انطباعى الاول افيو 2013 اوتوماتيك
ان الحمد لله استلمت افيو 2013 AT من اسبوعين
برغم كل الكلام ال انا بسمعوا عنها فى المنتديات انها مش كويسه و فيها عيوب لكن خدت قرار و اشتريتها طبعا العربيه انا معملتش بيها غير 400 كيلو يعنى مقدرش احكم عليها مميزات العربيه من وجهة نظرى : - العربية ناعمة و الفتيس الاوتو حلو نقلاته مفيش فيها اى مشاكل و متحسش باى نتش او حاجه يعنى بينقل عادى - عالية عن الارض و دى ميزة عشان المطبات - واسعه و شنطتها معقوله - شكلها حلو مش وحش و دى مسألة اذواق طبعا لكن منتشره جدا - الطابلوه من جوه لونين بيج × اسود و شكله شيك - بالنسبه لعفشتها مش ناشفه اوى زى ما بيتقال عليها هى عفشتها اطرى من ال i10 بقارنها بيها عشان كانت معايا و بعتها - فيها ريموت و انذار و CD كلاريون - التكييف لسه مجربتوش هجربه بعد ال 1000 - طبعا الثبات لحد 100 يعتبر معقول مزودتش عن كده عشان لسه بتلين بالنسبه للعيوب طبعا لحد الوقتى الحمد لله مفيش حاجه ظهرت - بس الفرامل انا حاسس انها ضعيفه شوية مش عارف يمكن عشان بقارنها ب ال i10 ولا عشان جسم العربيه اكبر - بحس ان الابواب بتاعتها بتترزع كده مش عارف عشان تقفيل مصرى ولا ايه ؟ ان شاء الله بعد ال 1000 كيلو هيبقى فى تقرير كامل و هصورها وهرفع الصور |
رد: انطباعى الاول افيو 2013 اوتوماتيك
مبروك عليك وفى انتظار التقرير
|
رد: انطباعى الاول افيو 2013 اوتوماتيك
ربنا يباركلك فيها يا باشا ويكفيك شرها
تقبل تحياتى |
رد: انطباعى الاول افيو 2013 اوتوماتيك
التابلوه بتاعها تحفة فنية ............. شيك شيك جدا
|
رد: انطباعى الاول افيو 2013 اوتوماتيك
مبروك....................
|
الساعة الآن 05:48 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017