مصر موتورز مجتمع السيارات - استفسار هام بخصوص لانسر 84

السلام عليكم ورحمة الله وبركاته

دلوقتى يا جماعة انا عاوز استفسر منكم على شئ مهم وارجو منكم التفضل بالاهتمام والرد

انا صديقى عارض عليا عربيته لانسر مو 1984 الحالة العامة جيدة

ومعدل شكلها لهيونداى اكسيل وبيقولى ان كل قطع غيارها هى نفس
قطع غيار هيونداى اكسيل بالضبط

والسمكرة والدوكو معقولة بس هى عاوزة تغير جلد الباب ( حلوق الازاز ) وتظبيط الباب عند السروجى من الداخل

وفيه زنة فى صوت الموتور شوية وهو بيقول انه لسة عامر (عمرة ) والصوت ده بسبب كده

كمان المارش مش بيلقط بسرعة ( يعنى عاوز يتغير كمان )

حالة العفشة معقولة مش محتاجة تغيير دلوقتى لكن لو الاستعمال هيكون كتير
هتبقى مع الوقت هغير مساعدين

والطابلوه ( مشقق ) وبيقولى ديه حاجة بسيطة يعنى عشان العربية قديمة شوية

المهم الصديق طالب 18000 .... فهل هى تستحق المبلغ ده ؟؟ وهل تنصحونى بشراءها ؟
وشايفين موضوع الحاجات الى فيها ديه يكلف كتير ولا ايه نظامه ؟؟؟

وشكرا ليكم جدا