نداء لكل الأوبتراوية
 

السلام عليكم ورحمة الله وبركاته
الحمد لله ربنا وفقني واشتريت النهاردة أوبترا 2009 أوتوماتيك
عاملة 15800 كم
وعايز أفادة حضراتكم .. أعمل إيه حالياً بالنسبة للصيانة بتاعتها
لإن صاحبتها اشتريتها من حوالي سنة ونصف وماكانتش بتستعملها كتير وسافرت
وأنا اشتريتها من أختها بتوكيل
ولما سألت أختها .. هل العربية معمول لها صيانة ولا لأ
قالتلي .. اتعملها صيانة الـ 5000 فقط وفي التوكيل
فأعتقد إنها المفروض يتعملها صيانة دلوقتي .. مش كده ولا إيه ؟؟
ممكن أعرف من حضراتكم صيانة الـ 15000 دي هايكون فيها إيه وبكام ؟؟
وأعملها فين .. مع العلم إني ساكن في حلوان ، وشغلي في المعادي
ويا ريت تقولولي هل سعرها كده كويس ولا لأ
أنا اشترتها بـ 80 ألف

رد: نداء لكل الأوبتراوية
 

80 الف ياااااااا كتير اوى , كنت حطيت عليهم 10 وجبت زيرو وريحت دماغك

ع العموم مبروك وربنا يكفيك شرها

وهى فعلا عربية جبارة وتستاهل

رد: نداء لكل الأوبتراوية
 

يا هلا بيك بين الأوبتراوية

مش هقدر أفيدك بخصوص المراكز فى منطقة المعادى و حلوان لأنى من سكان الدقى

أنما الصيانة المطلوبة للسيارة حالياً لا تتعدى 700 جنية فى أقصى الظروف حيث أنها أساسى سيتم تغيير زيت المحرك + طاقم الفلاتر بالكامل+ الكشف على تيل الفرامل

رد: نداء لكل الأوبتراوية
 

بالضبط
عندك اقرب مركز للمعادى وانت على الاوتوستراد اتجاه مدينه نصر
بعد ما تعدى الرائرى بتلاقى بنزينة جنبها العوض
عن تجربة حلو اكتر من 5 مرات صيانة هناك