مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تأجير السيارات (https://www.masrmotors.com/vb/forumdisplay.php?f=92)
-   -   استفسارات عن ايجار السيارات(خاص وحصرى لمصر موتورز ) (https://www.masrmotors.com/vb/showthread.php?t=26768)

Saif eldien 25-05-2010 10:09 PM

استفسارات عن ايجار السيارات(خاص وحصرى لمصر موتورز )
 
استفسارات عن ايجار السيارات
كثير منا فى زهنة اسئلة كثيرة ومش عارف ليها اجابة ومش عارف يوضح اسئلتة ومش عارف يبداء ازاى هنا هنقول بعض الاستفسارات واجوبتها وهنجاب على كثير من الاسئلة
س/ عايز اشترى عربية واجرها اعمل اية
حدد النوع ال عايز تبداء بية عربية كبيرة ولا صغيرة (يعنى عربية ثمنها كبير ولا صغير ) اختار المكان ال عايز تسلمة العربية واتفق معاة على القيمة ال ترضيك والمدة
س/ اعرف منين ان ال هتعامل معاة دة حد كويس
بدايتا لازم يكون شركة او مكتب لية سجل تجارى وبطاقة ضريبية يفضل من لديهم منذ مدة كبيرة يعنى قدام فى المجال والسوق ويكون سمعتة كويسة وتاخد ضمناتك زى عقد واقرار استلام سيارة
س/ بيقول شركات البترول افضل من المكاتب وعايز اتعامل معهم مباشر
اغلب الشركات لا تتعامل مع افراد لعدم وجود سجل تجارى وبطاقة ضريبية وبتالى نادر ما ان تجد شركة تتعامل مع افراد مباشرتا وشركات البترول لا توقع عقود طويلة الاجل وهناك مشكلة لازم تعرفها دة شركات مساهمة لو حصل مشكلة ههتعامل مع مين هتتعامل مع مجموعة محامين ولان تجد شخص فردى تتعامل معة ومعدل استهلاكهم للسيارة كبير وبتالى لا يقوم بعمل عقود مدة طويلة ولا يقوم بعمل اقرار استلام سيارة
س/ سمعت ان فى سعر ايجار 4 الف جنية لعربية لانسر دة سعر كويس
لا تكون طماعا واسف انى ابداء اجابتى بهذة الكلمة وتجرى وراء سعر عالى وبعدين تحصل على سيارتك بعد سنة او اقل لا تنفع ان تعمل فى الاجار تانى وانما اقبل بعر قليل وعقد طويل ودوام الاستمرار ودة اهم هدف فى الايجار سواء لمكان ال هتتعامل معاة او ليك انت كصاحب سيارة ولا تفكر فى مبداء انك تجيب عربية بمقدم 20 الف وقسط شهرى 2500 جنية وتقول انك هتشغلها اربع سنوات يعنى عايز تكسب عربية بعد اربع سنوات تقدر ب 70 الف وكمان كل سنة مبلغ 18 الف دة اكثر من تجارة المخدرات لانك لا تتحمل اى خطورة وكمان عايز تربح بصورة كبيرة ارباح 300% واكثر دة ما يودى ان المشروع بتاعك يفشل واحظر هذا الفكر
س/ افضل مدة اعملها لايجار اى عربية
خليك فى مدد 3 اعوام او ابعة بكثير لان الايجار لا يستحمل سيارت 5 اعوام ويفضل 3 اعوام فقط لمالك السيارة والمكان الذى تتعامل بة
س/ عايز افتح مكتب ايجار اعمل اية
ابحث عن مكان يكون تكليفك ومصاريفك فية قليلة وابداء فى مجايب سيارات واهتم بالعربيات واعمل اجرائات البطاقة الضريبية والسجل التجارى وبلغ القسم التابع لة وابداء واعرف ان اهم شى العلاقات فى هذا العمل واسال واستشير ولا خاب من استشار
س/ اية ال مفروض اتحملة فى العربية
وجب العرف ان يقوم صاحب السيارة بتحمل بوليصة تامين السيارة كل عام فى حالة العربيات القسط وكاوتش وبطارية ولاكن كل ذلك يحدد حسب الاتفاق مع من تتعامل معاة
س/ هل مشروع ايجار السيارت مربح
نعم وال لما كان كثير من المكاتب والشركات والافراد اقدم على ذلك وكان بة مشاكل كثيرة نتيجة اطماع البعض ونتيجة مغامرة الربح الكبيرة فية ونتيجة حجم راس مال كبير بة
س/ ازاى اكسب فى المشروع دة
ياما تكسب كل شهر مبلغ كبير وتخسر فى النهاية ودة المبداء ال بيحصل لناس وتقع فى مشاكل ويقول مشروح سى ياما تربح فى الاخر وتربع قليل جدا جدا فى كل شهر ودة المبداء الكويس ال بيخلى المشروع معقول ويدوم ويحقق ارباح كويسة افضل من ايداع الفلوس فى البنوك
اعلم ان خطورت اى مشروع فى الطمع يعنى اهتم بربح قليل واعلم ان فى القليل فائدة كثيرة لكلا الطرفين صاحب السيارة ومكان من تتعامل معاة

احمد بدر1978 25-05-2010 10:23 PM

رد: استفسارات عن ايجار السيارات(خاص وحصرى لمصر موتورز )
 
شكرا على الموضوع وكان الله فى عونك
لو انا فتحت مكتب تاجير وطلعت العربية مثلا ورجعت مخبوطة اية او ملرجعتش
هل التامين لازم يكون صاحب العربية هو اللى سايق

Saif eldien 25-05-2010 10:53 PM

رد: استفسارات عن ايجار السيارات(خاص وحصرى لمصر موتورز )
 
اقتباس:

المشاركة الأصلية كتبت بواسطة احمد بدر1978 (المشاركة 188351)
شكرا على الموضوع وكان الله فى عونك
لو انا فتحت مكتب تاجير وطلعت العربية مثلا ورجعت مخبوطة اية او ملرجعتش
هل التامين لازم يكون صاحب العربية هو اللى سايق

بس فى مصر فى قانون مهم جدا لازم تعرفة اما انك تكون صاحب سلطة (او علاقات) او فلوس
لو معاك حاجة من الاثنين تعرف تمشى شغلك
طبعا فهمت ما اقصد فالمفروض ان التامين بيقول ان صاحب العربية يكون سائق عند الحدثة وطبعا دة بيحصل ;) فهمنى طبعا
للاستفسار السريع
0125485222

احمد بدر1978 25-05-2010 11:51 PM

رد: استفسارات عن ايجار السيارات(خاص وحصرى لمصر موتورز )
 
افادك الله
طب بالنسبة لو العربية مرجعتش؟
معلش حتعبك معاياptmnlo123per1114

avwalf 05-09-2010 06:33 PM

رد: استفسارات عن ايجار السيارات(خاص وحصرى لمصر موتورز )
 
ولا تفكر فى مبداء انك تجيب عربية بمقدم 20 الف وقسط شهرى 2500 جنية وتقول انك هتشغلها اربع سنوات يعنى عايز تكسب عربية بعد اربع سنوات تقدر ب 70 الف وكمان كل سنة مبلغ 18 الف دة اكثر من تجارة المخدرات لانك لا تتحمل اى خطورة وكمان عايز تربح بصورة كبيرة ارباح 300% واكثر دة ما يودى ان المشروع بتاعك يفشل واحظر هذا الفكر


ليه انا كنت خلاص ناوي علي كده ايه المشكله في ده!!!؟؟
وايه الفرق ان العربيه اجيبها كاش واجرها او اني اجيبها تقسيط واجرها وادفع قسطها من ايجارها؟؟؟!!
ليه احظر هذا التفكير ارجو الافاده لا ني كنت خلاص علي وشك اني اعمل كده ارجوك تنبهني لاخطار هذا التفكير


الساعة الآن 11:12 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017