مصر موتورز مجتمع السيارات - خبرتي مع الحروف النيكل للسيارات

خبرتي مع الحروف النيكل للسيارات

النهارده يا جماعه الخير هحكيلكو عن تجربه جديده " مغامره بس لزيزه "
وانا بشتري مره منظف رشاشات للوالد لعربيته شوفت عند المحل حروف بلاستك غريبه وشكلها عاجبني اوي وانا كان بيراودني فكره ان اكتب اسم ابوالاسعاد علي ظهر العربيه و سالت عليه قالولي ب 30 جنيه مش عارف لي يعني

فسالت علي الحروف قالي الحرف الواحد ب 3 جنيه بصراحه محستش بفرق اخدت الفكره و مشيت
لقيت علي محلات الاكسسوارات لقيت محل بيبيع الحرف ب 75 قرش قولت تمام اوي
اشتريت ال 10 حروف و روحت صيدليه اشتريت ملمع اظافر هتقولولي لي
الحروف دي مهياش نيكل ولا حاجه دي بتبقي بلاستك وعليها قشره لمعه فضي يعني مع الغسيل الكتير و العوامل الجويه هتقشر و هتبوظ فقولت اعمل الاتي
ان ادهن الحروف بالملمع فبكده عملت جدار مانع للعوامل كلها و بالتالي حافظت علي الحروف
"الملمع ممكن تدهن بيه صاج العربيه لو اتخبطت و الدهان قشر و بكده تمنع الصاج انه يصدي "
بصراحه ادت للعربيه شكل محترم اوي
وحصل موقف بالتوكيل يضحك فعلا
ان الصنايعي في التوكيل بيقولي بعد اذنك ياباشا هو الاسم ده اسم مستورد جديد بدل ابوالفتوح هههههههههههههه

ممكن كل واحد يبدع في الحروف دي و لو عايزين تشتروها جمله موجوده
200 حرف و رقم ب 50 جنيه

الصوره في توقيعي

والي اللقاء مع تجربه جديده

تقبلو جميعا خالص تحياتي