أرجو المساعدة علشان الموضوع غريب
السلام عليكم
انا عندي اوبترا اوتوماتيك 2011 العربية العداد بتاعها 15160 كم مكملتش سنه المهم العربية بتعمل حركة غريبة قوي وأنا برجع لورا بالعربية يعني على وضع R العربية طفت مني و الموضوع ده حصل معايا مرتين بس من ساعة ما جبت العربية وطبعا العربية بتكون سخنة مش باردة و لاحاجة وكمان ال rpm مظبوط بالشعرة الغريب اكتر بقا في الموضوع انه بيحصل معايا و انا برجع لورا على مطلع يعني مثلا في كار كير سنتر أو في مغسلة و الخروج منها بيكون على مطلع و اخرج بضهر بصراحة انا مش عارف الموضوع غريب جدا آسف لو طولت عليكم بس ياريت اللي عنده حل اللغز يقولي |
رد: أرجو المساعدة علشان الموضوع غريب
طول ما العربية لسه مكملتش سنة روح التوكيل لان العربية لسا في الضمان ولو كان عيب هيتصلح مجانا
فعلا لغز محير وانا مش هقدر افيدك بصراحة للاسف |
رد: أرجو المساعدة علشان الموضوع غريب
أنا بشكرك على اهتمامك يا استاذ/ شريف انا فعلا هعمل كده لكن قولت أسأل الاول
|
رد: أرجو المساعدة علشان الموضوع غريب
أنت محتاج ياهندسه
تبقى تزود بنزين كمان سنه وأنت راجع بظهرك على مطلع |
رد: أرجو المساعدة علشان الموضوع غريب
السلام عليكم اسلم حل مادامت السياره في الضمان انك تروح التوكيل يكشفولك علي مستوي الزيت ويكشفو علي الفتيس عموما والله المستعان |
الساعة الآن 06:55 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017