المشاركة الأصلية كتبت بواسطة crypt76 (المشاركة 225473)

المشكلة مش في الوكلاء ولا التجار (بغض النظر عن كونهم ولاد 250 في 544)
المشكلة الكبرى في مشيخة المنصر الي فارضة جمارك ليس لها اي مبرر او معنى غير "عايز تجيب عربية يا روح ****؟ معاك فلوس يعني؟ طيب تجبلنا معاك واحدة... آه هو كده، عاجبك ولا لا؟)

ليه ادفع زيادة 40% على عربية 1600 cc سوري يعني معفنة ولا تسوى بمقاييس العالم كله؟
طيب ليه ادفع 100% ولا 230% علشان اركب عربية نضيفة؟
على اساس اني كلب يعني ومش من حقي فلازم ادفع لاسيادي الاتاوة؟
طبعا الي هيقولي الجمارك دي الهدف منها حماية الصناعة الوطنية هرد عليه بأصوات مش لطيفة
لان احنا (واقول احنا وانا اتمنى من كل قلبي مبقاش من "احنا" دي قريبا واكسر ورايا قلتين وانا خارج من المخروبة لأ وكمان اطلب لما اموت انهم يدفنوني براها علشان مش عايز يكون ليا اي علاقة بيها) معندناش لا صناعة ولا هباب ولما بنصنع (بنجمع، بنلزق، بنلصم... أو سميها زي ما ربنا يجود عليك) بنطلع أقذر منتجات قلبك يتفها.

وفي النهاية بنركب عربيا من ازبل ما يكون وبنتحاسب على كل كمالية فيها (اساسية في اي حتة تانية) حساب الضالين، لا وكمان بيجيبولنا وساخة منتجات العالم ويبيعوهالنا هنا على انها عربيات يعني وبتعمل فروووووم!!! وهيا مليانة عيوب وبلاوي سودة، ولا كأنك دفعت فيها ضعفين ثمنها لو لقيت فيها حاجة غلط يتعاملوا معاك بقرف من باب "انت عايز تركب عربية وكمان تتأمر يابني؟"

ولا شاري عربية ولا هتنيل وهوجه كل امكانياتي للخروج من بركة العفن دي
وادعو الله من كل قلبي مرجعهاش تاني، حيا أو ميتاً أو مبعوثاً محاسباً

المشاركة الأصلية كتبت بواسطة احمد بدر1978 (المشاركة 225475)

فكرة حلوة بس تنفيذها صعب شوية

المشاركة الأصلية كتبت بواسطة fares515 (المشاركة 225477)

فكره جميله جدا وانا عن نفسي موافق عليها وهبدأ من نفسي مع انى كنت ناوي اشتري عربيه بعد رمضان بس بجد الفكره ده عجبتني جدا وياريت الكل يسترجل وييجي على نفسه كام شهر لحد منشوف النتايج واضحه أدام عينينا ومستنيين رأي الساده أصحاب المنتدى هل هيدعموا الحمله ويشجعوها اعلاميا ونحاول نوصلها لكل بيت في مصر ولا ....؟

المشاركة الأصلية كتبت بواسطة ahmed.bahlol (المشاركة 225488)

موضوع جميل يا استاذ عبدالله لكن انت نسيت حاجة مهمة انك عايش في مصر مش في اوربا الموضوع ده محتاج واقفة بجد علشان يكمل وتظهر نتائجه وربنا معاك ومعانا وبالتوفيق

المشاركة الأصلية كتبت بواسطة yaser4050 (المشاركة 225499)

المشاركة الأصلية كتبت بواسطة عبد الله الناصح (المشاركة 225502)