مساعده عاجله....موتسيكل خبط فيا من الجنب ووقع على الارض
 

السلام عليكم
كنت ماشى فى امان الله اذا بموتوسيكل راكب عليه اب وابنه بيخبط فيا من الجنب وكسر المرايه ووقع على الارض فى مكانه
انا لقيت المرايه اتكسرت قولت الحمد الله هى بكام اصلا ومش مستاهله اقف ومين اللى غلطان والناس تتلم والفيلم الهندى فكملت ومشيت وكده كده الموتسيكل هو اللى غلطان ووقع فى مكانه اثر اصتدامه من الجنب ومفيش بإذن الله اصابات خطيره

السؤال هنا:- فى اى مشاكل مدنيه او جنائيه على شخصى او على رخصه العربيه ؟؟

ارجو الرد فى اسرع وقت

وشكرا

رد: مساعده عاجله....موتسيكل خبط فيا من الجنب ووقع على الارض
 

هو بس كان مفروض تشوف اللى على الموتوسيكل وتطمن عليه حتى ولو هو الغلطان
لان ممكن واحد يجى مش شايف التصادم من الاول ويفتكر انك خبطته ومشيت
وانت عارف الفتايين ساعت الحوادث ناس ملهاش فى اى حاجه وبيفتوا باى حاجه ودايما اللى راكب العربيه هو اللى غلطان ثقافه مصريه اصيله حتى لو خبطك وانت واقف هتلاقى اللى طالعلك متعرفش منين يقولك انت راكب طياره
وان شاء الله خير مفيش حاجه

رد: مساعده عاجله....موتسيكل خبط فيا من الجنب ووقع على الارض
 

لا مفيش حاجة انشاء الله يا باشا
بس المفروض طبعا اني حدرتك تقف و تطمن عليه حتي لو اي حد غلطان ده من باب الانسانية بعني

رد: مساعده عاجله....موتسيكل خبط فيا من الجنب ووقع على الارض