زيت الفتيس الاتوماتيك
 

السلام عليكم




انا معايا هيونداى اكسينت 2000 اتوماتيك هو الزيت بتاع الفتيس عندي مش ناقص وتمام بس انا غيرت كل حاجه لحد دلوقتى الا هو (غيرت كل الفلاتر والسيور والزيوت)


ممكن اعرف هو بيتحط اد ايه ؟ وفيه حاجه احسن من الموبيل (فيسكو مثلا) ؟ وفيه فلتر بيتغير زى زيت فلتر الزيت بتاع الماتور ولا مصفه وبتتنظف ؟ اغيره عادي عند بتاع زيت ولا لازم ميكانيكي


برجاء الافاده علشان رايح انهارده بليل او بكره الصبح

رد: زيت الفتيس الاتوماتيك
 

انا امبارح رحت لواحد بتاع زيت وقولتله بص كدا وقالى هنحط 3 من غير منغير الفلتر , قولتله انا عايز اغير الفلتر قالى يبقي كبيرك 4 لتر بس مش عارف حسيت انه بيفكس ولحد دلوقتى مش عارف وكل مروح لحد يقولى اشترى انت الزيت وانا اغيره بس انا محتار خايف اشترى 8 لتر والعربيه متاخدش غير 4 او 5 مثلا

محدش معاه اكسنت وغير الزيت ؟

رد: زيت الفتيس الاتوماتيك
 

سعادة الباشا صباح سعيد
انتا هاتجيب Mobile ATF 320
عدد 3 فقط...... ايوة 3 لتر بعد حتا ما تغير الفلتر
سعادة الباشا السعة الكلية للفتيس الاوتوماتك 6.2 لتر وهوا فاضي( بكرر وهوا فاضي )
خلي بالك بعد ما بيتملي اول مره زيت بيتاخد 3 لتر في جزء داخل الفتيس مسؤل عن الحركة والنقل ومش بيخرجوا تاني منة
بمعني مهما انك غيرت زيت وفكيت الوش وشيلت الفلتر كمان برده مش ها يخرج غير 3 لتر فقط

ارجوا انك تصدق وشوف موضوعي عن تغيير زيت الفتير للاوتوماتك
انا حطيت الاول 6.2 لتر ويعد كده عرفت المعلومات اللي انا قلتهالك دي
وللاسف فضيت 3.5 لتر من الفتيس بعد كده ..!!
علشان عرفت المعلومات دي
وبرده وانتا بتخرج الزيت (( عايرة في شيء علشان تعرف ))
بس علي ضمنتي
3 لتر فقط GIFT4U

رد: زيت الفتيس الاتوماتيك
 

انت اللي باشا الف الف شكر انا فعلا اتلخبط شويه من بعد الكليب (انت اللي عامل كليب التغيير صح ؟ ) وبفكر والله اغيره بنفسي انا بشتغل في العربيه كتير بيدى

بس سؤال انت تقريبا مغيره في فيرنا

هي الفيرنا الاتو = الاكسينت (فيفا) اتو


والف الف شكر علي ردك

رد: زيت الفتيس الاتوماتيك
 

الاتنين واحد
ثانيا
ماتنساش اولا انك تعمل اللي ها قولك عليك
1- تروح تجيب مسدس سيلكون+السيلكون بتاعة
2-تجيب عدد 3 لتر Mobile ATF 320
3- قمع بلاستك
4- طبعا يستحسن انك تجيب طبق كبير علشان هاتعاير اللي الزيت اللي هايخرج بعد كده
5- اتبع التعليمات بتعتي حرفيا وماتنساش انك تشتغل الصبح من اول اليوم
6- بعد ما تشيل ال 13 مسمار وتمسك الغطا بتاع الفتيس في إيدك نضف السيليكون الموجود علية تماما هاتلاقية لازق في الناحيتين
7- من علي بعيد بدون ما تحط ايدك في حاجة بص علي الفتيس من تحت شوف فية قطع مغناطيسية واله لا
لو موجودة شيلها بالراحة ونضفهم وحطهم في مكنهم ( انا ماشوفتهمش عندي )
وبعد كده ( حزاري تضغط علي المسامير في الربط انتا حر )
8- حط السيلكون بالراحة علي نضافة علي سفل الغطا
وطبعا انتا عاوز تغير الفلتر غيرة مش مشكلة بجديد اصلي 220 ج
ربط حجاتك كلها تمام
رجع الوش الموجود علية السيليكون
ربط مساميرك بمفتاح ( بية 10 ) محترم بدون ما تقرط علي مسمار
المفتاح لازم يكون رفيع ( بيبا 10 رفيعة ) علشان فية 3 مسامر مزنوقين في الشاسية
بكرر بيبة 10 رفيعة
ربط شغلك تمام
وبعد كده نضف مكانك وشيل العدة واقفل الطبه وكلة امام
ابتدي املا الزيت الجديد بإستخدام القمع
بعد ال 3 علب
قيس وهاتلاقي المقاس تمام
دور العربية كده انتا والله اشتغلت شغل احسن من الميكانيكي وانضف
ولو عاوزني معاك (( هافيدك جدا انا اجزتي جمعة وسبت ممكن نشتغل سوا ))
اخوك عاصم 0122223482