استفسار عن المحرك ال TSI
 

في زياراتي التي لا تنتهي لتوكيلات السيارات زرت أخيرا توكيل الفولكس فاجن هنا في الدوحة ، المهم شفت الجيتا اللي للأسف فقيرة في كمالياتها نسبيا ، وشفت عربيتين جولف واحده R32 والثانية GTI وقالي إن الجولف 6 نازله الأسبوع الجاي بمحركين ١٤٠٠ سي سي TSI ١٦٥ حصان (ٌيشي خيال يا ناس) و الثاني ١٦٠٠ سي سي ١٠٥ حصان ، فأنا عايز أعرف إيه حكاية ال TSI ده وموضوع البنزين ال ٩٥ ؟؟؟؟؟؟؟ ولو اتحطله ٩٢ هيحصله إيه ؟ وعامة هل الجولف ٦ عربية كويسه وواسعة ولا شبابية فقط ولا تصلح لعائلة ؟

اه نسيت حاجه الجولف ٦ ال TSI نازلة بنفس سعر الجيتا ٨٠ ألف ريال .

رد: استفسار عن المحرك ال TSI
 

طبعا عشان ميتقالش اني بفتي الجولف 6 لسه معلوماتنا عنها قليلة جدا بس عموما جولف يعني مش من المنتظر انها تبقي عربية وحشه دي جولف اسمها جولف الاسم لوحده كفاية....

و في الحقيقةفي مصر هنا المكنة ال Tsi ال 160 حصان بتاخد 95 بس و اعتقد لو خدت 92 الانجكشن هيتأثر و السحب هيتأثر لأن ببساطه الإنضغاط للموتور عالي ويحتاج لبنزين 95 ليتم الإحتراق (الإنفجار داخل الإسطوانه) في الوقت المناسب والعربيه ماتتبرجلش

و الجولف 6 حجمها حلو و مش ضيقة للدرجة انما طبعا بتميل للطابع الرياضي و الشبابي اكتر لانها عربية اساسا موجهة لفئة الشباب

ربنا يوفقك في الاختيار يا باشا:)