مقارنة بين سايبا برايد و شيفرولية سبارك
 

ممكن يا جماعة مقارنة بين سايبا برايد و شيفرولية سبارك .. عشان انا محتار بين الاثنين و معاي حوالى 35000 و حاقسط الباقى و لا احسن اجيب ماروتي

رد: مقارنة بين سايبا برايد و شيفرولية سبارك
 

مش عارف اقولك ايه
لو قولتلك هات الماروتي ارحم 1000000000000000 من الاقساط هتزعل مني
البرايد افضل من السبارك بكتير
بس الماروتي هتمشي بيها و انت مرتاح البال و لا اقساط و لا وجع قلب
الماروتي يدوب مشاوير صغيره و تهتم اوي بصيانتها و براحه علي المطبات
دي وجهه نظري المتواضعه
بس لو مصمم علي القسط هتدفع ال 35000 جنيه اللي معاك مقدم
يعني ممكن تجيب عربيه ب 70000 جنيه قسط و زيرو طبعا
فخليك في حاجه في الاتنين الفيرنا او اللانوس
فقرر و لا تنسي صلاه الاستخاره

رد: مقارنة بين سايبا برايد و شيفرولية سبارك
 

تعالى نحسبها مع بعض

انت جبت برايد
دفعت 35 الف + على الاقل 25 الف اقساط وفوائد = 60

لو انت جبت الماروتى
دفعت 35 الف
ووفر انت فى خلال سنة ولا الاتنين دول تمن القسط اللى كنت هتدفعه وبعدين بيع الماروتى وكمل على تمنها وجيب حاجة اعلى
ولو تقدر تجهز باقى المبلغ فى سنه ولا اتنين ممكن تجيب مستعمل حالته كويسه علشان متخسرش فيه كتير وتكمل على تمنه بعد كده بحاجة زيرو

المهم حاول تبعد عن الاقساط وصدقنى لو عربية سيات كاش احسن من مرسيدس عليها اقساط

وفى الغالب لو مشيت على الطريقة ديه هتلاقى معاك بعد سنتين مبلغ عربية فى فئه البرايد زيرو كاش

رد: مقارنة بين سايبا برايد و شيفرولية سبارك
 

رد: مقارنة بين سايبا برايد و شيفرولية سبارك
 

شكرا اوي ل pro mada , abo nora ,و د تامر .. انا كنت باقول اجيب حاجة كويسة بالمرة يعني ادفع ال 35 و اقسط علي سنة و احدة بس و اجيب البرايد بالمرة .. حادفع حوال 1360 في الشهر لمدة سنة .. بس فكرة abo nora احسن اني اجيب الماروتى و بعدين علي مهلي ابيعها و بعدين اجيب فيرنا مثلا .. اصل انا كمان لسه جديد في السواقة .. ولا اجيب السايبا برايد بالمرة .. اصل انا ماحبش التغيير اوي

رد: مقارنة بين سايبا برايد و شيفرولية سبارك
 

الماروتى عربية كويسه فعلا ومش هتزعلك بإذن الله

وبرضو الفرق بين الماروتى والبرايد كبير سواء فى الموتور او الكماليات او الحجم

لكن الحسبه الاقتصاديه تقول انك تجيب الماروتى استعمال نظيف او كسر زيرو بحيث متخسرش فى تمنها كتير لما تجى تبيعها (وممكن متخسرش خالص ويمكن تكسب فيها لو حالتها حلوه وبعتها بنفس الحاله)

وتوفر فى السنة ديه تكاليف الصيانات الدوريه + التأمين (فى حدود 3% من القيمة الاجماليه للعربية) + فوائد
واللى انت هتوفره ده تكمل بيه وتجيب زيرو كاش

رد: مقارنة بين سايبا برايد و شيفرولية سبارك
 

فعلا كلام اخونا الفاضل ابو نورا
الماروتى عربيه حلوه جدا واقتصاديه ومش ضعيفه وانا عن نفسى عندى الماروتى زيرو وكانت معايا قبل كده مستخدم ومشيت بها 500 كيلو متواصل
والبعد عن القسط خير الصواب وياريت تكون زيرو
واستخير رب العزه وربنا يوفقق