مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   جمارك السيارات (https://www.masrmotors.com/vb/forumdisplay.php?f=140)
-   -   فك الحظر بعد 5 سنين (https://www.masrmotors.com/vb/showthread.php?t=91548)

علاء النادي 08-07-2012 02:53 PM

فك الحظر بعد 5 سنين
 
السلام عليكم،

انا عربيتي هتكمل 5 سنين في 2/9/2012 القادم وهابدأ اجراءات فك الحظر،
هل افك في جمارك مدينة نصر ولا اروح بورسعيد اسرع (وبالمرة اتفرج علي العربيات هناك) ، انا مرتبط بشغل وعاوز اخلص الموضوع كله في يوم واحد، ومن فضلكم ايه الاوراق المطلوب تجهيزها بالظبط وانا رايح، انا معايا الرخص والافراج الجمركي وهل بيفحصوا الجهاز اللي راكب يشوفوا مطابق للورق بمعني انا عربيتي كانت مانيوال وانا قلبتها اوتوماتيك فابالتالي الجهاز اللي راكب اتغير ولكن في جهاز راكب هل بيركزوا قوي ولا عادي.

وبعدين في الكشف الجديد لسه جامدين قوي في موضوع المانيوال والاوتوماتيك ولا ممكن تقول للجنه انك عاوز اوتوماتيك مع العلم بان الاعاقة في القدمين معاً.
ارجوا الرد ممن لدية معلومة مفيدة للاسئلة اللي فوق.

شكرا،،،

م.سلطان 08-07-2012 07:23 PM

رد: فك الحظر بعد 5 سنين
 
هتفك فى ش الطيران انا عندى مشكلة ان بعت العربية وفكيت حظرها من 2007 ومش معايا ورق الاعفاء الجمركى ... اروح ش الطيران واسال وله اروح فين

علاء النادي 09-07-2012 01:08 PM

رد: فك الحظر بعد 5 سنين
 
طالما انت فكيت الحظر في 2007 حضرتك محتاج الاعفاء الجمركي ليه ملوش لازمة دلوقتي لان العربية اصبحت حرة.

tham1010 09-08-2012 02:48 AM

رد: فك الحظر بعد 5 سنين
 
أستاذ علاء بتروح 4 شارع الطيران - مدينة نصر فى وزاة المالية قسم الجمارك والضرائب. بتأخد معاك العربية والإفراج الجمركى علشان يتأكدوا من البصمة وان العربية لسة فى حوزتك وفيها الجهاز. بعد شوية دوخة بتأخد الإفراج الجمركى وتروح به المرور علشان لما تبيع العربية يكون الرخصة عادية للى هيشترىها منك....
إذا لابد تأخد معاك التالى.....1- شهادة بيانات للسيارة....2- رخصة السيارة3- رخصة المعاق4- لابد من وجود المعاق شخصيا5- لابد من وجود السيارة للمعاينة 6-وطبعا صور من الورق وكمان البطاقة علشان مش تقعد تلف على حد يصور لك هناك

حسام البورسعيدى 09-08-2012 04:56 AM

رد: فك الحظر بعد 5 سنين
 
بالنسبه لموضوع المانيوال والاتوماتيك .. المعاق المصرح له سياره مانيوال ممكن يركب اتوماتيك قانونيا بدون اى مشكله .. ولكن العكس غير صحيح ....

لو ناوى تشوف عربية تانية يبقى يفضل تنزل بورسعيد تتفرج .. اغلب العربيات الموجوده بالنسبه للكورى (لانوس - نوبيرا 2 - هيونداى لافيتا (ماتركس كورى) - دايو لاسيتى (اللى شبه الاوبترا بس اوبشن اعلى بكتير - كيا شوما) .. ودى اشهر الانواع واى حاجه تانية بتبقى فلتات ...

اما بالنسبه للألمانى اشهر حاجة الاسكودا اوكتافيا a4 بكل فئاتها - واحيانا a5 ...

وبالتوفيق .......


الساعة الآن 09:28 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017