حد بيفهم في البيجو
 

ياريت ياريت حد يفيدني بس معلش هاطول شويه

انا كان عندي بيجو 504 وبعتها وللاسف ندمان
المهم نفسي اشتري عربيها زيها نصحوني بالعربيه 405 او 406 بس انا محتار وخايف انا عايز عربيه اخت ال504

مع العلم ان محدش ينصحني بحاجه غير البيجو لاني من عشاق تلك الشركه والفرنساوي بشكل عام

وبرضو نصحوني بعربيه رينو لوجان

بجد محتاااااااااااااااار وازادت الحيرة اليوم
لان جاتلى عربيه بيجو 405 مو98 صاحبها طالب 40000
وعربيه 406مو2003 صاحبها طالب فيها 50000


ارجو الرد والاهتمام اجيب ايه وايه حكاية الرينو لوجان دي تمام ولا ايه؟؟؟؟؟

رد: حد بيفهم في البيجو
 

24 مشاهدة ومافي حد عبرني

انا محرج متشكرين يا رجاله بس كان عشمي اكبر من كده بكتييير

رد: حد بيفهم في البيجو
 

أصبر يا شهر باشا .. دلوقتي الأخوة حيدخلوا و يفيدوك .. خصوصاً ملاك العربيات دي .. عن نفسي لسه العربية بتاعتي ما كملتش معايا 10 أيام و هي بيجو (406) مستعملة أوتوماتيك موديل 2000 و زجاج كهرباء و لكن فيها مشكلة في الفتيس و ببحث في أحسن الطرق لحل المشكلة دي بمساعدة أخونا بشمهندس هيثم دسوقي ..

و عن انطباعي عن العربية فهي فعلاً رائعة .. و أنا زيك من عشاق الفرنسي و باحترم قوي قوي البيجو بالذات .. و مش عاوز أفرط في العربية رغم اني خايف تطلع محتاجة فلوس كتير علشان يتصلح الفتيس الاوتوماتيك .. بس هي كعربية فعلاً (الأسد الفرنسي يرتدي ثياب الفخامة) .. :010104~171:

رد: حد بيفهم في البيجو
 

البيجو 504 اسطورة الاسد الفرنسي
انا كان معايا واحدة بس بعتها و كانت عملية جدا بس ما يعيبها الاعطال الكثيرة و تحديدا الكربراتير بس ما عدا ذلك ام اجد عيبا ابدا
فيه ناس بتسقط موتور 505 مع الفتيس ال5 سرعات و عملى جدا الخيار
ده و بيلغى عيوبها
اما عن الموديلات
من 77 و انت طالع لحد 80 و 81 حسب الحالة
و الموديل gl بيعمل من 20 الى 35 الف جنيه لو صالون
و اعلى 5000 لو ستيشن بس طبعا حسب الحالة
لو عايز تسأل عن اى حاجة عن العربية دى انا موجود لأنى عرفت كل شئ عنها تقريبا GIFT4U

رد: حد بيفهم في البيجو
 

أعتقد إذا كانت البيجو الـ (406) المعروضة عليك فتيس مانيوال (عادي) حيكون أحسن من الفتيس الأوتوماتيك، و داه حيرفع من قدرها أثناء تفضيلك ما بين السيارتين (بغض النظر عن الأسعار) و هي كما ذكرت سيارة فخمة بكل المقايس، دا بالنسبة لـ موديل 2000 فأكيد موديل 2003 حيكون أفخم مع وجود ميزة أنه قد تم تغيير الفتيس الأوتوماتيك المشهور بالعيوب من قبل شركة بيجو بعد موديل 2001 يعني ابتداءً من موديل 2002 تم حل مشكلة الفتيس الأوتوماتيك .. لكتي ما زلت أفضل الفتيس العادي .. و ألقي نظرة على الموضوع داه مفيد جداً :
http://www.masrmotors.com/vb/showthread.php?t=4149
و ما تنساش الاستخارة ..
و ربنا يوفقك ..