عندي مشكلة في رينو رينبو, ما رأيكم يا خبراء الرينو؟
 

السلام عليكم ورحمة الله وبركاته
انا عندي رينبو99, بس انا لاحظت إن الموتور نفسه قصير في الغيارات بمعنى إن أي غيار مبيكملش معايا ثانيتين خصوصا الأولوالثاني والثالث , وصوت الموتور يعلى وأحس إني لازم أديها غيار, لدرجة إن الرابع لما بوصل بيه لسرعة 70- 75 كم/ساعة, بكون كأني بحرق على الغيار,ولازم أديها الخامس,والخامس يمشي معايا من 70 إلى 90,وأكثر من كده بحس إني بضغط على الموتور لأن صوته بيكون عالي.
يا ترى دا ممكن يكون إيه؟

ملاحظة: على أي غيار لو مؤشر عدد لفات الموتور وصل أو تجاوز 25,يبدأ صوت الموتور يعلى.

أرجو الإفادة من أهل الخبرة.

رد: عندي مشكلة في رينو رينبو, ما رأيكم يا خبراء الرينو؟
 

السلام عليكم
لزم تروح لواحد يظبط التكيهات وكهباء الاسبراتير وتتاكد ان اسطوانه الدبرياج كويسه

رد: عندي مشكلة في رينو رينبو, ما رأيكم يا خبراء الرينو؟
 

اولا بالنسبه لموضوع صوت الموتور العالى ده ضبط تاكيهات
انما بالنسبه لانك تعدى ال25 صوت الموتور يعلى هو الطبيعى انه بيعلى بعد ال30 مش ال25 وممكن يكون ده بسبب ضبط التاكيهات
بالنسبه لكهرباء الاسبراتير اللى الاخ الفاضل قال عليها فهى مبتتظبطش لان الاسبراتير الكترونى مبيتظبطش
وموضوع اسطوانه الدبرياج لو فيه مشكله هتحس انه مفيش عزم فى العربيه وصوت الموتور يعلى جامد
شوف حضرتك واحنا معاك بأذن الله

رد: عندي مشكلة في رينو رينبو, ما رأيكم يا خبراء الرينو؟
 

أولا أحب أشكر الأخ محمود و الأخ بوب على المساعدة, وكده اتفقت آراءكوا على إن الصوت العالي بسبب التاكيهات, طيب وموضوع إن مدة الغيار قصيرة جدا دي بسبب التاكيهات برضه, ولا الموتور ضعف؟انا مش قالقني غير إن يكون الموتور ضعيف.

رد: عندي مشكلة في رينو رينبو, ما رأيكم يا خبراء الرينو؟
 

لا شكر علي واجب يا باشا
عايز تتاكد من الموتور ممكن تروح اي بنزينه وتقيس كفائه الموتور
اما بالنسبه لموضوع الغيارات ان العربيه مأخره كهرباء وانا مش متاكد من موضوع الاسبراتير اوي بس لو طلع زي ما بيقول الاخ بوب تاكد من كاتينه العربيه