|
استفسار بخصوص تقسيط a516
السلام عليكم
انا ان شاء الله ناوى اشترى a516 وناوى ادفع 50% واقسط الباقى بس انا عايز اقسط مع شركة او معرض مش عايز اقسط مع بنك مع انى موظف فى بنك وبعد البحث الطويل لقيت مكانين بس شركة كونتكت بفايدة حوالى 10.4% وشركة تانية اسمها (الشركة العالمية المتحدة للتجارة )بتاعة عبداللطيف جميل و دى مكانها فى المعادى و انا روحتها انهارده و بصراحة ده احسن عرض لاقيته وهى تقسيط مباشر مع الشركة بدون اى تعاملات بنكية ومن غير مصرفات ادارية و الفايدة 9% واهم حاجة مافيش تأمين اجبارى على العربية يعنى انت و رغبتك يعنى ممكن اوفر حوالى 10000 جنيه تامين طول ال 5 سنين و بصراحة العرض عاجبنى و دفعت 1000 جنيه و حجزت العربية وهما طالبين وصل كهرباء و وشهادة بالدخل من جهة العمل وضامن ومافيش اى شروط على الضامن و بصراحة ده احسن عرض وان هتوكل على الله و اشتريها بس انا بسال لو حد سمع عن الشركة دى قبل كده و اتعامل معاها ولو حد يعرف بردو مكان تانى بيقسط من غير تعاملات بنكية و شكرا و اسف على الاطالة |
رد: استفسار بخصوص تقسيط a516
عرض ممتاز بجد توكل على الله
|
رد: استفسار بخصوص تقسيط a516
طالما بعيد عن البنك والتامين مش اجباري توكل على الله وخلص معاها بس ياريت تشرحلي انت دفعت كام وهاتقسط كام شهر وهاتدفع كل شهر قد ايه لاني عايز اعمل زيك بالظبط وبعيد عن البنوك ولو امكن تليفون الشركه وعنوانها وشكرا ليك جدا جدا وبالتوفيق
|
رد: استفسار بخصوص تقسيط a516
الف مبروك اولا
ولوسمحت ذكرعنوان المعرض (الشركة العالمية المتحدة للتجارة )بتاعة عبداللطيف جميل للاستفادة للجميع مع جزيل الشكر |
رد: استفسار بخصوص تقسيط a516
ممكن تقسط مع ابوالفتوح نفسه اللى فى المعادى
|
| الساعة الآن 03:50 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017