مصر موتورز مجتمع السيارات - محتاج النصيحه بالله عليكم... كل شئ ضاع

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - محتاج النصيحه بالله عليكم... كل شئ ضاع (https://www.masrmotors.com/vb/showthread.php?t=102560)

محتاج النصيحه بالله عليكم... كل شئ ضاع

السلام عليكم
طلعت النهاردة عالمرور إللى العربية تابعة ليه علشان تجديد الرخصة و نقل الملكية و ...
المهم جبت شهادة المخالفات و و قالولى الرخصة لسة سارية حتى يوم الإثنين القادم و مفيش داعى لشهادة بيانات.
و رحت أفطر على ما الخزينة تشتغل , نسيت الملف إللى فيه كل أوراق العربية و فص ملح و داب.
- كان فيه أصل عقد البيع
- صورة بطاقة بتاعتى
- نماذج الفحص
- أصل رخصة العربية

طبعاً بقيت عامل زى المجنون, و لكن بدون فايدة, جريت و عملت محضرين فى القسم, واحد بفقد العقد و التانى بفقد الرخصة.

عاوز أعرف إيه اللى المفروض أعمله دلوقتى, يعنى الإجراءات اللازمة علشان إستخراج بدل فاقد للعقد من الشهر العقارى و الرخصة من المرور و بعدين إجراءات نقل الملكية.

معلش طولت عليكم بس حاسس إنى تايه و مفيش حل.
(إنا لله و إنا إليه راجعون)

رد: محتاج النصيحه بالله عليكم... كل شئ ضاع

ربنا يرد عليك حاجتك إن شاء الله هو السفالة وصلت للدرجة الناس دلوقت بتسرق ورق كده مش ها يفيدها في حاجة ربنا ينتقم من كل حرامي يستحل حاجة الناس يا رب

رد: محتاج النصيحه بالله عليكم... كل شئ ضاع

لا حول ولا قوة الا بالله
يسر الله لك امرك ورد اليك ضالتك
عسى ان يجدها شخص يتقى الله ويردها اليك إن شاء الله

رد: محتاج النصيحه بالله عليكم... كل شئ ضاع

بسى يا غالى على حد علمى يجب ان ترجع الى البائع الى اشتريت منة العربية وربنا يكرمك ويكون ابن حلال ويعمل لك عقد جديد اما الرخصة الى ضاعت ممكن تطلع مكانها من المرور وورق الفحص والجات التانية سهلة تطلع غيرها وربنا يوفكك

رد: محتاج النصيحه بالله عليكم... كل شئ ضاع

جزاكم الله كل الخير
الحمد لله لاقيت عندى صورة للرخصة و صورة لعقد البيع, هل ممكن يفيدوا؟؟؟
منتظر ردودكم