|
بجد انا حيران بخصوص الفرامل
انا عربيتى بومه 1300 وعامله لحد دلوقتى 20 ألف والفرامل أبتدت تصفر نزلت هنا فى المنصوره عند واحد مشهور سألت عندو على الفرامل لقيت
تيل ب 110ج أسبانى تيل ب 65ج تركى تيل ب 410ج يبانى لونه أخضر وفيه منه رمادى انا بجد حيران اجيب ايه بس الي ب410ج دا يبقا غالى اوى ولا ايه اكون شاكر جدا جدا لو حد فادنى فى الحوار دا شكرا |
رد: بجد انا حيران بخصوص الفرامل
http://i195.photobucket.com/albums/z...1182956723.gif أنصحك نصيحة أخوية عن تجربة أبعد عن أي تيل مش أصلي ركب فى عربيتك التيل اللي بـ 410 ده ياباني أصلي هو غالي شوية بس و ريح دماغك لأنك هتدفع تمن تيل تاني لو جبت غيره أي تيل غيره هتركبه هايصفر كأنك ماشي بتريلا تقبل تحياتي |
رد: بجد انا حيران بخصوص الفرامل
انا ركبت مرة تيل بـ 265 جنيه و قالو انه زى الاصلى بالظبط , بعد 5000 كم بدأ يصفر اكتر من اى ترلة معدية جنبى و جابلى صداع مزمن , اتكل على الله و هات الاصلى
هو غالى شوية بس حتعمل ايه , هو سعره كده اخر مرة جبت تيل كانت من التوكيل 1/3/2010 و كانت بـ 385 جنيه |
رد: بجد انا حيران بخصوص الفرامل
انا شايف ان التيل لازم تجيبة من التوكيل هو فى حدود ال 400 جنية واكيد بالسعر دة
يبقى غالى لكن تيل الفرامل مهم جدا ً فالعربية والاصلى بيحافظ على الطنابير خاصة لو العربية اتوماتيك لان استهلاك التيل بيكون فيها اكتر وانا عربيتى كانت عاملة 10 الاف كم وموديل 2010 ولما عملت صيانة 10 الاف قلولى هنكشف عالتيل ولو احتاج تغيير كانوا غيروة لكنة مكتوب فى كتيب الصيانة الدورية انة بيتغير على 20 الف كم ودة طبعا ً يتوقف على استخدامك للفرامل |
رد: بجد انا حيران بخصوص الفرامل
ألف شكر بجد شكرا جدا على النصيحه انشاء الله هاخد برأيكو واتكل على الله واجيب الاصلي بس انشاء الله هجيبه من التوكيل ومره تانيه شكراعلى النصيحه
|
| الساعة الآن 09:17 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017