|
سؤال ضروووووووووورى جداً : مدرسة السواقة : مرور ابيس : اسكندرية
السلام عليكم انا من اسكندرية وعلى حسب ما عرفت انى تبع مرور ابيس وبعد ما سألت واتعقدت وعرفت ان الرخصة لازم تطلع بالواسطة او بالمدرسة قررت اخش المدرسة التابعة لمرور ابيس فكنت عايز اعرف الرسوم كلها كام وايه الاوراق المطلوبة ؟ شكرااااااااااااااااااااا |
رد: سؤال ضروووووووووورى جداً : مدرسة السواقة : مرور ابيس : اسكندرية
ياريس انا عايز اقدم فى مدرسة المرور عشان تسهيلات استخراج الرخصة
|
رد: سؤال ضروووووووووورى جداً : مدرسة السواقة : مرور ابيس : اسكندرية
يا باشا ولا مدرسة ولا غيرة والله من غير مدرسة ولا وسطة ولا بعرف اسوق وطلعت الرخصة فى نفس اليوم كمان ومن مرور ابيس بص يا سيدى انا اقولك عملت اية وانت اتكل على الله واعمل كدة وان شاء الله هتعدى بسهولة اولا هات كتاب الاشارات من مرور محرم بيه ثمنة 5 جنية واقعد اقراه بفهم كدة كام مرة لحد ما تحس انك تعرف تجاوب على اى اسئلة تيجى فيه وفى هنا فى المنتدى برنامج زى اللى فى المرمر اتدرب عليه وانت هتعرف نظام الاسئلة وخش بقلب على الامتحان النظرى وهتعدى بكل سهولة ثانيا حرف ال s لو بتعرف تسوق ممكن تدرب عليه كتيييييييييير لحد ما تتقنة لكن لو على قدك زى يبقى بص يا سيدى اولا ما تدخلش بعربيتك ولا عربية تانية امتحن على ال لادا بتاعة المرور هتلاقى طبعا العربية فيها دبرياج وفرامل وبنزين فى الناحية اليمين والشمال وبيبقى جنبك واحد من المرور انا عطيتة 20 جنية وشريط فيجا قالى اية دا قلتلة دى فياجرا يا حج ليك انت بس قالى انت دكتور قلتلة انا صيدلى قالى طيب ملكش دعوة باللى تحت وامسك الدركسيون واعمل زى ما اقولك هنا بقى الفلم كلة من وجه نظرى حاول تلغى دماغك تمامااااااااااااااااااااا يعنى بالظبط وزى ما انا عملت تخلى دراعك كأنة متركب على دماغ اللى جنبك هوه فعلا راجل خبرة رهيبة فضل يقولى يمين بالراحة شمال خالص يمين بسرعة وانا اعمل كدة بالظبط اقسم بالله انا ما كنت باصص على العساكر ولا كنت شايف قدامى لو كانوا غمونى مكنتش هتفرق معايا وهنا النقطة الفاصلة لو حاولت تعدل على كلامة او ول سرحت منة مش هتعرف تعدية ولو بقالك 10 سنين بتسوق روح جرب الطريقة دى وان شاء الله هتعدى ولو فى اى استفسار انا موجود |
رد: سؤال ضروووووووووورى جداً : مدرسة السواقة : مرور ابيس : اسكندرية
يادكتور والله حضرتك اديتني تفائل..
بس انا لما رحت من 3 اسابيع امتحن الظابط كان بيبص علي رجل اللي قاعد جنبي علشان كدا سقطت!! انا برده من مرور ابيس وامتحان الاربعاء دا بالله عليك ادعيلي لاني بقيت مرتبك اووي بسبب اللي حصل.. بس اللي كان قاعد جنبك في العربيه راجل اقرع ولا تخين..؟؟ اصل فيه واحد شاطر والتاني لا..!! |
رد: سؤال ضروووووووووورى جداً : مدرسة السواقة : مرور ابيس : اسكندرية
ايه الحلاوه ديه هو يبنفع حد يقعد جنبك و انت بتختبر ؟؟
هنا في مرور السلام مفيش من الكلام ده D: تاخد ال s بوشك و بضهرك من غير متهز قمع واحد لو معاك واسطه دوس علي الاقماع و هتاخد الرخصه وانت مروح |
| الساعة الآن 02:41 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017