الشبووووووووووووووووووووو ووووووووووووره
 

المشكله مش هقلك أصلي مش بشوف و لا تشغل النور الواطي و المساحات و امشي علي مهلك و الكلام ده ........كل ده عارفه
المشكله ان الازاز من جوه بيتكون عليه بخار و بيجنني بقي لانه لازم يتمسح عشان هيزغلل مع أي نور و البخار ده بيتكون حتي قبل ما الشبورة ما تنزل يعني لما بيكون الجو كله بخار مياه و ألاقي عينيا بدأت تزغلل مع أي نور بييجي في الازاز ............
و مش عارف أعمل ايه أنا بسيب الازاز مفتوح مش بينفع
أسيب حته صغيرة مش بينفع
أقفله كله ،،،،،،،،،مظنش هينفع برضه
حد عنده حل للموضوع ده عشان أنا فعلا الموضوع ده مجنني و مش لاقيله حل غير اني أقف و امسح الازاز ..........
فيه حل تاني و لا ايه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

(what)(what)(what)(what)( what)(what)

رد: الشبووووووووووووووووووووو ووووووووووووره
 

السلام عليكم ورحمة الله
اخى الكريم ربنا يستر طريقك وطريقنا انا ساكن فى مكان مفتوح والشبورة مهما وصفتلك غريبة جداااااااااااااا اليومين دول تقريبا مش بشوف كبوت العربية صعب جدا
بس بعمل اية بفتح الشبابيك كلها عشان الهوا يدخل جوة ويكثف بخار الماء المتكون على الزجاج ومن برة طبعا المساحات شغالة ومشغل النور ومشغل الانتظار بقدر امشي بالعافية

رد: الشبووووووووووووووووووووو ووووووووووووره
 

أنا قاعد بأفكر حاليا فى حل لتلك المشكله

إللى بتواجهنا كلنا كمالكى سيارات

وحقيقى جات فى مخيلتى فكره أنا لسه مجربتهاش

وناوى أجربها بإذن الله

الأول

مامعنى الشبوره

هى تكثيف لبخارالماء الموجود فى الهواء على سطح بارد عن حرارة الهواء المحيط

بهذا السطح

زى إللى بيحصل بالضبط على سطح كوب الماء الموضوع بالثلاجه

الهواء إللى فى التلاجه نظرا لأن حرارته أعلى من زجاج الكوب

وحيز الهواء محدود جوه الثلاجه ( مهمه أوى دى برضه )

بيحصل أنتقال حرارى من الهواء لجسم الكوب الخارجى

وبالتالى بتتم عملية التكثيف لأبخرة الماء الموجوده فى الهواء على جسم الكوب

الخارجى

ومن هنا بتتم ظاهرة التشبير على جسم الكوب من الخارج

_______________________

طيب أيه إللى بيحصل لو أخدنا الكوب المشبر ده بره التلاجه

بتزول عملية التشبير من على خارج الكوب وبيظهر محتوى الكوب من الداخل

بصوره صافيه ....لتعرض السطح الخارجى للكوب لهواء حرارته أعلى خارج

الثلاجه

والسؤال الآن

هل نقدر نستفيد من هذه الظاهره الهندسيه ............؟

بحيث نمنع أو نقلل من عملية التشبير على الزجاج الداخلى للسياره

نحاول مش حنخسر حاجه

ونجرب

فالوصول للحلول والنجاح فى الأفكار

لا يأتى إلا من خلال التجارب المتتابعه

ايه ياترى

طيب نعمل أيه ..................؟

نحاول أولا بتجفيف غالبية الهواء المحجوز داخل الصالون من خلال تشغيل التكييف

على الساخن

فوارد جدا مع تشغيل التكييف على الساخن وتجفيفنا للهواء الموجود بالصالون

تقل نسبة بخار الماء الموجوده بالهواء المحجوز داخل الصالون

ومن هنا تتحسن الرؤيه من خلال تقليل أو منع عملية التشبير الداخلى لبخار الماء

على الزجاج الداخلى للسياره

فى الحقيقه ده مجرد أقتراح

ولم أنفذه من قبل

وسيتم تجربته بإذن الله

ولكن هى مجرد فكره راودتنى

وحبيت أطرحها لعل وعسى يكون فيها الشفاء لما نبحث عنه جميعا

رد: الشبووووووووووووووووووووو ووووووووووووره
 

استاذ سمير .. انا فكرت فى نفس فكرتك بالفعل منذ ايام وباءت بالفشل !
والسبب ان ببساطة الهواء خارج السيارة والزجاج بارد جداَ .. وداخل السيارة ساخن
حتى الزفير لاحظتة على الزجاج الامامى حينما كانت النوافذ مغلقة
رغم ان فكرة السخان الخلفي هو تسخين او تدفئة الزجاج لزوبان الثلج وتكثيف الماء وتحويلة لبخار
لتحسين الرؤية .. الا ان الهواء الساخن داخل المقصورة يختلف تماما عن درجة حرارة تسخين
الزجاج نفسة لانة لما بيسخن بيسخن بشكل كامل من الاتجاهيين ... عكس فكرة تشغيل المكيف على
السخن لان الخارج ساقع والداخل سخن فستلاحظ انك زودت عدم الرؤية بدل من حلها

اللى بعملة وهو نوعاَ ما حل .. انى بفتح الاربع شبابيك لدخول الهواء البااااارد
لكى يعادل برود الهواء فى الخارج .. بالاضافة لتشغيل المساحات مع تشغيل رشاشات المية
وترك المساحات لتعمل وبكدة بقيت شايف امامى بشكل مبقول ... اما الزجاج الخلفى فلم اجد لة حل
سوى سكب ماء من زجاجة علية قبل متحرك بالسيارة . واهو ماشى الحال شوية الا انة مسكن
لما سألت الكهربائى عن سبب فصل سلك السخان فى زجاج سيارتى رغم انة يعمل قالى انة بيعجل
من عمر الزجاج .. بالاضافة انة يخلي الزجاج يضرب فى الساقعة للاختلاف درجات الحرارة
وان بعض توكيلات السيارات الجديدة بتفصل زر السخان لضررة اكبر من نفعة .. وانة لا يمكن تغييرة
ان حصل لة تلف .. لانة بينزل من المصنع داخل الزجاج ولازم علشان يتغير ... تغير الزجاج الخلفى
كلة .. كلامة لم اقتنع بة فما رأيك ؟ ورأي الجميع

رد: الشبووووووووووووووووووووو ووووووووووووره