|
سؤال عن صيانة مرسيدس 200 w123
ليه صديق يمتلك مرسيدس 200 الجيل الرابع (W123) موديل 1978,طبعا العربيه ديه ليهه احترام خاص عند متخصصيين عالم السيارات لانهه زى مقريت كذا مره ان الجيل الرابع هو احسن ما انتجته مرسيدس من ناحية مواصفات و شروط الجوده و الاعتماديه, المهم صديقى ده اشترى العربيه من ورثة احد اقربائه و كانت مرفوعه من 10 سنين عامله حوالى 280000 كيلو, مشكلة السيارة فى البارومه نتيجة سؤ التخزين و مشكلة اخرى كانت فى الموتور بسبب ان العربيه كانت مرفوعه طول المدة ديه و مياه الرادياتير فيهه"ميه عاديه مش خضراء", المهم اتحلت مشكلة الموتور و العربيه كويسه من ناحية السحب و كده, صديقى ده ودا العربيه لورشه فى الحرفيين للتجديد الشامل فى الحرفيين و نتيجة الفحص كانت كالاتى: 1) بيقولولو العفشه بالكامل عاوزه تغيير , 2) الموتور خفيف و يستحسن تشترى موتور استيراد! , 3) احتمال نغير الكرونه!!!!!!, الخلاصه الناس دول بيقولولو ان اجمالى التكاليف و من ضمنه دهان و معالجة البارومه حوالى 10000 جنيه, انا بصراحه حاسس انهم نصابين بس هوه بيقولى دول ناس معرفة اخوه, فلو حد يعرف واحد شاطر و امين يقولى عليه نروحله و نفحص و نتاكد عنده عشان نطمن
|
رد: سؤال عن صيانة مرسيدس 200 w123
نصيحة ابعد عن المرفوع |
رد: سؤال عن صيانة مرسيدس 200 w123
طيب يا جماعة
بعد اذن حضراتكم ممكن اعرف ليه الموديل ده بتسموه W123 انا باسمع الاسم ده كتير بس مش عارف هوة بيرمز لايه تحياتى للجميع |
رد: سؤال عن صيانة مرسيدس 200 w123
انا مع اسلام العربيات المفروعة لمدة كبيرة بتبقى مشاكلها ساعات اكبر من العربيات العادية فممكن العربية ديه تكون محتاجة تجديد كامل مش اصلاحات بس
وطبعا المثل المصرى الشهير شراء العبد ولا تربيتة ينطبق على الحالات ديه وبيكون افضل تدور على حالة احسن من انك تشغل العربية من الاول بالنسبة لمراكز الخدمة المتخصصة فى مرسيدس المركز الالمانى 203 مساكن صقر قريس المعادى ت 25195467 - 0122459796 وفيه ورشة فى حدائق القبة على شارع جسر السويس الناصية اللى على اليمين قدام المترو وقدام مستشفى كوبرى القبة بجوار كبرى الفنجرى وفيه مركز تجديد مرسيدس فى اخر جسر السويس خلف سوق القنال الدولى وممكن توصلها من بعد شارع جوزيف تيتو فى النزهه وربنا يوفق بإذن الله بس ابقى طمنا عملت ايه وياريت تقولنا العربية معروضه عليك بكام |
رد: سؤال عن صيانة مرسيدس 200 w123
اقتباس:
يعنى الموديل اللى قبله كان بيتسمى W114/W115 http://upload.wikimedia.org/wikipedi...-Benz_280C.jpg والموديل اللى بعده W124 http://upload.wikimedia.org/wikipedi...W124cabrio.JPG |
| الساعة الآن 01:34 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017