|
رد: اسعار قطع غيار السياره فيات 131 الاستيراد
اقتباس:
اخى العزيز ماشاء الله الموتور 1600 سى سى ممتاذ ويتحمل تكيف وافضل شئ انك تركه كامل فى الشركه وهو يبانى وثمنه حوالى 2700 جنيه الفتيس 6 غيار يركب عادى ويرح الموتور ولكنى لا اخذ القديم ولاكن ممكن اشوف حد بس ليس اكيد وثمن الفتيس 600 جنيه اما بخصوص الدفيره فلابد ان تكون دفيره 131 نفسها وهى سعرها 500 جنيه اما بالنسبه للاسبراتير فكلام الميكانيكى الاسبراتير مبوش وسعره ايطالى 100 جنيه وارجو ان اكون استطعت ان اساهم فى طلباتك والله يوفقك |
رد: اسعار قطع غيار السياره فيات 131 الاستيراد
السلام عليكم ازيك يا شيخ طارق
حسب الكتالوج لل 131 ال 1600 وال 2000 سي سي يتركب لهم تروس كارونه نسبه التدوير لها 3.9 : 1 اما الاتوماتيك نسبتها 3.5 : 1 فهل الاسعار تختلف حسب نسبه التدوير وهل التروس ال3.9 :1 هيا من ضمن الموجودين عندك |
رد: اسعار قطع غيار السياره فيات 131 الاستيراد
كلام حضرتك مظبوت تماما ولكنك لن تجد الكورونه للسياره الاوتوماتيك ولاكن الكورونه 131 الالمانى تعطيك نفس الاداء
|
رد: اسعار قطع غيار السياره فيات 131 الاستيراد
السلام عليكم يا شيخ طارق
كنت عايز استشيرك فى حاجة امامى عربية 131 موديل 81,الموتور 1300,وهى supermirifiori بس هى مركونه بقالها سنة ونصف,مركونه عادى على الارض زى ماهيا يعنى مش مرفوعة كنت عايزك تفيدنى وتقولى اشتريها ولا لا , مع العلم ان اصحابها ناس جيرانى ومحترمين والعربية مش متبهدلة يعنى استعمالها حلو. كنت عايز اعرف ايه الحاجات اللى هاتتغير فيها بسبب الركنة وسعرها يعمل كام كده لو انا هاشتريها على حالتها وانا اللى هاوضبها, وشكرا على تعاونك معانا |
رد: اسعار قطع غيار السياره فيات 131 الاستيراد
اول شئ وهى واقفه مكانها تضع كيلو زيت قبل التشغيل ثم بعد ذلك اتبع الاتى
1 : تغير زيت الموتور 2 : تغير زيت الفتيس 3 : تغير زيت الكرونا 4 : تغير سير الكاتينه واخذ رقم الكيلو متر من الامبير لتغير الكتينه بعد ذلك فى المواعيد المحدده لها 5 : تغير سير الدينمو 6 : اذا لا حظت خروج دخنه بكثافه عاليه ولونها اسود ستكون مضطر لتغير جلد صباب لانه من الركنه المده الطويله من الجائز ان يكون نشف 7 : مراجعه دوره الفرامل كامله 8 : فك البلى للعجل وتشحيمه اما بخصوص السعر فهى ترجع لعده اشياء وهى سلامه الشاسيه وحاله الموتور والكرونه والفتيس والعفشه فاذا كان كل ما ذكرته فى حاله جيد فهو تساوى من 17 الى 19 الف جنيه ومبروك مقدما |
| الساعة الآن 11:19 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017