|
ناوى اشترى رينو داستر ومقلق منها ومحتاج مساعدتكم
أنا بجد محتار و محتاج مساعدتكم
أنا كنت ناوي اشتري رينو داستر ال4x4 بس بصراحة أنا مقلق منها جداً أنا بدور علي عربية تتحمل الي أبعد مدي و دورت في حاجات كتير و قلت أجيب عربية ألماني أحسن و لقيت الفورد فوكس او الفيستا بس اكتشفت انهم حيغيروا شكل اخر السنة فقلت بلاش منها و أنا محتاج عربية و بسرعة و لازم أقرر في اسرع وقت و مش لاقي حاجة تخلليني اتطمن لان أنا بصراحة مهلك للعربيات و بقضي معظم يومي في العربية فياريت و ابقي شاكر ليكوا لو ساعدتوني في اختياري اي عربية ذات التحمل ( يعني مفكرش اغيرها قبل 5 سنين ) من وجهت نظركم. و شكرًا لكل اللي حساعدني. |
رد: أنا فعلا محتاج مساعدتكم
إيه يا جماعة مفيش حد قادر يريحني من حيرتي دي؟
|
رد: أنا فعلا محتاج مساعدتكم
يا باشا معلش بس واحدة احدة
انت داخل فى قسم الرينو ومش عاجباك وعايز نقترح عليك غيرها ماشى برضو طيب ممكن تحكيلنا كنت راكب ايه قبل كده وازاى بالظبط بتهلك العربيات ومشاكلك كانت بتبقى مع العفشه مثلا ولا الموتور ولا ايه |
رد: أنا فعلا محتاج مساعدتكم
بسرعة وفى أسرع وقت .. مش هاينفع الكلأم ده لأن العربيات زى الستات لأزم تسأل كويس جداً على اصلها وفصلها وعيلتها قبل ما تكتب عليها , وألأ هتكرهك فى حياتك وفى عشتك وتطفشك من البيت
.العربيات كتير ومالية السوق .. شوف أنت أحتياجاتك أيه فى العربية يعنى لو بتسافر كتير يبقى محتاج عفشة رياضية .. جوة البلد والمطبات والشوارع المكسرة تبقى محتاج عفشة ناعمة , بتحب سواقة المأنيوال ولأ الأتوماتيك لأن الداستر مانيوال بس ..........ألخ وأكيد الأستاذ أبو نورا والأخوة الأفاضل فى المنتدي هيقدروا يفيدوك .. شوف أنت عاوز أيه ورد علينا |
رد: أنا فعلا محتاج مساعدتكم
صعب تلاقى الناس تدلك على نوع واحد بس.كل عربية ليها اللى بيحبوها و اللى بيكرهوها . حضرتك تحدد طلباتك الاول و الاخوة فى المنتدى ممكن يساعدوك. :010104~171:
|
| الساعة الآن 07:38 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017