مصر موتورز مجتمع السيارات - نصائح بنوتة لبنوتة في بيبي كلاس سواقة

(بسم الله)
أختي و حبيبتي في الله زميلتي العزيزة الغالية في مصر موتورز:140109~347:
أنا راغبة في أجري من الله في هذا الموضوع و عاوزاكي تحاولي تستفيدي من تجربتي الشخصية و لو بحرف في سبيل الله تعالى

نصايح لكي على قدي في السواقة حعتبر نفسي بقولك كل إللي أتعلمته مع اقاربي على عربيتي و في مدرسة السواقة و كل ما أعرف جديد حدخل أقوله لك بأمر الله لحد ما نعمل أوتو كروس سوا بأمر المولى عز و جل
بصي يا قمر والله الواضح إن ده العادي...تكسير ...خرابيش .... كل يومين ميكانيكي
الكل في البداية كده ماحدش أتولد شوماخر و إللي يوقلك غير كده ربنا معاه لأنه بيخدع نفسه
القيادة
ثقة بالله ثم النفس...
ثقة بالله ثم النفس...
ثقة بالله ثم النفس...
لا مبالاة ( ما حدش يخضك و يقولك إلحقي صاجة الموتور واقعة و لا الشنطة مفتوحة ولا و لا طالما إنك مشيكة على العربية قبل ما تخرجي لأنه ممكن يكون بيوقفك علشان ياذيكي لا قدر الله عن تجربة شخصية)
تركيز
حسابات منطقية بالإحساس

أولاً : أستعيني بالله و حطي أعصابك في فريزر

ثانياً : زي ما أخواتنا و أصدقاءنا قالولك كلنا بنكسر في الأول و الطفل لو ما كسرش لعبة مش حيعرف مكوناتها و فيه ناس مش بتتعلم إلا لما عليها يتعلم

ثالثاً : تاخدي حد معاكي معاه رخصة و يكون بيسوق حلو و صبور و مش بيرغي و ممكن يتحكم في أعصابه و يكون بيحبك و يقدرك يعني حد من أقاربك المحارم أو صديقة بس سواقتها سواقة رجالة مش سواقة ستات (آسفة لأن الستات ليهم أشياء غير منطقية بحاول عن نفسي أتخلص منها بالذات الفتارين بتاعت الأحذية و الفساتين و الصيدليات)

رابعاً : تلبسي شوز طري و خفيف جداً على مقاسك مش اضيق و لا أوسع
و رجلك اليمين كعبها متثبت بين الفرامل و البنزين و صباعك الكبير لما رجلك تتحرك يمين سيبقى على البنزبن و لما تتحرك شمال يكون مشط رجلك على الفرامل
عينك أمامك على طول و المرايات للزوم فقط و بلاش تشتتي نفسك بالبص على أي حاجة ممكن تعطلك عن طريقك أكثر من 3 ثواني
و رجلك الشمال على الدبرياج و تدوسي عليه للآخر بالله عليكي لما تيجي تغييري

خامساً : تسمي و تقعدي على الدركسيون بعد ما تشيكي على العربية إنها تمام مية و زيت و بنزين و شنطة العربية مقفولة و الإطارات ضغطها تمام) و تركزي و تنسي إنك سايقة حاجة بتحبيها و ثمنها الشيء الفلاني :ff5a34af6efef0e643e و لو اتخدشت بابا و لا أخويا و لا جوزي حيقطعني لإن كده أكيد كل شوية حتبصي على الرفارف و الأكصدامات و الشنطة و حتنسي الطريق وب التالي لا قدر الله حادثة مؤكدة ركزي في السواقة فقط
لأ عقلك بيحققك كل ما تتصوريه من ناحية علم النفس و من ناحية القانون الإلهي ربنا عند حسن ظن عبده به فأحسني الظن بالله

سادساً : تبتدي الصبح في مكان فاضي مرتين ثلاثة
ثم العصر في مكان شبه مزدحم مرتين ثلاثة علشان تتعودي على السواقة في الحر و وجود ناس يعني شارع هادي بس رجلك أمام الدبرياج و الفرامل و تشعري بنزين بهدوء شديد أوعي تحاولي تجري بالعربية بعد كده تحاولي تسوقي بالليل مرتين تلاتة بردو
ثم تبداي تمشي تاتة تاتة في الزحمة و بردو تحبي الفرامل و الدبرياج أكثر من حبك للبنزين
يقولوا:
باردة .....شكراً
سحلفة....كثر خيرك
يخرب بيت إللي ركبك عربية....الله يكرمك
يا بنت التيييييييييييييييت.....جزاكم الله خيراً ( أصله أداكي حسنة)

خليكي يمين على طول و ممكن تكتبي ورقة السيارة في التليين و تحطيها على الزجاج الخلفي لحد ربنا ما يكرمك و تسوقي حلو

سابعاً : أوعي تكلبشي في الدركسيون لو إللي جنبك حاول يمسكه علشان ينقذ الموقف

ثامناً : ركزي في الفرامل و البنزين و أعرفي الفرق بينهم لإنك لو سبتي حد يفقدك أعصابك ممكن تيجي تدوسي فرامل تدوسي بنزين و العكس ممكن لو إللي جنبك قاعد يزن في ودنك زي نقار الخشب :01964E~163: ممكن تيجي تدوسي بنزين تدوسي فراملMADDRIVE

تاسعاً : استهدي بالله يا شابة و خليكي يمين دائماً و التزمي بالحارة إللي أنتي فيها و بلاش مقصات و لا أمركة كل تأخيرة و فيها خيرة و أنت مسئولة عن عربيتك من الأمام يعني لو حد لا قدر الله استغبى و خبطك من ورا لو أنت مش ضربتي فرامل بسرعة بسبب إنك فاتحة على الرابع أو الخامس و سرحانة و فجأة لقيتي طفل أو حد متردد و استجبتي لتردده و ما شاورتيش له يستني أو تحاولي تهدي ببطء أو تبعدي عنه لو الطريق فاضي
و لو حد حاول يتخطاكي بالعافية لا قدر الله طنشيه مش حيقدر يجي ناحيتك و أوعي حد يجبرك تتاخري لو مش بيعدي قانوني من أماكن التخطي لأنك حتلبسي عربية تانية و هوا حيمشي و عمو الظابط حياخدك مخالفة تمام و حتصلحي عربية الشخص إللي خبطيتها و عربيتك مع بعض
يعني :
ألتزم بسرعتي
ألتزم بالحارة بتاعتي
إلتزم بعلامات المرور و القانون و آداب و قواعد القيادة
أبص على القانون بصة حلوة
و لا مين يقدر ياخد مني باطل لأن الحق عند ثقتك في ربنا

عاشراً : يا ريت تطلعي رخصة راغبي تعلم القيادة اضمنلك و ما تسمعيش كلام سلبي من حد يقولك أنت فاشلة
لأ هو إللي مش بيعرف يعلم أو بيتمنظر عليكي أكيد ربنا يحكرمك لو أحسنتي الظن بيه بناس ولاد حلال يعلموكي و ناس ولاد حلال محترمة في الطريق تحترم خروجك لقضاء طلباتك و احتياجات بيتك و رغبتك في صون نفسك من بهدلة المواصلات و تحترم كفاحك في العمل و رغبة في كسب رزقك بطريقة حلال أو الإنفاق على أسرتك بعمل شريف كمرأة معيلة:fun_36_3_11[1]:

أختي و حبيبتي طولت عليكي
لكن حطي أمك و ثقتك في الله و أطلبي منه يثبتك و يكون معاكي

و طول الوقت قولي:

أنا بأمر الله أحسن سائقة في الدنيا( بتركيزي - باإلتزامي - بأخلاقي - بصبري - بحلمي - بمساعدتي للغير وقت الشدة)
ربنا لن يخذلني
سأخرج و أرجع بيتي في معية الله بسلامة
عربيتي غللي حبتها من دمي و عرقي ربنا سيحفظها لي و يديني خيرها و خير ما جبلت عليه و يكفيني شرها و شر ما جبلت عليه
سأحترم آدمية المشاة و أي كائن و أتفادي دهس أي كائن بدون وجه حق بقدر المستطاع
سأزكي عن سيارتي بعمل الخير و ممكن أوصل حد محتاج توصيلة ( بس أكون مطمئنة لسلامتي و أعرف هذا الشخص جيداً)
سأحترم جهد الآخرين و سياراتهم و سأتفادى و أتجنب إفسادها
لن أعير من هم أقل مني مادياً بسيارتي لأنني على الطريق لا أعلم هل سأعود بها أم من غيرها أم لن أعود ( لا تظهر الشماتة لأخيك فيرحمه الله و يبتليك)

الحمد لله الذي سخر لنا هذا و ما كنا له مقرنين و إنا إلي ربنا لمنقلبون
و الحمد لله و الصلاة و السلام على رسول محمد بن عبد الله(ص)

أختكم توتة المصري