رد: الموضوع المنتظر// قيمة جمرك بعد سيارات المعاقين
اقتباس:
المدنى حد اعفاءه 20000 جنيه والقوات المسلحة (الحربى) نوعين فيه مصاب بسبب الخدمة وده اعفاءه 25000 وفيه مصاب عمليات حربية وده اعفاءه 40000 جنيه ومعاقين القوات المسلحة بيخدوا الجواب فى ايديهم (مش بيستونوا زى المدنى لحد ما الملف يروح الجمرك) ومدته 3 شهور فقط مش سنة زى المدنى ومن حقه يروح اى جمارك لان الجواب مش موجه لجمرك معين |
رد: الموضوع المنتظر// قيمة جمرك بعد سيارات المعاقين
متشكر على المعلومة مكنتش اعرف هذه المعلومة الجديدة.. شكرا على هذا
|
رد: الموضوع المنتظر// قيمة جمرك بعد سيارات المعاقين
فى البداية اشكركم على المجهود الوافر فى الرد والايضاح لكل الاستفسارت ,,,
اريد ان استورد تويوتا كورولا من اليابان لنفسى بدون وسيط " معاقين عمليات قوات مسلحة" ولكن كيف يتم تحويل القيادة من اليمين الى اليسار وكم تبلغ التكلفة ؟ هل يمكن الافراج عن السيارة قبل تحويل القيادة الى اليسار ؟ وشكرا لمجهوداتكم |
رد: الموضوع المنتظر// قيمة جمرك بعد سيارات المعاقين
اقتباس:
أهلا وسهلا بحضرتك.. طبعا حضرتك ممكن تجيب عربية تويوتا كورولا من اليابان. ولكن اعتقد انها سيكون مشروع غير موفق. لعدد من الاسباب 1- لابد ان يكون لحضرتك معرفة باللغة حتى تستطيع القيام بعملية التواصل والشراء لو مش لك حد فى اليابان. 2- قيمة الشحن للسيارة هيكون كبير جدا نظر لبعد المسافة 3- الجمرك هيكون بالين اليابانى ودة ممكن يعمل فرق عملة كبير وتدفع اكثر.. 4- هتدفع فلوس اخرى لتحويل السيارة من يمين إلى شمال حتى يتم الترخيص. 5- اسعار السيارات فى اليابان غالية فى العادة بسبب ارتفاع مستوى المعيشة بشكل عام ------------- أنصحك بالتالى... لو مصر على استيراد السيارة بنفسك لتوفير قدر من المال، فأشترى عربية من الخليج. الخليج بيجيب عربيات يابانى وبتكون مواصفتها مناسبة للخليج اللى تشبة مصر كثيرا. كمان الاوبشن عالى لان الخليج بيحب العربيات زات الاوبشن العالى مش زى العربيات من اليابان. وبتيكى مقلوبة شمال جهاز بدون حاجة للتعب. هتلاقى عربيات يابانى برضوا فى اوروبا ودة هتلاقى مواقع معينة معروفة بيشترى منها كل التجار السيارات. - لو حضرتك مش ليك حد برة يساعدك. فأحب اقول لك ان فى منطقة حرة فى مدينة نصر بالقاهرة وهناك تجار سيارات معافين وبيشتغلوا فى اليابانى بكل انواعة. هناك هتلاقى سيارات كلها دريكسيون يمن ولما بتختار وتتفق هما بيتحملوا تكلفة قلب الدريكسيون وكل حاجة وتقدر تسوق عربية يابانى كويسة بدون تعب وتعاين برحتك وتقلب فى الانواع. وممكن التاجر يشوف لك اى نوع تحتاجة ويستوردة ليك, فى واحد اسمة فوجى باين هناك |
رد: الموضوع المنتظر// قيمة جمرك بعد سيارات المعاقين
اقتباس:
السيارات الواردة من اليابان تكون فى حالة احسن من الواردة من الخليج ,,, وسعر شراء السيارة بعد تعديلها من المنطقة الحرة بمدينة نصر " فوجى" تصل الى 65 الف جنيه بدون الرسوم الجمركية حسب موديل السنه وهذا سعر زائد جداا مقارنةً باستيرادها وتحويل الدريكسيون الى اليسار ,,, السؤال المهم ,,, هل يمكن الافراج عن السيارات الواردة من اليابان كما هى بدريكسيون على اليمين ؟ شكرا للاهتمامك ,,, |
رد: الموضوع المنتظر// قيمة جمرك بعد سيارات المعاقين
مش متأكد اوى من حكاية الافراج عن عربية دريكسيون يمين. ولكن متأكد ان الترخيص للسيارة يجب ان يتم بعد تغير موضوع الدريكسيون وكمان إضافة الجهاز حسب الاعاقة..
عملية التغير للدريكسيون مشكلة لانها محتاجة واحد فاهم قوى وبيعمل الحكاية دى. انت بتجيب تابلوة إستيراد وبتغير الفتيس كمان لو مانيول ومكان الدوسات محتاج يتفتح لها مكان ويترمم الناحية الثانية. هتكلف الاف يعنى أنا مش مرحب بالفكرة دى اوى طالما ممكن اجيب عربية من اوروبا يابانى نظيفة والدريكسيون شمال. حتى الشحن هيكون ارخص. على العموم بالتوفيق انصحك تسأل عند بتوع مدينة نصر هما اللى هيفهموا فى حكاية الافراج عن السيارة. وياريت تبفى تقول لنا عملت ايه لان هذه حاجة محدش عملها قبل كدة.. |
رد: الموضوع المنتظر// قيمة جمرك بعد سيارات المعاقين
انا كنت ناوى اجيب عربية من المانيا بس انت نبهتنى لحاجة مهمة جدا وهى ثمن الجمارك
انت رايك احيب من كوريا احسن وﻻ اطلع على بورسعيد اجيب من هناك احسن وﻻ مدينة نصر تم الإرسال من جهازي GT-I9300 بواسطة تاباتوك 2 |
الساعة الآن 12:32 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017