مصر موتورز مجتمع السيارات - طريقة تثبيت سيارة سوزوكي فان علي الطريق بدون اختراعات فكسانة

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

طريقة تثبيت سيارة سوزوكي فان علي الطريق بدون اختراعات فكسانة

انت مجنط 13؟؟؟
هو دة سبب كل المشالك من فرامل وعدم توزان ونشفان العفشة
انا معايا نفس العربية 2013 بس مش مجنط مركب كاوتش عريض 12/175/70
علي نفس الجنط بتاعها والعربية جميلة ومش ناشفة الا لو مطب جامد او حفرة علي الدائري زي منتا عارف ودة سببة الاساسي ان العربية من ورا علي ورق سوست وليس مساعدين زيت
اما بالنسبة للتوازن انا مش مقتنع ان الجنزط ال 13 هتوزن العربية زي ما هو شائع بين الناس علي القهاوي ودة مش صح لانك بالبلدي كدة مش انصح من الي صنعها وهو مسمحلكش انك تغير مقاس الجنط لكن وفقط سمحلك تغير مقاس الكاوتش ودة لية مش رخامة ولا عبط منة لان مقاس الجنط يترتب علية الاتي:-
*مقاس المساعدين الامامية
*عدد ورق السوست الخلفية
*قطر الرفرف الساج وعمقة
*الاتساع ما بين فردة الكاوتش والمساعد من الداخل علشان ميحصلش احتكاك
*فتحة الباب الجرار (واكيد انت بتشوف عربيات ابوابها مش بتفتح بسبب الكاوتش)
*اختبارات السرعة والامان والمتانة بتاعت الشركة لما تعدل تبقي اترمت في الزبالة والعربية غير امنه
*تغير مقاس الجنط يخل بسرعة العربية عن سرعة العداد يعني العربية تبقي علي العداد ماشية 90 وهي في الحقيقة ماشية 100 وتتاخد رادار وتقول الحكومة ظالمة
(هما مش ظالمة بس دول ولاد مرة ........)
والحل هو تتقيل العربية يعني تزود حاجات علي العربية تزود وزنها علي الطريق لان وزنها 500 كج وانا شخصيا عملت كدة واقولك تجربتي.
اول حاجة روحت فصلت شبكة عمولة للعربية ميقلش وزها عن 30كج علشان تستحمل وفنفس الوقت تديك وزن للعربية
كمان فصلت عتب للباب الجرار مش الجاهزة النيكل مواسير وفصلتها تديك متانة ووزن حوالي 25كج
كمان فصلت اكصدامات حديد 2مملي علشان تبقي متينة وتديني وزن وترحمني من كل شهرين اغير اكصدام ودول بيعملوا وزن حوالي 50كج
كمان ركبت غاز طبيعي !!! ايوة انا عارف ان العربية مش بتستهلك بنزين كتير 1لتر لكل 10 كيلو في الطرق السريعة و 1 لتر لكل 8 كيلو في المدن الزحمه
لكن الغاز لية فايدتين مهمين انك تترحم من طوابير البنزين ومتشغلش بالك
والاهم الوزن ودة المطلوب اسطوانة الغاز وزنها فاضية 40 او 50 او 60 او 70 كج
وممكن كمان تحط لوح خشب كونتر في ارضية العربية هيديك كمان 15 كج
لو جمعنا بقي الارقام دي
75+50+30+25= 180كج = وزن 2 راكب متوسط الحجم دول بقي حتي لو العربية فاضية من الركاب هايوزن معاك العربية علي الطريق مع الكاوتش تقدر تجري 100 مرتاح
ودي تجربتي الشخصية مع السوزوكي فان
لكن انا شايف ان اخطر عيوب في الفان هي
1- وزنها لان كل مكونتها صاج خفيف جدا حتي مفيهاش شاسية كامل تقيل
2- موتورها الصغير كانت محتاجة موتور 1300

رد: طريقة تثبيت سيارة سوزوكي فان علي الطريق بدون اختراعات فكسانة

مشكور يا غالى على موضوعك الرائع
بس ممكن اسالك كام سؤال على الماشى
هى بكام دلوقتى وممكن اجيبها قسط منين لو تعرف يعنى
حضرتك قولت انك مركب غاز ممكن اعرف مكان الاسطوانة فين فى العربية
ارجو التواصل لانى عايز اجيبها واشغلها على الدائرى

رد: طريقة تثبيت سيارة سوزوكي فان علي الطريق بدون اختراعات فكسانة

يعنى انت شايف ان تغيير الجنط تعديل غلط على الفابريكا وزيادة الاوزان ديه هى اللى مش تعديل على الفابريكا !!

اى تعديل ليه مميزات وعيوب وممكن يتعمل صح ومميزاتة تبقى اكتر او باسلوب غلط وعيوبة تبقى اكتر
فمثلاً زيادة الوزن اللى حضرتك عملتها ديه ممكن تبقى صح لو الاوزان متوزعة صح فى منتصف العربيه بحيث توزيع الوزن يبقى متساوى لكن لو جمعتها ورا او قدام اكتر العربيه تعوم وممكن لا قدر الله تقلب

نفس الكلام للجنوط لو كبرت الجنط وقللت ارتفاع الكاوتش بحيث يبقى القطر الاجمالى للكاوتش مع الجنط نفسه زى الفابريكا هتبقى كسبت توازن فضل بس فى مقابل عفشه انشف وعداد الكيلومتر هتبقى قرايته مظبوطة

انا بس اكتر حاجة مش فاهمها ازاى شايف ان العربيه كانت عايزة موتور اعلى وفى نفس الوقت متدايق من كونها خفيفه ما لو موتور اكبر هيخلى العربيه خفيفه اكتر ؟

رد: طريقة تثبيت سيارة سوزوكي فان علي الطريق بدون اختراعات فكسانة

طب انا بسمع ان الغاز مش حلو في الفان ايه رايك لان العربيه مش بتسحب هل الكلام ده مظبوط؟؟؟ وبيعمل تسليخ للبساتم بتاعه الماتور ايه رايك؟؟؟