مصر موتورز مجتمع السيارات - ايه العدد الاساسية اللازم وجودها مع سائق السيارة للظروف الطارئة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

ايه العدد الاساسية اللازم وجودها مع سائق السيارة للظروف الطارئة

السلام عليكم
معرفش انا كان معايا صليبه ولا لا
الله اعلم اتسرقت ولا مكنتش موجوده مش فاكر
الله يرحمها ويرحم طقم الدواسات
خلوا بالكم من البنزينات والصنايعيه فى سرقة اى شئ من العربيه
المهم
ايه اسعارا لصليبه والكوريك وايه افضل انواع
وكنت عاوز اجيب عدة تكون معايا للظروف
اجيب ايه يا شباب
مفكات ومفاتيح ايه مثلا
اسف للاطاله وشكرا جزيلا

رد: ايه العدد الاساسية اللازم وجودها مع سائق السيارة للظروف الطارئة

متابع وياريت حد يقولنا
انا عن نفسي
1- مفتاح عجل او صليبه
2- كوريك لرفع العربيه (الافضل نوع تمساحه)
3- مفك متعدد الاغارض (صليبه وعاده) او مجموعه منهم بمقاساتهم
4- طقم مفاتيح من مقاس 10 حتي مقاس 17
5- كماشه او كلابه
6- جل او زجاجة مياة وفوطه لتنظيف الايدي
هذا ما اعلمه وبأنتظار باقي اصدقائنا لكي نستفيد من خبرات بعضنا

رد: ايه العدد الاساسية اللازم وجودها مع سائق السيارة للظروف الطارئة

ازيك يا وائل باشا .. واحشنى جدا والله ..

على فكره لسه سؤالك ده كان على بالى من اسبوعين .. ورحت اشتريت عده صغيره كده ..

- بنسه مقاس كبير

- مفاتيح بلدى من مقاس 10 لغاية 16

- مفاتيح بيبا من 10 الى 16

- مفتاح بوجيهات

- مفك عادى ومفكين صليبة (صغير وكبير)

اعتقد هى دى العده اللى ممكن تحتاجها فى الظروف الطارئة او حتى علشان لو حبيت تعمل حاجة بايدك وتوفر مشوار الميكانيكى .. وهتكلفك حوالى 60 - 70 جنية

بالنسبة للكوريك .. لو معندكس كوريك خالص هات كوريك منافله عادى زى بتاع العربية الاصلى .. وده ممكن تجيبه استيراد وهيعمل 50 جنية ولا حاجة مش قصة يعنى ..

وممكن تجيب كوريك تمساحة هيعمل حوالى 120 جنية بس انا مش بحبه علشان هيشغل مساحة فى شنطة العربية وملوش لازمه (مش كل يوم يعنى الكاوتش هينام منى) ...

رد: ايه العدد الاساسية اللازم وجودها مع سائق السيارة للظروف الطارئة

اقتباس:

المشاركة الأصلية كتبت بواسطة حبيب الناس (المشاركة 475403)

اسمحولي ارد على الاسئلة اللى اتذكر سعرها ..
مفتاح العجلة بـ 20 ج
كوريك تمساحة " للاسف سعرة غلي عن ما جبتة كان 80 ج الواحد طن من سنة " سألت علية
من كام يوم ف التوفيقية لقيتة بيقولي 120 ج !! واحد تانى قالى 125 ج .. لية يعم الحج ! يقولي اصل الحاجة غليت !
كوريك اتنين طن 155 ج
طقم مفاتيح .. الله اعلم مسألتش علية بصراحة الطقم اللى عندى جبتة من برة وانا راجع لان اللى موجود هنا بيصدي وصيني وحاجات غريبة بس عموما سعرها مش هيعدى 60 ج على ما اعتقد " سعر تقديري *
كماشة صيني 15 ج
أطقم المفكات اسعرها متفاوتة جداّ وفية منها زي منت عايز من ناحية السعر وحسب الجودة طبعا .
كـابل توصيل بطارية : 40 " رديئ للغاااااااية وصيني "
كابل توصيل بطارية اعلي شوية ف الكوالتي والامبير : 110 ج " شكلة مغري لكن لما طلعتة من العلبة بتاعتة لقيتة اونطة ف اونطة "

لو عايز تعمل كابل توصيل قم بعمل الاتى عشان تريح دماغك وتحصل على جودة ممتازة ومدخش زيي ف البحث عن كابل بجودة عالية " ملقتش اساسا " :
2 متر كابل من " محلات متخصصة ف الكابلات والاسلاك" او " اي محل كماليات " ف التوفيقية
2 متر كابل تانى " عشان كل طرف يكون اتنين متر " تكلفة السلك مش فكرها بصراحة .
4 مشبك تمساحة " اللى بتحطها ف البطارية " فية منها انواع طبعا افضل نوع بـ 20 ج الاتنين
يعنى الاربعة بـ 40 ج .. الخطوة الاخيرة ان حضرتك هتركب كل طرفين ف 2 مشبك وبس .. يبقى عندك كابل توصيل لا بيسخن وعمرة اطول ومن صنع ايدك بدل الصيني .

منفاخ كهرباء صيني للكاوتش 45 ج
مفتاح بوجيهات نضيف بـ 25 ج .. وفية بـ 8 ج و 15ج فرق طول الدراع / اليد والخامة
الاسعار دى من التوفيقية واغلبها من الناس اللى قاعدة ف الارض " العدة الخفيفة فقط .. اما باقى الاسعار من محلات هناك "

رد: ايه العدد الاساسية اللازم وجودها مع سائق السيارة للظروف الطارئة

:coptic_Thutmosis1S:ROSE4 U:fun_36_3_1[1]: