|
رد: متابعه يوم بيوم ل فك ماتور و عمل طقم شنبر
تمام كده ان شاء الله هعمل للماتور اللي عاوزة كله و متفق مع الميكانيكي على الروديه
نقطه عاوز اعرفها هل مصنعيه الميكانيكي بيكون داخل فيها مصنعيه الخراط والشغل اللى فى المكنه؟ ودلوقتي ان شاء الله هغير الكارونه فهل اقول للي هشتريها منه انه يغير لي الزيت وقت ما اركبها وهل اضمن اني اجيب زيت على حسابي علشان اطلع من حته انه ممكن يحط لي زيت شنبر ( الميكانيكي هيكون معايا ان شاء الله بس عاوز اعرف حقي ايه ) المهم يا جماعه تتبابعوا معايا لاني وانا شغال لو شاكك فى حاجه هوقف واكتب ليكم |
رد: متابعه يوم بيوم ل فك ماتور و عمل طقم شنبر
كرونة التويوتا راكبه مع واحد زميل معاه فيات 131 ال 1300cc وهى شغالة معاه بس على ما اذكر انه مش مبسوط منها اوى بالنسبة للقديمة الأصلية على العموم ان شاء الله اسأله بالتفصيل وأرد عليك
|
رد: متابعه يوم بيوم ل فك ماتور و عمل طقم شنبر
استاذ مجدى انا كلمت الزميل وكان تعقيبه :
- الكرونة تويوتا وشغالة معاه زى الفل بس المشكلة عندة ان الخامس دلوقتى زى الرابع قبل كده وده يمكن راجع ان كرونة التويوتا راكبة على مكنة اعلى من 1300cc يعنى عندك هتبقى كويسة جدا ان شاء الله - التكلفة الكلية بالتركيب 1000 جنيه ( الكلام ده من شهرين) وبتاخد يوم كامل او تستلم العربية تانى يوم - الراجل اللى موجود عنده الكرونات موجود فى دكرنس لو حضرتك عاوز ممكن اجيبك اسمه ورقم تليفونه وعلى العموم دكرنس تعتبر قريبة من الزقازيق اقرب من القاهرة وربنا يوفقك وتقبل تحياتى |
رد: متابعه يوم بيوم ل فك ماتور و عمل طقم شنبر
ربنا يسهل لقيت موضوع كاتبه الشيخ طارق ابوزيد هنا فى المنتدي وده فاتح محل قطع غيار استيراد وكلمته والراجل قال لي ان الكارونه موجوده وان سعرها 1200 وان شاء الله نازل له يوم الجمعه ده فان شاء الله يا رب تطلع هيا و تبقي مضبوطه صح لاني بحاول لحد دلوقت اجيب حاجه العربية الاصليه ولو مش عرفت هيبقي مفيش قدامي غير انى اعدل كارونه التويوتا
علشان كده ممكن بس احاول مع الكاورنه بتاعتها الاول ولو مش عرفت اكيد هطلب من حضرتك الرقم ملحوظة : وانا بلف على الكارونه عندي فى الشرقية هنا سمعت كلام من اكتر من واحد ان كاونه البولونيز الموديل الجديد ( حاجه وثمانين ) بيقولوا عليها اللى مفيهاش سكينه بتتعدل وبتبقي احسن من الياباني وكمان اتعرض عليا اني اخد كارونه 132 اللي بتركب على ماتور 2000 وكان بيقول انت بس هتكون تعدل عليها اماكن الشدادات معرفش الموضوع ده ايه ظروفه |
رد: متابعه يوم بيوم ل فك ماتور و عمل طقم شنبر
فيه واحد على الطريق الصحراوي بعد الكلية الجوية لقيته منزل كميات قطع كتير الفترة الاخيرة
انصاص نقل وملاكي بيجو وشاهين وتويوتا ممكن تبقى تحطة في خطتك وانت بتلف هو بعد الكلية الجوية وانت رايح القاهرة ممكن تبص عليه قبل ما تروح للشيخ طارق كلها ساعه زمن رايح جاي |
| الساعة الآن 06:49 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017