالقياسات |
رد: بوابة الهواء الخاصة بالأنجكشن Throttle body ( مشكلة )
صلى على النبى يا راجل يا طيب بوابة ايه اللى تتغير اللى لعب فى البوابة و المسمار بتاعها و اللى قلك تغيرها مش بيفهمو اى حاجه فى الكونترولينج
انت كمبيوتر عندك الايديال كونترول بيتحكم فى الظبطة دية كلها هتروح لواحد بيفهم يقراء كمبيوتر العربية و يعمل سيت اديال كونترول زى ما بيقول الكتالوج انما تجيب بوابة جديدة ولا استيراد تطلع برضو محتاجه برمجة يبقى انت عملت ايه من فضل نوع العربية موديلها و سنة كام و شايله نفس المكنة الاستوك ولا مسقطة ولا نازله بأقل من الاستوك - فى توكيلات حرامية بيعملو كده و ينزلو حاجات اقل من الاستوك عشان يوفرو اكتب التفاصيل دية و متشيلش فى دماغك اى حاجه تانية |
رد: بوابة الهواء الخاصة بالأنجكشن Throttle body ( مشكلة )
شكرا ليكم ياجماعة على الأهتمام ده ..... ودية معلومات عن العربية ( كيا سبكترا - موديل 2004 - اوتوماتيك ) .... مع العلم ان انى هغير الأيدل كنترول لأن اصلا بايظ قبل مشكلة المسمار ... وده ظهر على الكمبيوتر .... بس هو بيتكلم فى مرحلة ما بعد تركيب الأيدل كنترول
|
الساعة الآن 11:54 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017