المشاركة الأصلية كتبت بواسطة أشرف صبرى (المشاركة 417386)

أحبائى أرجو الاجابه عن السؤالين دول اليوم
السؤال الاول : انا عملت بالعربيه (اسيرانزا تيجو) 500 كيلو وعايز اروح الساحل الشمالى 10 ايام ( هاعمل حوالى 900 كيلو ف الموضوع ده) فهل ينفع اعمل صيانة الالف كيلو دلوقتى وللا لما ارجع (هاكون 1400 كيلو تقريباً)

السؤال التانى : الناس اللى عملت ديفندر امامى و خلفى و عتب جانبى و خطاف جر خلفى هل اى حاجه من الحاجات ديه ليها فايده(اقصد كحمايه من الحوادث) و ارجو اللى يجاوب يقول كل حاجه فيها لوحدها لأن فيه ناس قالتلى اهم حاجه الاكصدام الديفندر الخلفى و الخطاف الجر الخلفى و بس لان هما دول الحتت اللى بتتعرض للخبط و ياريت الاجابه تكون النهارده عشان انا بكره اجازه و بفكر اعملهم بكره و ماتنسوش اجابة السؤال الاول

ملحوظه : اللى عارف اجابة سؤال واحد بس يقول و انا هانجحه (هاهاهاه)
وشكراً مقدماً لأحلى اسره و احلى منتدى

المشاركة الأصلية كتبت بواسطة محمد فيصل (المشاركة 417409)

اجابة السؤال الاول :لا يوجد اى مانع من عمل الصيانة الان الخاصة ب1000 كم الاولى على 500كم فهذا مفيد وليس بة اى اضرار وافضل من الانتظار لبعد العودة من الساحل الشمالى سالماً ان شاء الله
اجابة السؤال الثانى : السيارة بدون اى من تلك الاضافات افضل
لان من ناحية الشكل من يفضلها تجار الكماليات
ومن ناحية الاداء فالحافظ من الحوادث رب العزه جل وعلى شأنه وليس اى شىء آخر
نقطة اخرى هامة المرور عاد للشوارع مرة اخرى وكل ما ذكرت للتركيب مخالف