مشكلة فى التكييف الكرستالة مو 99 ؟؟؟؟
 

مشكورا يا شباب لما باجى اشغل التكييف وانا على طريق سفر الصبح على الساعة 1 الظهر يعنى فى عز الحر
بيطلع من الهوايات هواء ساقع صحيح بس بحس بصهد بيطلع من الهوايات الى فوق التبلوة الى جوة ولما الكباس بيفصل الهواء الساقع بيسخن بسرعة جدا جدا زى ميكون فية هواء سخن
مع العلم بوابات التبلوة مقفولة والتكييف بيكون كويس وانا ماشى براحة او فى الزحمة او بليل


دة عيب اية؟ احسن انا اتخنقت وكل واحد بيقلى حاجة مختلفة عن التانى
؟؟؟؟؟؟؟؟؟؟؟؟؟

رد: مشكلة فى التكييف الكرستالة مو 99 ؟؟؟؟
 

هيا مشكلة فعلا يافندم
بس ببساطة خالص
اتاكد اول حاجه من بوابات التابلوه انها تعمل وده تتاكد منه من رائحه العادم بتاع السيارات اللي قدامك لو دخلت العربيه بغزارة تبقي بايظة
تتاكد من ان وضع التككيف امامي او بارد عادي اللي هواول زر يمين او اول زر شمال في الدوار بتاع التكييف اليمين
تاكد من ان الدرجه علي البارد واظبطه علي قبل الاخير في درجات الازرق
روح قيس الفريون وشوف الضغط بتاعه بيقل ولا لا
قبل ماتسافر بالعربية في الحر او تمشي بيها في الحر يفضل ان العربية تكون مركونة في الظل
اخر شيء اكشف علي سير التكييف
ان شاء الله بعد كل ده اكيد هتعرف العيب فين لان مفيش عيوب اخرى غير المولد او ماتور التكييف نفسه بيسموه الكمبروسور هههه
لو فيه حاجه مش فاهمها قولي عليها وانا اشرحلك قصدي بالصور وبالانجلش
تحياتي
وابقي قولنا عملت ايه

رد: مشكلة فى التكييف الكرستالة مو 99 ؟؟؟؟
 

الف الف الف شكر ياباشا

رد: مشكلة فى التكييف الكرستالة مو 99 ؟؟؟؟
 

العفو تحت امرك وشوف كده وبلغنا وصلت لايه واتحلت ازاي