من رأيكم هل انا أخطأت ؟
 

السلام عليكم و رحمة الله و بركاته

و انا سايق على الطريق و انا الحمد لله عارف الطريق كويس , فا باخد مطب , بعد ما العجل الامامي نزل على الارض لقيت في المراية مرة واحده تاكسي فيرنا جاي طاير و راح لابس فيا من ورا , انا اول ما لمحته في المراية اديت بنزين على آخري بس كان لحقني , خبطلي الاكصدام و فانوس الحمد لله الخبطة بعيدة عن الشنطة . السواق بررلي انه اول مرة يسوق على الطريق دا و انه ماخدتش باله من المطب و كدا

فا ايه الخطء الي انا عملته بحيث الموضوع دا ما يتقررش تاني مني ,

رد: من رأيكم هل انا أخطأت ؟
 

حمد لله على سلامتك اولا وقدر الله وماشاء فعل
طبعا مفيش اى خطأ عليك

حتى لو انت كبست فرامل مره واحده وواحد دخل فيك من ورا هو اللى غلطان برضه
لان فى حاجه اسمها مسافه الامان بتبقى اقل مسافه لايمكن ان تقل بينك وبين العربيه اللى قدامك ودى بتبقى 10% طبقا لسرعتك اللى انت ماشى بيها
يعنى لو ماشى سرعه 100كيلو لازم يبقى فى مسافه لاتقل عن 10 م بين وبين اللى قدامك تقدر تتحكم فى عربيتك فيهم
لكن طبعا اللى بقى سايد فى مصر حاليا فكره لزق الاكصدام فى الاكصدام مش عارف مين اللى اخترعها لكن بقت مشهوره اوووى عندنا
طبعا حضرتك ليك الحق تطلب تعويض عن الخساير حتى لو هو مدمر

رد: من رأيكم هل انا أخطأت ؟
 

قدر الله ماشاء فعل طبعا انتا مغلطش فى حاجه وكان مفروض تخليه يصلحهالك هوه مش شايف عربية ادامه يبقه يهدي سواء فيه مطب او لا
:THE_PR~18::THE_PR~18::TH E_PR~18:

رد: من رأيكم هل انا أخطأت ؟
 

الحمد لله على كل حال , و الله العربية لسا واخده نمر اول امبارح و هي وارد خليجي الخبطة زعلتني جامد , بس كان سواق تاكسي لا حول له ولا قوة وراجل كبير , قلت انا بعامل ربنا سبحانه و تعالى , و اكيد ربنا هيعوضهالي

رد: من رأيكم هل انا أخطأت ؟
 

الحمد لله علي كل حال
انت مش غلطان بس اتعود علي زرار الانتظار في اي وقت فكرت تهدي جامد او تقف عشان مطب حيساعد كتير
وقدر الله ماشاء فعل