رد: سوزوكي سويفت ما لها و ما عليها!!!
 

رد: سوزوكي سويفت ما لها و ما عليها!!!
 

بصراحه وبدون زعل او تعصب السويفت عربية فاشله اوي لعدة اسباب
1. الصاج ضعيف اوي اوي اوي من هنا لغايه بكره
2. عربيه خفيفه اوي وال وانا سايقها بحس اني راكب عجله بتنط ف الهوا
3. واطيه اوي لدرجه لو 3 ركبو ورا لو عديت علي زلطه ف الشارع هاتحك فيها
4. صوت الموتور والشكمان عالي جدا زي العربيات القديمه بالظبط
5. لو مشيت علي سرعه 110 هتلاقي العربيه بقت مراجيح مولد النبي
6. البروما بتمشي فيها زي السكينه ف الحلاوه7. العفشه بتاعتها ضعيفه اوي وبتحتاج كل فتره صغيره يتربط عليها

انا سالت كذا ميكانيكي عليها وكل واحد منهم قالي والله دي عباره عن فيات 128 بس متعدله
وعلي فكره موضوع ان فيه سويفت ب 37 الف معدتش الكلام دا من حوالي 3 سنين
احسن سويفت وتقف قدامها تقولك انا انا سويفت وياباني تيجي ب 31 وكبيرها 32 الف

رد: سوزوكي سويفت ما لها و ما عليها!!!
 

رد: سوزوكي سويفت ما لها و ما عليها!!!
 

اه صاجها ضعيف بس مهما كان افضل من صاج الاكسنت اللي حضرتك بترشحها بمراحل و الدليل ان عربيات سويفت لسه شكلها نضيف لحد النهارده في حين ان ما فيش اكسنت الا ما تلاقي وشها مدلدل او مخاصم بعضه خصوصا قافله الاكصدام مع الكابود و فوانيس الاشاره مع الرفرف.
يبقي اكيد كنت راكب عربيه تعابانه لان السويفت لو مساعدينها كويسه حتلاقيها ثابته جدا و للعلم تعليق الاسويفت امامي يعتمد نظام ماكفرسون و الجريده و البانيون.و في الخلف تعليق مستقل و هذا التعليق لا يتوافر الا في فئات اعلي حتي الكولوا و السيراتو ما الي ذلك ذو تعليق متصل وليس مستقل مثل السويفت مما ادي الي ثبات السويفت و توازنها في حاله سلامه اجهزه تعليقها.
مافيش عربيه واطيه و تبقي مراجيه و تتنطط علي الطريق
يا واطيه يا تبقي مراجيح انما الاتنين مع بعض يبقي انت بتتكلم عن توك توك
و للعلم العربيه كنت بحمل فيها ناس باحجام معقوله و مكنتش بتحك و دا اللي مطلوب من عربيه بالحجم دا مش مطلوب منها انها تحمل فيها اوزان تقيله جدا و ترجع تقول بتحك.
حتي لو بتحك ايه المشكله؟؟؟!!!!!!
موتور السويفت 8 صباب و كامه واحده علويه و سير كاتينه كاوتش و ليس جنزير مثل السيارات القديمه لكي تصدر ضجيجا.
بالعكس صوت السويفت هادئ جدا و لا يعلو حتي لو علي سرعات عاليه فالمحرك هادئ تماما و هو نفس الحال الشكمان في حاله نضافته.
طب و ايه رأيك في الصوره دي
http://files03.arb-up.com/i/00222/ey0ibc4anrbw.jpg
و دي كمان
http://files03.arb-up.com/i/00222/mscvw94ydknq.jpg
متهيالي مش 100 ولا 110كم /س
قدامك 130 و 140 كم/س
و الحمد لله انا لسه عايش و مبسوط و العربيه اتباعت و جات غيرها:)
الرد في اول نقطه
برضه ردينا علي النقطه دي في تاني مداخله ولا حضرتك بتحاول تزود العيوب و تقولها بطريقه تانيه و خلاص؟؟
يااااااااااااااااااه
و كمان بيحلفوا بربنا انها 128 معدله؟؟!!!!!!
طب روح قولهم حازم خضر بيقولكم الكذاب بيروح النار و اللي بيحلف كدب برضه بيروح النار:)
ممكن افهم تعديل لل 128 ازاي ؟؟؟هل يا تري مبنيه علي شاسيه ال128 اللي بيتفتح ولا مفتبسه نفس موتور و لوحه قياده ال128 ولا ايه بالضبط؟؟
دا علي اساس ان الاكسنت بقت زي الجولف اقوي من السويفت في الموتور و الصاج و العفشه.
للعلم تصميم الاكسنت تصميم قديم و تكنولوجيتها نفس تكنولوجيا السويفت و اسعارها اعلي لانها موديل احدث فقط ب 7 سنوات او 8 و لكن باختلاف بسيط في السعر



استاذ احمد للعم انا لا املك سويفت حاليا و لا ادافع عنها بقدر ما احب ان اوضح و بكل حياديه و صدق مزايا و عيوب السويفت و اري ان حضرتك تبالغ بشده في وصفك لها.
و لا اعلم ان كان كلامك عن تجربه او عن اراء الميكانيكيه اللذين يقسمون بالله بغير حق.
ولو كان عن تجربه فيؤسفني ان اقول لك ان سيارتك من المؤكد انها كانت في حاله يرثي لها

رد: سوزوكي سويفت ما لها و ما عليها!!!
 

اهلا و سهلا سيدي الفاضل
الجديد له طعم تاني
مافيش صيانه ولا اي شئ علي الاقل لمده ثلاث سنوات لكن حتركب عربيه ميني كار لا تصلح الا داخل المدن و لاستخدام فردين فقط لا اكثر