|
غلطه في احد ارقام بصمه الشاسيه......
السلام عليكم,
انا في مشكله مش عارف احلها ازاي يا ريت اللي عيرف يقول... العربيه تابعه لمرور السلام وكنت برخص في طنطا فبعد رفع بصمه الشاسه هنا في طنطا لقو اخر رقم هو5 ولكن مكتوب في الرخصه 9 فالضابط في طنطا بعتني لمرور السلام عشان اطابق الفحص ولكن المهندس في مرور السلام استغرب ليه الظابط باعتني و مقراش اللي على ظهر ورقه الفحص فا معملش مطابقه وكتبلوا على ظهر الورقه رجاء التقيد بالقانون رقم كذا لسنه كذا (و انا ما كنتش واخد بالي برضو فاكرها حركه روتينيه لان الظابط ما فهمنيش)...المشكله اني عملت مبايعه لنفسي بالتوكيل و بالتالي بقى الرقم المكتوب في التوكيل وعقد البيع للنفس غلط... نفسي اعرف احلها ازاي للأني طالب ومصدقت لقيت وقت في الاجازه عشان اعمل الموضوع ده اللي مش عايز يخلص.... ارجو المساعده يا ريت حد يقولي اعمل ايه ....لاني وصلت لدرجه اني عايز ارجع العربيه لصاحبها واستعوض ربنا في الفلوس اللي اتصرفت عليها...... |
رد: غلطه في احد ارقام بصمه الشاسيه......
المفروض البصمه اللى مرفوعه فى طنطا تكون زى اللى موجوده فى ملف العربية اللى فى مرور السلام فلو البصمه مطابقه تسأل هل يمكن تغيير الرخصه من مرور السلام بالرقم الصحيح ولا لأ وبعدين تبيع لنفسك تانى بتوكيل من صاحب العربية بالرقم الجديد و بعدين تنقل الرخصه باسمك والله أعلم
|
رد: غلطه في احد ارقام بصمه الشاسيه......
بصراحه الموضوع دا لم اصادفه في حياتي
بس دلوقتي المفروض تجيب شهاده بيانات من مرور السلام و تطلع بيها علي طنطا و تدخل لقائد المرور و تفهمه الوضع طبعا شهاده البيانات فيها الرقم الصحيح و رخصه العربيه برضه فيها الارقم الصحيح و كمان اورنيك الفحص فيه الرقم الصحيح في الحاله دي حيطلب منك تعديل العقد المسجل في الشهر العقاري و حيمضي علي ورقه موجهه للشهر العقاري بالموضوع دا |
رد: غلطه في احد ارقام بصمه الشاسيه......
شكرا جزيلا وربنا يكرم.....ادعولي ربنا يكرمني و تخلص لاحسن طلع عيني....
|
رد: غلطه في احد ارقام بصمه الشاسيه......
كن مع الله وهيوفقك
|
| الساعة الآن 07:50 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017