مصر موتورز مجتمع السيارات - عاوز افتح محل قطع غيار سيارات

مصر موتورز مجتمع السيارات (https://www.masrmotors.com/vb/index.php)

- سوق قطع الغيار (https://www.masrmotors.com/vb/forumdisplay.php?f=203)

- - عاوز افتح محل قطع غيار سيارات (https://www.masrmotors.com/vb/showthread.php?t=114614)

عاوز افتح محل قطع غيار سيارات

ممكن مساعدتكم انا ناوى باذن الله افتح محل قطع غيار سيارات جديد كورى ويابانى كنت عاوز اعرف اماكن بيع قطع الغيار الاصليه وشكرا جداااا

رد: عاوز افتح محل قطع غيار سيارات

يا اما حضرتك تتواصل مع التوكيل مباشرة وتاخد موزع معتمد لقطع الغيار
او تنزل التوفيقيه وتشوف التجار الكبار وموزعين قطع الغيار وتشوف امكانية انك تاخد منهم باسعار كويسة
او تستورد لحسابك

رد: عاوز افتح محل قطع غيار سيارات

بس يا ابو نورا التجار بتوع التوفيقيه كل بضاعتهم صينى وحوار انى اخد من التوكيل هيكلف جااااامد جدا فلو تعرف محلات بتبيع قطع غيار اصليه ياريت تفيدنى وشكرا على الرد

رد: عاوز افتح محل قطع غيار سيارات

يا باشا ملهاش حل غير زى ما أبونورا قالك
يا إما صينى يا إما الأصلى من التوكيل أو محلات الجمله و المستوردين فى التوفيقيه أو تستورد لحسابك.

بس عاوز أقولك إن الأبلاتين الصينى مثلاُ فى التوفيقيه بـ 11 جنيه
الأصلى (اليابانى مثلاً) بـ 80 جنية, و ده صعب تلاقيله زبون.

ثانى حاجه, قطع الغيار فيه منها حاجات بتبوظ من الركنه, يعنى الأصلى لو أتركن هيبوظ و ساعتها يبقى الصينى أحسن علشان عليه سحب, مثل:
كل أنواع السيور و الكاوتشوك و الأولسيهات (أى حاجه فيها كاوتش rubber)
كل أطقم الكهرباء (أبلاتين - كوندنسر - بوجيهات ...) علشان بترطب (يعنى بيجيلها رطوبه و تبقى بايظه)

و ربنا يوفقك

رد: عاوز افتح محل قطع غيار سيارات

تسلم ا زنجووو