ياريت الرد سريعاااا وياريت تساعدونى بجد
 

يجماعه انا بفكر اشترى عربيه وعجبنى اوى اوى اللوجان علشان سعرها كويس اوى
بس انا هسالكم سوال وياريت بعد اذنكم تردوا عليا بامانه علشان ديه اول عربيه اجيبها فى حيااااااتى

لو انا بنفس سعر اللوجان ممكن اجيب ايه تانى غيرها ولا هيه افضل حاجه
تانى حاجه سمعه ان بروتون ساجا كويسه وبرضه هيونداى i10 وبرضه فيات بونتو وبرضه جيتز

فانهى احسن عربيه
حاجه مهمه لو استقريتوا على اللوجان فانهى احسن اللوجان العاديه ولا الهاتشباك عمتا انا بحب الهاتش باك بس انهى افضل
لوجان هاتش باك ولا فيات بونتو ولا ساجا ولا هيونداى i10 ولا جيتز شكررررررررا

ووسعر اعاده بيع الهاتش باك بتنزل جامد ولا نفسها زى اى عربيه

واخر حاجه انا ناوى اجيبها بالقسط فياريت كل واحد يقولى احسن مكان اجيبه منو منين بالقسط وايه نظامه

شكررررررررررا لكل اللى هيرد
ومعلش هتعبكم معايا الموضوع بالظبط زى انك هتخلف لاول مره هههههههه

رد: ياريت الرد سريعاااا وياريت تساعدونى بجد
 

انا لو مكانك نصيحتي ليك لو اول عربيه ليك بقي بلاش اللوجان هي كويسه و كل حاجه بس قطع غيارها غاليه لو هتجيب تجيب حاجه من الثلاثه دول حسب الترتيب فيرنا او اسبرنزا او لانوس و بالنسبه لموضوع التقسيط في وجهه نظري ان بنك ناصر افضل و لوعاوز تفاصيل ادخل علي قسم عالم تقسيط السيارات هتلاقي معلومات اكتر

رد: ياريت الرد سريعاااا وياريت تساعدونى بجد
 

انا شايف ان قطع الغيار مناسبه جداً بالنسبه لماركتها.
دي ارخص من قطع الغيار في غبور. زي الماتريكس مثلا.
مع الأخذ في الأعتبار انها افضل من اللانوس والفيرنا امكانيات افضل واوسع وعاليه عن الأرض وتابلوه انيق وخامات افضل .

رد: ياريت الرد سريعاااا وياريت تساعدونى بجد
 

طيب اجيب ايه برضه لوجان عاديه ولا هاتشباااااااك ولا فيات بونتو

رد: ياريت الرد سريعاااا وياريت تساعدونى بجد
 

شوف يأستاذ/محمد اللوجان عربيه عمليه جدا وقطع غيارها معقوله وابتدأت تنتشر وعاليه عن الارض وعفشتها تستحمل الطرق فى مصر ،الفيرنا عربيه قطع غيارها أرخص ومنتشره وصيانتها سهله لكنها أقل تحملاً وواطيه على الارض ،البونتو وال i10 قطع غيار وصيانه اغلى لكن تقفيل أنضف من اللى قبلها سؤال مهم ليك انت دى أول عربيه تجيبها بس انت بتسوق من امتى يعنى لومحتاج عربيه ناعمه وسلسه فى القياده وسعر قطع الغيار والصيانه مش مهم بالنسبه ليك خليك فى البونتو أوالجيتز أو i10 لكن لوسواق وماتفرقش معاك ادخل على اللوجان.