الاسباب اللى بتخلى العربية مكتومة و مبتسحبش
ما الاسباب اللى بتخلى العربية مكتومة و مبتسحبش ؟
ياريت نعرف الاسباب دى انا ها اكتب اللى اعرفه و ياريت الاخوة يعرفونا الباقى بحيث العربية لما تتكتم نعرف الاسباب ممكن بنزين مغشوش ممكن فلتر الهوا جاب اخره و عاوز يتغير ممكن فلتر البنزين عاوز يتغير ممكن البوجيهات مرطبة و عاوزة تتغير سلك البوجيهات عاوز يتغير الشكمان مكتوم و مش مظبوط ده اللى اعرفه ياريت لو تعرفوا حاجة تانية تقولوا |
رد: الاسباب اللى بتخلى العربية مكتومة و مبتسحبش
كلامك مظبوط طبعا واحب اضيف حاجة ..
الحاجات اللى حضرتك زكرتها دى الحاجات المبدئية او الشائعة .. لكن لو كل ده تمام ممكن يبقى العيب من : - طرمبه البنزين ضعيفة - لو العربية كاربراتير ممكن الكربراتير مكتوم او محتاج ظبط .. - لو انجيكشن ممكن البوابة محتاجة تنضيف او انسداد فى الرشاشات او مشكلة فى حساس معين - ممكن مشكلة فى الاسبراتير (زى تاخير توقيت الاشعال) اوالبوبينه .. - ممكن سخونة زياده فى الموتور او ان الزيت يكون خفيف زياده عن اللزوم و خصوصا فى الحر الشديد ده .. |
رد: الاسباب اللى بتخلى العربية مكتومة و مبتسحبش
عدم ظبط خلوص الابلاتين او تلفه او خلوص البوجيهات
|
رد: الاسباب اللى بتخلى العربية مكتومة و مبتسحبش
كلام جميل..............
|
رد: الاسباب اللى بتخلى العربية مكتومة و مبتسحبش
شكرآ HPPYBUS عالشرح الجميل ربنا يجزيكم خير .
|
الساعة الآن 06:54 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017