تخريد كل المقطورات المصنوعة قبل 1990
 

المقطورات إلى زوال
أعلن المهندس علاء فهمي، وزير النقل، أن نحو 13 ألفاً و390 مقطورة تم تصنيعها عام 1990 أو قبله سيتم تخريدها واستبدالها بأخرى جديدة، في إطار خطة إحلال وتجديد المقطورات.

وقال فهمي لصحيفة "المصري اليوم" السبت إن المقطورات موديل 1991 وما بعده سيتم بحث إمكانية تعديلها من قبل الشركات المرخص لها بذلك، أما سيارات "اللوري" فسيتم تعديلها إلى رؤوس جرارات، بغض النظر عن سنة الصنع.

وأوضح وزير النقل أن عمليات الإحلال والتجديد ستبدأ نهاية هذا العام، مشيراً إلى أن الوزارة انتهت من إعداد دليل تعديل المقطورات، ويمكن لأصحاب السيارات الحصول عليه لسرعة وتسهيل عمليات التعديل من خلال صندوق التمويل التابع لوزارة المالية والذي يبلغ رأسماله مليار جنيه.

وكشف فهمي عن خطة يتم إعدادها بالتعاون مع وزارة الداخلية وإدارات المرور لتنظيم نقل البضائع على الطرق، من أهم بنودها إعداد دورات تدريبية لإعادة تأهيل سائقي سيارات النقل الثقيل، وإصدار شهادات تأهيل لضمان التزامهم بأسلوب القيادة الآمنة وآداب المرور للحد من الحوادث على الطرق، والارتقاء بمنظومة نقل البضائع على الطرق المصرية طبقاً لمعايير ومواصفات الاتحاد الدولي للنقل على الطرق "IRU"
منقول

رد: تخريد كل المقطورات المصنوعة قبل 1990
 

المشروع كان المفروض يطبق في شهر ابريل الماضي لكن تم ارجاؤه لاسباب غير معروفه
عموما اتمني ان يكون السائقين اكثر ادبا و تحضرا

رد: تخريد كل المقطورات المصنوعة قبل 1990
 

اللى انا أعرفه أن القرار كان بالغاء المقطورات العادية اللى احنا كلنا عارفينها -اللى هى مش التريللا- و أن يتم احلالها بالتريلات بس اللى هى بالانجليزى الtrailer بس السواقين اعترضوا و هاجوا و ماجوا و ادوهم فرصة سنتين تقريبا , اللى أنا فهمته دلوقتى أن المقطورات دى , ترخيصها هيتوقف تماما , طاب و العربيات النقل اللى هى بصندوق , مش رأس التريلا اللى هى الTractor هتعمل ايه , طبعا مش هتقدر تمشى لوحدها لأن كده تبقى الشغلانة و النقلة واقفة عليها بخسارة , فبالتالى , قرروا انهم يعدلوا العربيات النقل أم صندوق دى الى أنها تبقى عربيات جرار بس , رؤوس تريلا يعنى و لا يكون ملحق بيها صندوق , صح كده و لا أنا غلطان ؟؟؟؟

ده اللى أنا فهمته و لو كان فى تصحيح للكلام ده , يا ريت حد يقولى , و يبقى جزاه الله كل خيييييييييييييير .

الموضوع هنا ليه شقين :

الأول , كويس أن الحكومة فكرت ازاى تطبق القانون من غير ماتخبط السواقين -اللى عندهم عربيات نقل بالنظام القديم و بياكلوا منها عيش و فاتحة بيوتهم- فى حيطة أو أنها ترميهم فى البحر , رغم أننا مش متعودين من الحكومة على كده , غريبة و الله(what) .

الشق التانى , أن هل هناك أيد خفية وراء استخراج القانون ده , اللى بيلغى المقطورات القديمة , يعنى هل فيه شركة تصنيع مقطورات مصرية ضخمة , عاوزه تعمل سوق ليها و هى اللى ورا تنفيد القانون ده , لأنه بالعقل كده , القانون لما يتطبق , كل المقطورات القديمة هتتخرد و كل العربيات أم صندوق القديمة هتتعدل و تبقى جرار بس Tractor و مش هيبقى عليها صندوق و لا حاجة و بالتالى كله هيشتغل بالنظام الجديد للمقطورات اللى هى المقطورة الطويلة اللى هى الtrailer و بالتالى الطلب على المقطورات دى هيزيد .

رد: تخريد كل المقطورات المصنوعة قبل 1990
 

مع السلامه دول خربين البلد من حوادث وتلف طرق

رد: تخريد كل المقطورات المصنوعة قبل 1990
 

لا يا مرسيدس
القانون دا اتاجل قبل كده علشان فيه ناس كبار في البلد عندهم اسطول عربيات نقل
و بدأو يشوفوا حل لهم علشان ما يخسرووش و طبعا خسارتهم بتصعب علي الحكومه.
اما بالنسبه للسواقين بأطمئن اي واحد معاه رخصه درجه اولي بيتخطف خطف
و ما فيش اي واحد من اللي بتشوفهم راكب عربيه ملكيتها تعود اليه
كلهم سواقين عند الحيتان الكبار