مصر موتورز مجتمع السيارات - كاوتش للبيكانتو

مصر موتورز مجتمع السيارات (https://www.masrmotors.com/vb/index.php)

- سوق قطع الغيار (https://www.masrmotors.com/vb/forumdisplay.php?f=203)

- - كاوتش للبيكانتو (https://www.masrmotors.com/vb/showthread.php?t=109025)

كاوتش للبيكانتو

عايز أشترى كاوتش للبيكانتو
أيه أفضل ماركة ؟؟وأفضل مقاس؟؟ وأنسب نقشة؟ ولا أجيب زى اللى راكب وخلاص
وهل صحيح الاستبن اللى جاى مع العربية يمشى 80كم بس؟

رد: كاوتش للبيكانتو

السلام عليكم
GT الأندونيسي فرده كويسه وثمنها مناسب ومعمره
وبخصوص الأستبن لو الجنط رفيع

http://t0.gstatic.com/images?q=tbn:A...TQyBCnnL457ZYe

اشتري جنط حديد عادي استيراد

http://oi43.tinypic.com/9u8abb.jpg

والله المستعان

رد: كاوتش للبيكانتو

جزاك الله خيرا:fun_36_1_39[1]:
بس فين أحسن مكان مضمون أجيب منه الكوتش قريب من أكتوبر أو الجيزة؟؟ لو حضرتك تعرف

رد: كاوتش للبيكانتو

السلام عليكم
الحمد لله انا من المنيا
ان شاء الله حد من القاهره او الجيزه يفيدك
والله المستعان

رد: كاوتش للبيكانتو

أرشح لحضرتك ممدوح مبروك غطاطي محل محترم و عمالة مدربة في بيريللي و تاجر كبير فهتلاقي أسعارة معقولة و الكاوتش اللي عنده جديد. ليه فرع في شارع فيصل أول ما تيجي من ناحية الرماية و قبل المريوطية مباشرة. و فرع في أكتوبر عماره 3 بلوك 2 قطعه 1/14 ب المحور المركزي بعد مسجد الحصري مصلحه الضرائب و فرع في زايد محل رقم 2 عمارة ج الحي الثالث المجاورة الثالثه تجمع 6 ب مدينه الشيخ زايد.
بخصوص الاستبن الصغير أقصي سرعة ليه 80كم لكن امشي بيه عادي لحد عمره ما ينتهي و لا أنصحك بتغييره لسببين. اولا لو جبت واحد أكبر مش هيدخل في نفس المكان في الشنطة و كمان وزنة أكبر علي الفاضي.
لا أنصحك بتغيير مقاس الكاوتش الا لو عندك مشكلة. يعني مثلا عايز تعلي العربية أو تزود الثبات شوية أو عايز تجنط و تخلي الشكل أحلي أو عاوز تحسن الفرامل و في الحالة ديه يا ريت حضرتك تبعتلي المقاس الأصلي بتاع العربية و كل المقاسات المكتوبة علي قايم السواق و تقوللي أنت محتاج ايه بالتحديد.
الأنواع كتير و كل حاجة حسب احتياجاتك و امكانياتك المادية. أرشحلك بريدجستون و تويو أغلي شوية من الباقي لكن عمر و أداء و أمان. ربنا يوفقك للي فيه الخير و أنا تحت أمرك.